tgoop.com/sadqdd/16543
Last Update:
اعليكم الله اخذوني. يهلي لتعوفوني
من اضل خلافكم. والله تعمه عيوني
يهلي ياأهل المحنه يالتشيمون
اعليكم الله وياي ضلوا لاترحلون
ولو رحلتوا خل اروح اويهل الضعون
لاتتركوني وحيده وتعمه العيون
دمعتي اعلى جفوني. هلبت اترحموني
من اضل خلافكم. والله تعمه عيوني
گدره تسعه اسنين عمري وماهن اهواي
ومالي حيل الغربه يهلي وضيم دنياي
ارد اروح العمي اطلبه وادري وفاي
ومن يكلي وياي روحي يوفي ابهاي
الخيمته وصلوني. وعنه لتمنعوني
من اضل خلافكم. والله تعمه عيوني
ارد امشي اعليه زينب والزجية
وبلكي ابو كلب الحنين يحن عليه
ارد احلفه بفاطمه امه الأبيه
عمي فدوه خلي جفي بجف رقيه
طيبه لو رتوني. عنهه لتبعدوني
ومن اضل خلافكم. والله تعمه عيوني
اسمعني ياراعي المحنه بويه يحسين
بكل عزيز عليك احلفك والمحبين
منين اجيبه الصبر بعدك كلي منين
والله اموتن لو اروح او يالمضعنين
بويه فدوه اخذوني انتم تحبوني
ومن اضل خلافكم. والله تعمه عيوني
تضلم الدنيه عليــــهِ ويضلم البيت
لواجتني المغربية وانت ماجيت
احسبني من هسه يبويه بحسبت الميت
لو رحل عني ضعنكم وانه ضليت
معلعله اتشوفوني. ليش مترحموني
ومن اضل خلافكم. والله تعمه عيوني
خادم الزهراء ع ابو احمد الطائي
BY قناه الشاعر ابو احمد الطائي
Share with your friend now:
tgoop.com/sadqdd/16543