tgoop.com/shaymaumnoor/2411
Last Update:
متباركين بالمولد العطر
هوسات مشتركه لذكرىولادة الزهراء عليه السلام
🌹🍃
هله بنورچ ینور الله ونــبـي المرسل
هبط جبريل وبچفوفه الـورد يحمل
علی مهـدچ یطشــه والعطــر ینـهل
((وطش بمهدچ ورد الجنه))
✍🏻الشاعره ام عباس الحسیني
🌹🍃🌹🍃🌹🍃🌹
*مكه اتشرفت هذا المسه بيها
واملاك الســــمه لامها تهنيــها
خلّـــي هالـــولاده الليله نحيها
((ونبارك للهادي وحيدر ))
*✍️الشاعر فالح العامري*
🌹🍃🌹🍃🌹🍃🌹
ورد جنة عدن ام. الحسن. زهره.
حور العين لفت للحفله متعطره
تهني المصطفى وتزف اله بشره
((اتبارك وتهني العتره))
✍️الشاعره ام البنين
🌹🍃🌹🍃🌹🍃🌹
هله بنورچ ينجمه وبالسمه تضوي
يمن ذكرچ عبير وللنفس يــــروي
يبت طاهه يمن صيتچ صدى يدوي
((ومن الهادي طيب المنبع ))
✍️الشاعره شيماء ام نور
🌹🍃🌹🍃🌹🍃🌹
هله بنـورج بزغ ياحوره انسيه
وطشــينه الورد والياس بالجيه
بت اشرف خلق بت سيد البريه
((الديره منوره بجيتها))
✍️ ام محمد الساري
🌹🍃🌹🍃🌹🍃🌹
هلا اوكـل الهلا بجیتچ یبت طه
ونهني امها خديجه الله انطاهه
او فرحانه الخلك وتهوس ویاهه
((ونتبارك لمها الجابتها))
الشاعره ام كريم طرفي
🌹🍃🌹🍃🌹🍃🌹
املاك السمه نزلت عله ام حسين
ها يابت محمد انتي نور الدّين
خل نقره الفلق ونعوذ ب يٰس
((يحسدوها... ونخاف اسم الله))
✍🏻الشاعره ام روكان الشمري
🌹🍃🌹🍃🌹🍃🌹
اسم الله عليها من الحسد زهره
عطر جنه مهدها وفايح ابعطره
وهليله الموالي يرتجي النظره
((وفرحانه الگلوب تحبها))
ام نور الباقر المالكي
🌹🍃🌹🍃🌹🍃🌹
تمت https://www.tgoop.com/mslmapnAGyel
BY قناة لوعة الزهراء للشاعره شيماء ام نور
Share with your friend now:
tgoop.com/shaymaumnoor/2411