tgoop.com/shbabeik/126
Last Update:
نتفق إنه الإسلام دا ما خلا حاجه و إنه ".. لَيسَ اللهُ بظلّامٍ للعبيد"
و إنت آآي إنت دا بالذات البتنادي بالتحرر و ال**و الحاجات الكتيره شديد ديك من باب التحضر و الثقافه...الخ " في النهايه مسلم و المعتقدات البتدافع عنها باستماته دي في دينك محرمه 🙂
"ولا يتخذ بعضنا بعضاً أربابا من دون الله " بل الطاعة كلها لله ولرسله، فلا نطيع المخلوقين في معصية الخالق..
و إتذكر بعدين"كُلهم آتيهِ يومَ القيامةِ فردا " فلا الامه و لا الحزب و لا الجماعه و لا الطائفة الدافعت عنها دي ح تمشي معاك. و كل زول ح ياكل نارو براو
و نتفق انو ".. تِلكَ حُدُود اللهِ.. " مش لو بقيت فاهم؟ و رهيب و عبقري..! لو اسطوره ذاتو ما يحق ليك.
طيب انا بعامل الانسان حسب قيمته الانسانيه بغض النظر عن الدين و بحترم الحاجه البعملها و بعدين... في ألف ديانه تانيه و ألف معتقد في العالم دا. نحنا لازم نحترمهم، و نتعايش معاهم
دقيقه خلينا من هم احترموا الاسلام أو لا و من العداء النهاراً جِهاراً داك..
هو الاحترام دا كيف؟ هل الاحترام بقول انك يا مخموم تتبعهم و تدعمهم في الحرام اللي عندك من باب الأنسنه اللي أصلا مافي و انت غاشي نفسك؟
عموماً شوف يا حبيبنا "وَمَن يَبْتَغِ غَيْرَ ٱلْإِسْلَٰمِ دِينًا فَلَن يُقْبَلَ مِنْهُ وَهُوَ فِى ٱلْءَاخِرَةِ مِنَ ٱلْخَٰسِرِينَ"
فو الله يا استاذ ما عندك حل.. انت اصلا ساكي ليك أخسرين اعمالا 🙂و انت عارف كده..
فعشان بكره ما تندم و تكون ضيعت" صفاتك السمحه "دي ساي يا "انسان"
خت عقلك في راسك و راجع نفسك و ما تتساق ساي عشان انت ما حتعيش في الدنيا دي للابد و لا حتمشي للاخره بدون عملك الفي الدنيا.. و عشان ما تقول "..... يَا حَسْرَتَا عَلَى مَا فَرَّطْتُ فِي جَنْبِ اللهِ وَإِنْ كُنْتُ لَـمِنَ السَّاخِرِينَ"
و انت قايل شنو!؟.... " قُلْ إنّ الهُدى هُدى الله.."
".... وَمَنْ يَتَّقِ اللهَ يَجْعَلْ لَهُ مَخْرَجا "
و كمان
"... مَنْ يَتَّقِ اللهَ يَجْعَلْ لَهُ مِنْ أَمْرِهِ يُسْرًا "
فااا بس يعني.
#إلهام_سليمان
BY شَبَابِيك
Share with your friend now:
tgoop.com/shbabeik/126