tgoop.com/sarkhat_alahzan/4136
Last Update:
في رحاب اهل البيت عليهم السلام
شهادة الامام موسى بن جعفر باب الحوائج عليه السلام.....
........
موسى بن جعفر مظلوم
قيوده تكت منها ادموم
علنازل ابطاموره
گلوب الشيعه مجموره
اقيوده تكت منها ادموم
.......
سلم على جده اوهتف
يا ابه ابلهفه ايحيه
اوهارون من يمه انبغض
يتصوره ايعرض بيه
ايكله يبن عمي اعتذر
موسه اريدن اخفيه
امرهم ايودونه
البغداد ويسجنونه
جابوه امقيد مهظوم
اقيوده تكت منها ادموم
........
البغداد جابوه ابعجل
والطاغي ينشد منه
اتخاطبه بويه الياسبب
وابن البنت مو ابنه
ايجاوبه بن مريم ابن
ابراهيم مو من ابنه
القرأن صرح بيها
هلايات الاتليها
اوهارون غدره معلوم
اقيوده يكت منها ادموم
.........
لمن عرف حقه انخذل
لكنه طاغي اوجبار
ماخضع للحق اوطغه
اوقرر غدر بالاطهار
وبموسه بن جعفر امر
ايسجنه ويدبر افكار
وللسندي ايشجع بيه
قيده اولا ترحم بيه
صدر هارون المرسوم
اقيوده تكت منه ادموم
.......
ابن اسويد لمن قابله
اشواقه اله يبديها
واشواق شيعة فاطمه
ابلوعه اوألم يحجيها
مولاي شيعتكم تون
وافراكم ماذيها
علجسر كله الموعد
وي شيعتي اتحدد
انتظروني ابذاك اليوم
اقيوده تكت منها ادموم
...........
تنتظر اصحابه ابفرح
جية وليها ابلهفه
اجنازة اجت من السجن
والوضع يصعب وصفه
قيود اوسلاسل وبعبه
حالتها صعبه او كلفه
جثه اجت ابهل الحال
ما خطر هلشي عليال
لنه الامام القيوم
اقيوده تكت منها ادموم
.......
مرت اسنين اوبالحبس
حامد اوشاكر ربه
السجده الطويله شيمته
اوعينه لهله تتربه
لمن گضه موسه ابغدر
سموه اوشنهو ذنبه
من سجنه لمن شالوه
اوعلجسر لمن ذبوه
كلب الموالي مالوم
قيوده تكت منها ادموم
.............
ماله عشيره اولا اهل
بلچن تجي وتشيله
ظل علجسر لمن سمح
طاغيهم ابتغسيله
واندفن مو مثل السبط
ظل علثره اشچم ليله
داست على صدره الخيل
اوظل علثره ابلا تغسيل
السجاد دمعه مسجوم
قيوده تكت منها ادموم
......
الحاجة
ام احسان الخاقاني
صرخة الاحزان ج1
https://www.tgoop.com/sarkhat_alahzan
BY الحاجة ام احسان الخاقاني
Share with your friend now:
tgoop.com/sarkhat_alahzan/4136