tgoop.com/sadr_aldin/657
Last Update:
شلت نار اعله راسي وجيت خايف حيل
بليل، وتهلَك الشمعه التطب بالليل
يفاتح حظنك وفاتح ضوه القنديل
يل امكحل السمه بدخان خيماتك
سوادك زينه للكمره
اجيلك رايد اموشل
بريج الروحه تطلع واگطع الصحره
كفارة خيانة گلبي بيش اتفض
دخيلك عرضت اعيونك وكت ذنبي
وزيناتك بقت وسط الاضلوع اترضّ
ومالي اجويده وي اعيونك التعرض
شني شمالي
احاچي بگلبي يا گلبي شبعد تطلب
يخشبه مبلله شمالك تحس روحك حطب يثگب
شجاك شغيّر اطباعك
تجرح گلب الامغليك، واتروكض وره الباعك
شسويلك يجمارّي شوكت تبيّض
يمحضوض الوكت مو خوش
اذا دار الوجه مولاك بعد متفيد (لا والحظ)
واحاچي اجروحي الاتعبدك
واحاچي اعيوني الاتودّك
يحسين الجوارح بيك اريد اتبوح
يحسين اليوّن بالليل بس مو ليك (مو مجروح)
ابفخار الناس تنفخ من حنينك روح
وايصيرون خدامك يمعبد نوح
اثاري الروح من تبعد
حچي منسي اعله رف مترب منوه الها
خيانة عيني اذا مو سهم منك ما يعدلها
واگول أسف
وآنه ادري ابمواجعها
الدمعه التنزل امن العين يا أسف ترجعها
شريت الروح وانته البيها متكفل
يالمعلعل اريد اگضي حياتي وياك متعلعل
اعتزلت الرفگه وامعاشر حچي الغشمه
واجيتك فوگ راسي النار، حته اضمّه
عليك الگلب كل همّه
وعرفت امن انفرد باسمك شنو النعمه
BY صدر الدين
Share with your friend now:
tgoop.com/sadr_aldin/657