👦🏻 سيرة وقصص للأطفال 👧🏻

#قصص_القرآن_للأطفال

🔦 قصة الملكين هاروت وماروت

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 هنحكي النهردة قصة ملكين من الملائكة اسمهم هاروت و ماروت

🌸 وهما ليهم قصة مع سيدنا سليمان هنعرفها هي كمان

🌸 الشياطين الوحشين كانوا متعودين يطلعوا ويقعدوا في أماكن في السما علشان يسمعوا كلام الملائكة و يعرفوا ايه اللي هيحصل في الأرض

🌸 يعني مين اللي هيموت ومين اللي هيسيب شغله ويعرفوا أخبار الناس اللي متعرفهاش

🌸 وكان الناس بيروحوا للسحرة والكهنة ودول ناس وحشين بياخدوا فلوس من الناس علشان يضحكوا عليهم و يقنعوهم انهم بيعرفوا ايه اللي هيحصلهم مع إنهم كانوا بيخادوا الأخبار دي من الشياطين

🌸 فالناس بدأت تصدق السحرة والكهنة و بقوا يسمعوا الكلام اللي بيتقال و يزودوا عليه كلام من عندهم

🌸 ويكتبوا الكلام ده في كتب وانتشر في بني إسرائيل إن الجن بتعرف الغيب وتقدر تقول للناس إيه اللي هيحصلهم بكرة والشهر الجاي والسنة الجاية

🌸 و الغيب ده حاجات لسه محصلتش في الأرض

🌸 ولما ربنا بعت سيدنا سليمان عليه السلام وسمع الكلام ده زعل أوي لأن مفيش حد يعرف الغيب واللي هيحصل بكرة غير ربنا

🌸 فجمع سيدنا سليمان كل الكتب اللي الناس كتبتها وحطها في صندوق ودفنها تحت الارض تحت الكرسي اللي بيقعد عليه

🌸 وقال للناس مش عايز حد يقول الكلام ده تاني واللي هيقول كده هعاقبه عقاب شديد وهيموت بالسيف

🌸 ومكنش حد من الشياطين يقدر يقرب من كرسي سيدنا سليمان عليه السلام و اللي كان بيقرب منهم بيتحرق علطول

🌸 ولما مات سيدنا سليمان عليه السلام سافر العلماء اللي كانوا عارفين الكلام ده لأماكن بعيدة علشان يعلموا الناس التانية

🌸 وبقى الشيطان يظهر في صورة إنسان لبني إسرائيل ويقولهم أنا هدلكم على كنز كبير أوي علشان تبقوا أغنياء

🌸 وقالهم يحفروا تحت الكرسي بتاع سيدنا سليمان وشاور لهم من بعيد علشان هو عارف إنه لو قرب هيتحرق

🌸 وفعلا حفر بني إسرائيل الأرض ولقوا الكتب مدفونة تحت الارض

🌸 والشيطان قال لهم إن سيدنا سليمان كان كاتب في الكتب دي سحر ومن خلاله بيقدر يتحكم في كل حاجة حواليه

🌸 و بدأت الناس تتكلم وتقول إن سيدنا سليمان كان ساحر وفضلت الناس فاكرة كده لحد ما ربنا بعت سيدنا محمد عليه الصلاة والسلام وأنزل في القرآن آيه في سورة البقرة (و ما كفر سليمان ولكن الشياطين كفروا)لأن السحر كفر

🌸 وكان في راجل اسمه آصف والراجل ده هو اللي كان بيكتب لسيدنا سليمان وكان عارف اسم الله الأعظم

🌸 وكان بيكتب كل حاجة سيدنا سليمان بيقولها وبعدين يدفنها تحت الكرسي بتاعه

🌸 فلما مات سيدنا سليمان أخدت الشياطين الكتب دي وكتبت بين كل سطرين سطر فيه سحر وكفر علشان الناس تصدقهم

🌸 وكان فيه مدينة في العراق اسمها بابل واليهود نشروا في المدينة دي السحر وبقوا الناس خايفين أوي

🌸 فربنا سبحانه وتعالى نزل في المدينة دي ملكين من السما اسمهم هاروت وماروت

🌸 وكانت اليهود بتقنع الناس إن الساحر يقدر يضرهم لو مسمعوش الكلام وينفعهم لو سمعوا الكلام

🌸 علشان كده ربنا أمر الملكين اللي بعتهم علشان يفهموا أهل بابل الحقيقة ويخلصوهم من اليهود الوحشين و من الخوف اللي كان عندهم بسبب السحر

🌸 فكانوا بيعلموا الناس في بابل السحر إزاي بيتعمل علشان الناس تعرف إزاي السحر ده بيتعمل وإيه حقيقته و تبطل تخاف منه

🌸 وفهموهم إن السحر ده ممكن أي إنسان يتعلمه زي أي علم من العلوم وإن الساحر لا يمكن أن يضر ولا ينفع شخص إلا بأمر ربنا

🌸 وكانوا بيقولوا للناس إحنا علمناكوا بس علشان متخافوش لكن مش المفروض تعملوا بيه حاجة وبعديها طلع الملكين السما تاني

🌸 ولكن أهل بابل مسمعوش كلام الملكين الكريمين واستخدموا السحر اللي اتعلموه في الشر والحاجات الوحشة

🌸 وطبعا ربنا زعل منهم و غضب عليهم علشان هما مسمعوش الكلام

🌸 واتعلمنا من القصة دي إن محدش يعرف الغيب غير ربنا سبحانه و تعالى

🌸 و ان بعد ما جه سيدنا محمد عليه الصلاة والسلام مبقتش الشياطين تعرف تسمع أي حاجة من السما لأن ربنا كان بيخلي حاجة اسمها الشهب تحرقهم والشهب دي نار طالعة من السما بتحرق أي شيطان يحاول يسمع

🌸 واتعلمنا إنه مينفعش نقول أي كلام على أي نبي من الأنبياء اللي بعتهم ربنا لأن السحر ده كفر بربنا والمفروض إن الساحر يتقتل

🌸 وإنه مينفعش أي مسلم يتعلم السحر أو يروح لواحد ساحر علشان لو عمل كده ربنا مش هيقبل صلاته لمده أربعين يوم ده لو مصدقوش ولو صدقه هيبقى كافر ومش هيدخل الجنة

🌸 ومعادنا بكرة إن شاء الله مع قصة جديدة من قصص القرآن

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://www.tgoop.com/seerawqass

Telegram

👦🏻 سيرة وقصص للأطفال 👧🏻

لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء وقصص القرآن فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة

www.tgoop.com/seerawqass/12385

2.5K viewsManar RIAD, edited  Oct 27 at 15:40

#قصص_القرآن_للأطفال

🔦 قصة الملكين هاروت وماروت

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 هنحكي النهردة قصة ملكين من الملائكة اسمهم هاروت و ماروت

🌸 وهما ليهم قصة مع سيدنا سليمان هنعرفها هي كمان

🌸 الشياطين الوحشين كانوا متعودين يطلعوا ويقعدوا في أماكن في السما علشان يسمعوا كلام الملائكة و يعرفوا ايه اللي هيحصل في الأرض

🌸 يعني مين اللي هيموت ومين اللي هيسيب شغله ويعرفوا أخبار الناس اللي متعرفهاش

🌸 وكان الناس بيروحوا للسحرة والكهنة ودول ناس وحشين بياخدوا فلوس من الناس علشان يضحكوا عليهم و يقنعوهم انهم بيعرفوا ايه اللي هيحصلهم مع إنهم كانوا بيخادوا الأخبار دي من الشياطين

🌸 فالناس بدأت تصدق السحرة والكهنة و بقوا يسمعوا الكلام اللي بيتقال و يزودوا عليه كلام من عندهم

🌸 ويكتبوا الكلام ده في كتب وانتشر في بني إسرائيل إن الجن بتعرف الغيب وتقدر تقول للناس إيه اللي هيحصلهم بكرة والشهر الجاي والسنة الجاية

🌸 و الغيب ده حاجات لسه محصلتش في الأرض

🌸 ولما ربنا بعت سيدنا سليمان عليه السلام وسمع الكلام ده زعل أوي لأن مفيش حد يعرف الغيب واللي هيحصل بكرة غير ربنا

🌸 فجمع سيدنا سليمان كل الكتب اللي الناس كتبتها وحطها في صندوق ودفنها تحت الارض تحت الكرسي اللي بيقعد عليه

🌸 وقال للناس مش عايز حد يقول الكلام ده تاني واللي هيقول كده هعاقبه عقاب شديد وهيموت بالسيف

🌸 ومكنش حد من الشياطين يقدر يقرب من كرسي سيدنا سليمان عليه السلام و اللي كان بيقرب منهم بيتحرق علطول

🌸 ولما مات سيدنا سليمان عليه السلام سافر العلماء اللي كانوا عارفين الكلام ده لأماكن بعيدة علشان يعلموا الناس التانية

🌸 وبقى الشيطان يظهر في صورة إنسان لبني إسرائيل ويقولهم أنا هدلكم على كنز كبير أوي علشان تبقوا أغنياء

🌸 وقالهم يحفروا تحت الكرسي بتاع سيدنا سليمان وشاور لهم من بعيد علشان هو عارف إنه لو قرب هيتحرق

🌸 وفعلا حفر بني إسرائيل الأرض ولقوا الكتب مدفونة تحت الارض

🌸 والشيطان قال لهم إن سيدنا سليمان كان كاتب في الكتب دي سحر ومن خلاله بيقدر يتحكم في كل حاجة حواليه

🌸 و بدأت الناس تتكلم وتقول إن سيدنا سليمان كان ساحر وفضلت الناس فاكرة كده لحد ما ربنا بعت سيدنا محمد عليه الصلاة والسلام وأنزل في القرآن آيه في سورة البقرة (و ما كفر سليمان ولكن الشياطين كفروا)لأن السحر كفر

🌸 وكان في راجل اسمه آصف والراجل ده هو اللي كان بيكتب لسيدنا سليمان وكان عارف اسم الله الأعظم

🌸 وكان بيكتب كل حاجة سيدنا سليمان بيقولها وبعدين يدفنها تحت الكرسي بتاعه

🌸 فلما مات سيدنا سليمان أخدت الشياطين الكتب دي وكتبت بين كل سطرين سطر فيه سحر وكفر علشان الناس تصدقهم

🌸 وكان فيه مدينة في العراق اسمها بابل واليهود نشروا في المدينة دي السحر وبقوا الناس خايفين أوي

🌸 فربنا سبحانه وتعالى نزل في المدينة دي ملكين من السما اسمهم هاروت وماروت

🌸 وكانت اليهود بتقنع الناس إن الساحر يقدر يضرهم لو مسمعوش الكلام وينفعهم لو سمعوا الكلام

🌸 علشان كده ربنا أمر الملكين اللي بعتهم علشان يفهموا أهل بابل الحقيقة ويخلصوهم من اليهود الوحشين و من الخوف اللي كان عندهم بسبب السحر

🌸 فكانوا بيعلموا الناس في بابل السحر إزاي بيتعمل علشان الناس تعرف إزاي السحر ده بيتعمل وإيه حقيقته و تبطل تخاف منه

🌸 وفهموهم إن السحر ده ممكن أي إنسان يتعلمه زي أي علم من العلوم وإن الساحر لا يمكن أن يضر ولا ينفع شخص إلا بأمر ربنا

🌸 وكانوا بيقولوا للناس إحنا علمناكوا بس علشان متخافوش لكن مش المفروض تعملوا بيه حاجة وبعديها طلع الملكين السما تاني

🌸 ولكن أهل بابل مسمعوش كلام الملكين الكريمين واستخدموا السحر اللي اتعلموه في الشر والحاجات الوحشة

🌸 وطبعا ربنا زعل منهم و غضب عليهم علشان هما مسمعوش الكلام

🌸 واتعلمنا من القصة دي إن محدش يعرف الغيب غير ربنا سبحانه و تعالى

🌸 و ان بعد ما جه سيدنا محمد عليه الصلاة والسلام مبقتش الشياطين تعرف تسمع أي حاجة من السما لأن ربنا كان بيخلي حاجة اسمها الشهب تحرقهم والشهب دي نار طالعة من السما بتحرق أي شيطان يحاول يسمع

🌸 واتعلمنا إنه مينفعش نقول أي كلام على أي نبي من الأنبياء اللي بعتهم ربنا لأن السحر ده كفر بربنا والمفروض إن الساحر يتقتل

🌸 وإنه مينفعش أي مسلم يتعلم السحر أو يروح لواحد ساحر علشان لو عمل كده ربنا مش هيقبل صلاته لمده أربعين يوم ده لو مصدقوش ولو صدقه هيبقى كافر ومش هيدخل الجنة

🌸 ومعادنا بكرة إن شاء الله مع قصة جديدة من قصص القرآن

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://www.tgoop.com/seerawqass

BY 👦🏻 سيرة وقصص للأطفال 👧🏻