tgoop.com/sargydaevstepan/6764
Last Update:
СӨ Бырабыыталыстыбатын түмүктүүр мунньаҕа Чурапчы нэһилиэгэр ыытылынна. Барыта 260-ча киһи отчуоту иһиттэ, үлэни сөптөөҕүнэн сыаналаатылар.
Бырабыыталыстыба отчуоттуур бөлөҕүн өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Джулустан Борисов салайда, түмүктүүр дакылааты оҥордо.
Мунньахха норуот дьокутааттара Павел Пинигин, Дмитрий Поисеев кытыннылар. Үөрүүлээх быһыыга-майгыга Вероника Макарова, Мотрена Феофанова, Варвара Старостина, Вера Луковцева,Людмила Федорова, Василий Колесов, Дария Максимова, Николай Павлов, Леонид Макаров, Иннокентий Готовцев наҕараадаланнылар. Олорор дьиэни ылыыга социальнай төлөбүрү ылыы туһунан сибидиэтэлистибэни Беляевтар, Портнягиннар, Шамаевтар, Ефимовтар туттулар.
Иван Пономарев тыа хаһаайыстыбатыгар , бырамыысыланнаска сыһыаннаах ыйытыылары биэрэн, хоруйдары иһиттэ.
Константин Кривошапкин сүөһүлээх киһиэхэ кыһыҥҥы өттүгэр хамнас төлүүр туһунан саҥа сокуон ылылларын туруоруста.
Владимир Кривошапкин интэринээт томторугар күөл кытыыта сиҥнэринэн, бу боппуруоһу быһааралларыгар, хамыыһыйа тэриллэригэр көрдөстө.
Иван Макаров Арассыыйа сокуоннарын сорох өттүн олохтоох региоҥҥа сөп түбэһэр гына туруорсар наадалааҕын ыйда.
Михаил Игнатьев уонна төрөппүттэр С.А. Новгородов аатынан оскуолаҕа салҕааһын тутууну туруорсаллар. Санатан эттэххэ, бу тутууну олохтоохтор туруорсубуттара хаһыс да сылыгар барда.
BY СТЕПАН САРГЫДАЕВ
Share with your friend now:
tgoop.com/sargydaevstepan/6764