tgoop.com/sadr_aldin/683
Last Update:
شحالها
التركض لاخوها بنص حرب
وتمشيله كل ذاك الدرب
بس الأخو ما جالها
الضلت جنازتها ابغرب وانگطع چف شيالها
الما لطموا اعليها اللذي سلّت عليهم حالها
المهيوبه وأم كل هاشمي
محدّ عزه سوالها
گلي الغريبه شحالها
من يطغه حزن المنچتل لوّح الاجنازه ايفطره
والذكرى بالموطن بچي
وبالغرب موت الذكره
ماتت الحرّه من نهد شاهدت ذيچ الشجره
ويا صوت الايموت ابغرب
گلب الجبال ايكسره
وما چانت النيّه عگب
ذاك الدلال الهاشمي
بالشام تنحرّ حالها وترحالها
اليبرالها الكافل قبل هسه العدو يبرالها
گلي الغريبه شحالها
التتنگب اعليها السمه وتجزع عليها النسمه
محد ايثغّب عل نعش ويصيح وينچ يمّه
ضلّت خيّال أمن التعب بس جبل من الهظمه
ولطمن حبايبها لطم
خله السمه اتضل زرگه
وامناشغ اويه اللطمه
صاحن يعمّه اشهل قدّر ، مو هيچ موت العمّه
والنعش ما يركد وأجت ، سكنه وتعرف احوالها
گالت ميركد هل نعش أله يجي كفالها
(عمتي تريد زاتوت من اهل الخيل)
تالي الحنينه اتموت بالهمّ مالها
گلي الغريبه شحالها
الشام للكافر وطن الشام مو لاخت احسين
دم بت علي برگبة قصرهم ضل دين
البَچّه لمحمد عين ولفاطم عين
لازم اكو يوم ويرد ثاراتها ابسيف الهَم
وامهندّه ايضل يلتوي اعله رگابهم (فورة دم)
من كربله ابخيله يهدّ
واعياي خيله بسوريا ايضل ينشم
هَدّة ثگيل وما تفضّ ، حدّ سيفه ما يتثلم
ويردها يم كفالها
ويطيب جرح آمالها
ولمة الهواشم من تردّ
طيّب ايصبّح حالها
ومحد يگول اشحالها
لن زين صبّح حالها
BY صدر الدين
Share with your friend now:
tgoop.com/sadr_aldin/683