الشاعر سيد حامد النعيمي 8290

عظم الله اجورنا واجوركم واحسن الله عزائكم

1.8K viewsسيد حامد النعيمي, 05:25

1.8K viewsسيد حامد النعيمي, 05:27

Forwarded from المرجع الإلكتروني للعتبة العباسية المقدسة (محمد عبد الصاحب)

11:59

Media is too big

زيارة عاشوراء

2.3K viewsسيد حامد النعيمي, 05:27

2:11

1.9K viewsسيد حامد النعيمي, 19:52

1:28

Media is too big

عجيبين انتم اهل العراق
السيد نصرت قشائش

1.8K viewsسيد حامد النعيمي, 03:32

0:22

اللهم لك الحمد والشكر على هذا النعمة

هدية عظيمة من الاخ الغالي الرادود عقيل الحياوي جزاه الله خير الجزاء

1.8K viewsسيد حامد النعيمي, 07:32

0:18

اللهم لك الحمد والشكر على هذه النعمة

هدية عظيمة من الاخ الغالي سيد حامد هلال جزاه الله خير الجزاء

2.2K viewsسيد حامد النعيمي, edited 16:56

2.1K viewsسيد حامد النعيمي, 17:59

0:32

2.3K viewsسيد حامد النعيمي, 09:14

1.8K viewsسيد حامد النعيمي, 20:55

Channel photo updated

21:50

(ياهلال احزاني) محرم 1446

لسان حال الخادم يكلم هلال محرم في اول ليلة

ياهلال احزاني والذكرى العظيمة
كل محرم تنزف اجروحي الأليمه

من تهل حد ما تغيب
أَبچي لمصاب الحبيب
واحسيناه واحسيناه

ليلك مايشابه من تهل كل ليل
يطشرني حزن وافراح گلبي اتشيل
ويبدي الطف صور بعيوني مثل السيل
كل أوّل طلعتك صوتي يصرخ حيل

ياعذابي ظهرك الچن ظهر زينب
ذاكه البگطعت نحر من ليله حدّب

وي جرحهه الما يطيب
أَبچي لمصاب الحبيب
واحسيناه واحسيناه

على طول السنة دمعاتي اضم بيهه
أُمنه الزهره عالموعد أتانيهه
من تنشر قميص امدمّه بيديهه
أشد احزام آهاتي او أواسيهه

ودمعي افَزْعَنّه وَگلّه هذا يومك
من تصب لحسين دم محّد يلومك

جفني ذبله للغريب
أَبچي لمصاب الحبيب
واحسيناه واحسيناه

كلشي بروحي يابس والنفس يعثر
أتخيّل قميص احسين الموذّر
شايلته البتول وتنعى ابو الاكبر
ودمّه الْطاهر امن اچفوفهَه يِتْگَطّر

الگطره لو طاحت تزيد الزهره عبره
حيل تشبه طيحته من فوگ مهره

وْچن سهم بيهه وْتصيب
أَبچي لمصاب الحبيب
واحسيناه واحسيناه

لبست اسود رفعت الراية فوگ البيت
وسابگ ريح شوگي المجلسي اتعنيت
وانا شتمنى غير الخدمة شتمنيت
أردد لَيْتَني بالطف چنت ياليت

فرصة ابذل مهجتي للروحي تهواه
وصدري اقدمه للسحگ لحسين يفداه

گبله كون الخد تريب
أَبچي لمصاب الحبيب
واحسيناه واحسيناه

مصاب احسين جمره ابگلبي ماتطفه
وبيّه لِلَّطم ماتبرد اللهفه
توفيق إلِّطَمْ فوگ الصدر چفه
والضل ويه زينب ليله مايغفه

باجر اتگر عينه فاطم بالقيامة
بالشفاعة ينحشر ويّه إمامه

من ابو اليمه قريب
أَبچي لمصاب الحبيب
واحسيناه واحسيناه

خادم الزهراء (ع)
سيد حامد النعيمي

1.8K viewsسيد حامد النعيمي, edited 02:39

متباركين بعيد الله الاكبر عيد الغدير

بيت ازهيري

حيدر علي بالحكم عن وادمه مالهه
كسرة خبز لو أكل من ماله مو مالهه
للطير حنطة نطه بس بطنه ابد مالهه
وبالدنيا مامش ذره بانعامها نفس اله
البي خص علي رَبَّنَه منطه النبي نفسه اله
قوسين هم اقترب لاحمد صبح نفس اله
والدنيا بيده صفت يعدلهه يو مالهه

......

ابوذيات

الشارع بالغدير السير عطلة
اليوگف صافحه وچكليت عط له
اليسأل گله صار اليوم عطلة
رغم انف السقيفة وال امية

واليناك بالذر وانتباهه
علي كل روح ملكك وانته بيهه
ولي هالأمه إنته وانته باهه
عجب عقوك يل مابيك اذيه

ترهم بيك مانزلت ولايه
علي انته ولليتامه انته ولايه
لو مامنطي إلك ربك ولايه
وعلي ماينكسر ضلع الزچيه

النبي محمد (ص)

مو سيف النبي طبعه ترافاه
اول من شهد لله ترى فاه
محمد لو مشه طوله ترى فيه
جمال الله وعلي حامي الحميه

............

هوسات

بغدير اهل السقيفة بحقد مجتمعة
النبي نصّب علي واذانهم اتسمعه
رفع ايده اوْصُلْ حد السمه السبعة

ومن نزلهه احمد چن طگاهم بيهه

نكروهه الولاية وتبعو الشيطان
العوج دربه ابد ميخاوي القران
مشيهه المسطرة ميلوگ للعرجان

من هاي وكرهو حيدر ميخاوونه

علي دون العلي وفوگ البشر قدره
بعد الله ومحمد ربعه بس فقره
اسمه اعله العرش والما عرف يقره

شنسويله وهو اصلاً اعمى ابنيته

1.3K viewsسيد حامد النعيمي, 18:33

(يخبرني احساسي) محرم 1446

لسان حال مولاتي فاطمة العليلة (ع)

من شفتك يبويه تمسح ابراسي
رايح ماترد يخبرني احساسي

من شبگة وداعي وياك بصدرك نار حرّاگه
چوتني وأيّسِت ترجع يغالي ويذبح افراگه
من رَجْفَة إديك اقريت بعد هيهات نتلاگه
يمك من اغمض العين أفَتّح ليك مشتاگه

شصبر من تغيب وانت كل ناسي
رايح ماترد يخبرني احساسي

دارك ونستي تدري من عينك تضويهه
يم العِتبة هل بعدك واتغيرت معانيهه
هبوب ارياح للوحشة خسوف احزان طب ليهه
گلي اشلون من ترحل وصد احسين مو بيهه

واچماله خذت وياك عباسي
رايح ماترد يخبرني احساسي

بيتك والگبر واحد يخنگ لو مشو خوتي
باوّل خطوة للناگة أحسب خطوتي الموتي
دربك لو طُوَلْ يعني أحضّر آنه تابوتي
الي يمك طلب بويه وانخاك ابعلو صوتي

رقية اتضل شريچة روحي وانفاسي
رايح ماترد يخبرني احساسي

مودع بالله من تمشي ابسلام اجنازه ودعتك
انت السابگ اعله الموت وانه النوب تابعتك
عليلة وعايشه گوه وجودك يشفي ابنيتك
يرفعت راسي مو تدري أميرة ابعيشتي ابختك

ذلّه ابدون عطفك والزمن قاسي
رايح ماترد يخبرني احساسي

وعد منك خذيت اهناه ترسلّي علي الاكبر
صم اتراب تدفنّي لَوَنْ كل ساعة يتأخر
رسايل بسمه ماريدن اريده بشخصه من يحضر
وسالم كون كل طوله مو يرجعلي اموذر

اخوي وهيبتي المنّه خذت باسي
رايح ماترد يخبرني احساسي

خيمة البضعن واثياب گمت عطاب بيهه اشتم
ونحرك من اصدنله يِتْخَايلّي يجري الدم
يعگوب وبياض العين يِتْرَاوالِي هم ابهم
هسه اتيقنت هيهات ترجع لو بعد نلتم

طمئنينة صبح يحسين وهواسي
رايح ماترد يخبرني احساسي

خادم الزهراء (ع)
سيد حامد النعيمي

1.4K viewsسيد حامد النعيمي, edited 20:40

(تذبحني بجفاك)

لسان حال مولاتي حميدة بنت مسلم بن عقيل عليهما السلام

كل ساعة من الليل تذبحني بجفاك
أهونلي لو للموت ماخذني وياك

عيني تبچي يابويه مايطفي الدمع ناري

طفلة وحنين الشوگ مايرحم اكبار
وبروحي بويه اشلون ماتحمل الصار
بالونسه تنسه اهموم من تلعب ازغار
بس آنه بيش انساك ياونسة الدار

عيني تبچي يابويه مايطفي الدمع ناري

ميمرني تدري النوم إلا اعله متنك
بس الدلال اوياك شفته آنه منك
طيحت ورد ذبلان طيحني حزنك
تحييني مثل الماي أخبار عنك

عيني تبچي يابويه مايطفي الدمع ناري

عيني اعله باب الدار والنوح مسموع
غير الترد لولا ماعندي موضوع
ثگّل رِداني الإيد من كثر إلدموع
يطلع گمر وايغيب واگليبي موجوع

عيني تبچي يابويه مايطفي الدمع ناري

من ودعتني وحيل تحضني حسيت
آخر لقاء اوياك يجمعني البيت
أسمع همس لحسين بيه انته وصيت
وْريجك نشف ياحيد من ليه صديت

عيني تبچي يابويه مايطفي الدمع ناري

أنوى السفر واضعون جهزهه إلحسين
والنينوى من گال هالعيلة ماشين
آنه إلك حنيت گلّي تهمين
إنتي حميدة اوياي متوسطه العين

عيني تبچي يابويه مايطفي الدمع ناري

عيّشت نفسي اوهام من سارت اضعون
وبكربله اتناك واتكحل إلعيون
لاچن خبر موتاك بي هدّلت امتون
وْأول يتيمة اهناك بس بيه يحچون

عيني تبچي يابويه مايطفي الدمع ناري

خادم الزهراء ع
سيد حامد النعيمي

1.7K viewsسيد حامد النعيمي, edited 05:39

عالمي الاوحد / محرم 1446

مولاتي ام البنين تخاطب مولاي الامام الحسين عليهما السلام

يبني احسين شخصك عالمي الاوحد
انا ام عباس لو ما انت ما أُوْجَد

يعالم ماتِفَسّر شنهو مكنونه
يا عشگي المقدس جنة مضمونه
يمن وحدك أنظره الكون بعيونه
زاهر والنعم ماتنحصي واتنعد

أتيهن بسمك امن ابحر معانيّه
يشبهك حرفك الاول بزغ ضيّه
يُمّه احسين حرف الحاء حنيّه
گلبك منبعه وْروحك إهي المَسْنَد

يمالك كلشي بِيّه وعمري الك فدوه
يانبع الحياة وموطني اليسوه
إليه ولليحبّك كل وكت تچوه
عطائك مو جزر ساس اليمد المد

عُظم اسم الوفاء البيه اتوصّف
ودعائي المايرده الباري وِاتْشَرّف
الزَيّد قيمتي إنت ومصاب الطف
اليخدمك من صدگ للدوم يتخلّد

عباس اشعظم قدره علي ابشخصه
ومنك بالأُخُوّه يمتلك حصة
وصّيته الگمر يمك فرض ينصه
العبد يم سادته ابكبر القَدُر ينحد

خادم الزهراء (ع)
سيد حامد النعيمي

1.6K viewsسيد حامد النعيمي, edited 05:05