tgoop.com/sarkhat_alahzan/4321
Last Update:
هوسات
ولادة العباس عليه السلام
........
من انولد عباس اجو لفوه
ابحيطه اوحذر عباس من كمطوه
اتوجلوا مايرضاها اوهابوه
امكطع اكماطه اتعجبو شافوه
امكطع اكماطاته ابن البدويه
......
اجاه احسين شاله اوضمه الصدره
اوحبه ابكصته واعليه جر حسره
اوعاين على اجفوفه اويجري العبره
يدري ابكربله شيصير وشيجره
امعلك راياته ابن البدويه
.....
اجاه الحسن شاله ابفرحه وبلوعه
حب اجفوف ايده اويدري مكطوعه
اوهنه امه اوغصبا هلت ادموعه
امبارك روسنه ابعباس مرفوعه
عباس ابنج بيده الرايه
.......
حيدر من اجه لصدره غده ايضمه
كمر هاشم يناسب هللقب اسمه
اويكل الزينب ايشابه تره العمه
تتخضب ازنوده بويه من دمه
واليكفل خدرج تدرينه
........
زينب هللهت وتنادي ياعباس
خويه انته كفيلي اوبيك رفع الراس
من صغرك يخويه صاحب النوماس
من هسه احضرلك درع وياه سيف اوطاس
يا كافل خدري اوعنواني
....
الحاجة
ام احسان الخاقاني
كتبت في
3شعبان 1440 هـ
https://www.tgoop.com/sarkhat_alahzan
BY الحاجة ام احسان الخاقاني
Share with your friend now:
tgoop.com/sarkhat_alahzan/4321