tgoop.com/shaymaumnoor/2392
Last Update:
عزاء الارض والسماء لمولاتي فاطمة الزهراء ع
مئآتم بالارض. مئآتـــم بالسمه
سواد بكل كتر. عـــزاء الفاطمه
يفاطمه. ....... يفاطمه
♡_______________
شـــعائر الحـزن. لجـل ام الحسن
جرحها ضل يئن. مصايب والمحن
عليها بس نون على طول الزمــن
نضل نرثي المحن نواسي المؤتمن
لامــنه الزاچیه. دمع نجري دمه
يفاطـمه ....... يفاطمه
✍🏻الشاعره ام عباس الحسيني
♡________________
نضل نجري دمع لطمنا ينسمع
نواسيها ابجمــع ولا نقبـل ردع
گلبنا منفجــع نذوب الها شمع
عليمن تنصفع وضلعها ينوجـع
لربها شاكيه الجموع الظالمه
يفاطمه ………. يفاطمه
✍️الشاعره شيماء ام نور
♡________________
جمــــوع الحاقده لدارها راصده چفوف اهل الرده حطبها موگده
العقيله امناشده شـنو يلّي سده
تخاف من العـده لامها امسنده
لبوها راجيـه علي حامي الحمه
یفاطمه............. یفاطمه
✍🏻الشاعره ام عباس الحسيني
♡________________
علي لمّــن حظر على الزهـره نظر
ضلعها منكســر وعلى العتبه گمر
نهض ماضل صبر وجـأ أنف الغدر
ذكر عهده وظفر لعد سـيد البشر
الوصيه باقيــــه ليـــوم الموزمه
يفاطمه ………… يفاطمه
✍️الشاعره شيماء ام نور
♡________________
وصيـة النبـي حمـلها الابـــــي
عهد لابـــد وبي لــردع الناصبي
يشيعه تأهــبي مئآتــــم انصبي
لفاطم اندبـــي عليــها وانحبي
بفگد الغاليــه القضيه مؤلمــه
يفاطمه............. يفاطمه
✍🏻الشاعره ام عباس الحسيني
♡________________
القضيه موجعـــه گلبنه تصدعــه
الزچيــه امودعــه عيونهه دامعــه
فدكهه ضايعـــه بصبرهه بارعـــه
لَوّنهــه رافعــــه اديهـه مشرّعــه
عليهم داعيــه الصحابه الحاكمه
يفاطمه ………… يفاطمه
✍️الشاعره شيماء ام نور
▪️▪️▪️▪️▪️▪️▪️▪️
https://www.tgoop.com/shaymaumnoor
BY قناة لوعة الزهراء للشاعره شيماء ام نور
Share with your friend now:
tgoop.com/shaymaumnoor/2392