يعجبني غرورك اللي منعك تكلمني بس جبرك تراقبني

‏يصبرني على ثقل الليال إنْ الأمل ما زال
‏ينسيني شقى النفس ويضوي لي متاهاتي

‏أغيب بلا سبب ! وبلا سبب يربكني الترحال
‏واعود للمكان إللي يضم أربع .. تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

‏تجاهلت سنّ الطيش وانا بـ سن الطيش
‏ أجل لاكبرت .. وش عاد يرضي قناعاتي ؟

‏بقـى ذنب واحد من ذنوبي عجزت أنساه
‏بعد ما هداك الله يا قلبي على التوبه

‏لك الشوق .. يا ذنب تركته لوجه الله
‏عسى سيئات الشوق ماهي بـ محسوبه

جيت محتاجك وفيني كلامٍ ما يقال
‏اتعزّز وارفع الصوت وامشي واعدي

حطّني في وجه حضنك من صدوف الليال
‏تايهٍ لا اخطيت من ضمّتك وين اغدي؟

مثواك الجنه يا وجهٍ .. ولهته

للصباحات القديمه جيت كلّي
‏جيت افتش عن صباح لي مهيّل

‏ فيه غصن ذابل وشعر وتجلي
‏ وفيه قلبٍ مايمل وضحك عيّل

‏كل ماضاقت بي الأيام قلّي
‏ليه أغمض وأنطق أسمك وأتخيّل

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي

‌‏والحاصل أنيّ كل ليلة أهرب من ضجيج الناس
ويلاحقني ضجيج أفكاري ، هذي والله البلشة

‏أشفق على ضحكته وأشفق على ضمه
‏وأموت منه إن جفا ، وإن جاني أحياني

‏إن كان درب الشقى .. بيمر من يمه
‏والله أني " معه معه " إن الله أحياني

‏جيتك وأنا نعمة مْن الله وبتزول
‏لوّ ما حمدْت الله عليّ وشكرته

‏- عبدالرحمن بن جزا

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوه وطال الوقوف
‏هي نفسها الليله اللي شرها خيرها

‏جيت ومعي قلبً يحب ويحن ويروف
‏ورحت ومعي قلب أقسى من معاذيرها

‏البلا لا صرت
‏« أعرف أشتاق ، بس ما أعرف انادي »
‏و الموت في
‏« لا أنا أتبع المقفي ، ولا أحب فرقاك »

‏كُل البلايا على الإنسانِ هيّنةٌ
‏إلا فراقُ عزيزٍ ضمّه الأجلُ

- ماجد عبدالله

‏معك كل الدروب ميسره وموفقه توفيق
‏وبسماتي ملت وجهي وترحابي وضح فيني

‏لقيتك للدروب الموحشة ذخر وللضياع رفيق
‏وعقب رمضى العمر وياك تو تزهر بساتيني

‏عليك الله وامانه من ليالي البعد والتفريق
‏وسوء الظن لا يدخل حبيبي بينك وبيني

‏تخيّرتك وأنا ماني بـ جاهل وجهك ومبداك
‏أشوفك ديرةٍ ضمَّت مداي ونصف من روحي
‏- محمد السلطان

‏لا هاج موج البحر واحتار مجدافي
‏من لي عوينٍ على الشدات غير الله

‏- بدر بن عبدالمحسن

غريب أُمنيات وتايهٍ في متاهاتك
‏يدوّر على صدرك وْساده وطرّاحه

‏- مدغم أبو شيبه

‏معي جرحٍ تداويه السنين وضحكة الزوّار
‏وصبرٍ يطوي ظروف الحياه وطاري رجوعك

- صالح بن حمد