BOR, O‘QIB KEL, BOLAM...

Uni qadamingga tashlama boylab,
Qo‘yvor nabirangni, otajonim, Sharq...

Abdulla Oripov.

(Me’mor o‘g‘lim Asliddinga...)

Davr zo‘r, manglaying bir qarich-da,
Tuguning qilgin-u sarishta,
Istanbul, Berlin yo Parijda
Bor, o‘qib kel, bolam,
O‘qib kel!

Ne kerak chaynalish, o‘ylanish,
Hozirdan qoziqqa boylanish,
E, qochib ketmaydi uylanish,
Bor, o‘qib kel, bolam,
O‘qib kel!

Kontrakt?
Bir yo‘li topilar,
Sal ko‘proq terlanar, chopilar,
Yoriq bosh do‘ppi-la yopilar,
Bor, o‘qib kel, bolam,
O‘qib kel!

Amallab turamiz, hovlida-
Mol-hol bor, tomorqa... mayli-da,
Jo‘na-chi, otangning davrida
Bor, o‘qib kel, bolam,
O‘qib kel!

Dema hech: "ortimda tog‘im yo‘q",
Shaxdim bor, dalam yo‘q, bog‘im yo‘q,
Oyga chiqqanning ham shoxi yo‘q,
Bor, o‘qib kel, bolam,
O‘qib kel!

Ilmi zo‘r milyonni yiqsin-da,
O‘zbekdan yana zo‘r chiqsin-da,
Bizga ham salgina yuqsin-da,
Bor, o‘qib kel, bolam,
O‘qib kel!

U yoqda bo‘lma hech muztar sen,
Najotni ilmdan axtar sen,
Bizdan obketganin qaytar sen,
Bor, o‘qib kel, bolam,
O‘qib kel!

Dunyo ko‘r,
Dunyo - to‘y, osh emas,
Fikrsiz kalla bu - bosh emas,
Fikri bor hech kimga bosh egmas,
Bor, o‘qib kel, bolam,
O‘qib kel!

Bobolar o‘gitin yod qilib,
Jadidlar ruhini shod qilib,
Johil-u gumrohni mot qilib,
Bor, o‘qib kel, bolam,
O‘qib kel!

Ko‘zing och,
Uyg‘oq bo‘l,
Sergak bo‘l,
Kim bo‘lsang -
Hammaga kerak bo‘l,
Otangga, Vatanga tirgak bo‘l,
Bor, o‘qib kel, bolam,
O‘qib kel!

Kun kelar - o‘chirib-chizarsan,
Huv paxsa uylarni buzarsan,
Dunyoga go‘zal tarh tuzarsan,
Bor, o‘qib kel, bolam,
O‘qib kel!
Dunyoni uqib kel,
Uqib kel!

©️ Nuriddin Egamov

@javlonjovliyev

She’riy konsert davom etadi!

Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: “Do‘stlik” ordeni sohibi, shoir Shodmonqul SALOM

• Mehmon: shoir va aktyor ERKIN BOZOROV

📝 So‘z va adabiyot muxlislarini 20-sentabr (kuni) soat 17:00 da O‘zbekiston Milliy kutubxonasida kutib qolamiz.

Ro’yxatdan o’tish uchun ushbu soʻrovnomani to’ldiring:
https://forms.gle/BJeQBMhLreJXnHj29

BU UNUTILMAS KECHA BO‘LADI!

Telegram | Instagram | YouTube

***
Қафасини бузмоқчи юрак,
Тақиқларни енгмоқ истайман.
Мен ўзимдан қаҳрамон ясаб,
Жасоратлар кутиб яшайман.

Қиличимни қайраб жангларда
Тобланмоқчи бўларман баъзан.
Баҳодирман, лекин буйруқни
Бажаришга ихтисослашган.

Халқим, кечир, виждоним менинг
Топшириққа қараб мослашди.
Мен қўрқоқман, мард бўлганларни
Осишди, ё отиб ташлашди.

Қалбим билан элим деб ёнсам,
Ўтга ўтин ташловчилар кўп.
Сен зўрсан деб тасалли бериб,
Хато қилсам кулишарлар хўп.

Майли, эрким ўзимда бўлса
Қулочимни кенг ёзиб, шамол
Қучоғига ташласам ўзни,
Хурсандлигим келмаса малол.

Адирларда от чоптирсам мен,
Ўз қўлимда бўлсайди эрким.
Шунда балки келажак учун
Ҳикмат айтар эдим-да эркин.

Мен жасорат кўрсатмоққа шай,
Ич-ичимни дардлар ўртайди.
Ҳаммасини рўй-рост айтишга
Қани, эрким қўлда бўлсайди.

Хато мантиқ қидирманг бундан,
Баҳо берманг шеър дея, етар.
Куз келибди, кўкрагим ёриб,
Видо айтиб турналар учар.

✍ Баҳодир БАҲРОМ

🕰13.09.2024

https://www.tgoop.com/eng_suluv_armon

She’riy konsert davom etadi!

Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: “Do‘stlik” ordeni sohibi, shoir Shodmonqul SALOM

• Mehmon: shoir va aktyor ERKIN BOZOROV

📝 So‘z va adabiyot muxlislarini 20-sentabr (kuni) soat 17:00 da O‘zbekiston Milliy kutubxonasida kutib qolamiz.

Ro’yxatdan o’tish uchun ushbu soʻrovnomani to’ldiring:
https://forms.gle/BJeQBMhLreJXnHj29

BU UNUTILMAS KECHA BO‘LADI!

Telegram | Instagram | YouTube

😊 Oʻshanda juda chiroyli ketding... | She'r

- She'r muallifi: Usmon Azim
- Oʻqidi: Oʻlmas Temur va Maxliyo Jumabayeva

• Bizni kuzatishda davom eting.

Telegram | Instagram | Facebook | Ilova

Японияда, бир йигит политсияга тушиб қолибди. Турист визасида. Политсияга тушиш айб эмас, мен ҳам тушганман. Мени йиғлатгани, хўрлигимни келтиргани Япончаку, майли. Ўзбекчада исм-шарифини ёзолмаябди. Тинмай йиғлаябди. Ичим тўкилиб кетди. Ишонинг, ҳеч кими йўқ. Университетда ўқимасин, олим бўлмасин. Ҳеч бўлмаса ўрта таълимдан, мактабдан исм-шарифини ёза оладиган, кимлигини биладиган, онгли қилиб чиқарайлик болаларимизни. Хўрлигим келиб, шу шеърни ёздим!

Хор бўлсинлар буюк халқим хор қилганлар,
Хаққин талаб бурда нонга зор қилганлар.
На алифни, на калтакни ўргатмасдан,
Саводсиз деб ўз халқидан ор қилганлар.

Ёвлар кўрса, сўлагини ютган, элнинг,
Дунё тахтин қиличида тутган элнинг,
Ўтмишлари саройларда ўтган элнинг,
Хонавайрон, турар жойин ғор қилганлар.

Эзиламан, ўтмишимни қолсам, ўқиб,
Мағрур элим, ҳайҳот, наҳот қолса чўкиб,
Ўз ҳаққини сўрасалар, хунин тўкиб,
Кўзларига бу дунёни тор қилганлар.

Ким дўст, ким ёв билолмадик не асрлар,
Биздан суяк еган кўппак, бизга хурар,
Ажаб, бугун орсизларча кўкрак керар,
Боболарин ўлдирганни ёр қилганлар.

Ўз сабрингдан, ўз шукрингдан арқон ясаб,
Ўз бўйнинга, осмоқ учун дор қилганлар,
Бу бир алам, бу бир нидо, бу бир хасрат,
Хор бўлсинлар, буюк халқим хор қилганлар!

Баҳодир Искандаров!

@sherSehri

Uzoq kutilgan kun yaqin!

Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: “Do‘stlik” ordeni sohibi, shoir Shodmonqul SALOM

• Mehmon: shoir va aktyor ERKIN BOZOROV

📝 So‘z va adabiyot muxlislarini 20-sentabr (kuni) soat 17:00 da O‘zbekiston Milliy kutubxonasida kutib qolamiz.

Ro’yxatdan o’tish uchun ushbu soʻrovnomani to’ldiring:
https://forms.gle/BJeQBMhLreJXnHj29

BU UNUTILMAS KECHA BO‘LADI!

Telegram | Instagram | YouTube

#yangi_video

RAUF PARFINI XOTIRLAB

“Buyuk Turonning dardi shu odamning o'zi edi” — Abdusattor Jumanazar

TOMOSHA QILING: https://youtu.be/XvcykYxwhQE?si=7ltYp_9hCCIN4ihZ

📚 @akademnashr

Тўс-тўпалон. Шамол ҳовлида –
Деразамга урар қорларни.
Менинг шамолларим олдида –
Зарбаси йўқ бу шамолларнинг...

Деразамнинг шундоқ ёнида,
Ёғаверди ёмғир эрта-кеч.
Менинг ёмғирларим олдида –
Ёғаётган бу ёмғирлар ҳеч.

Хосият РУСТАМОВА

@Xosiyat_Rustamova

▫️▫️▫️


Bizni baxt yaratgan.

Qishloqdagi onamizga
o‘xshash baxt.

Ammo uni
tashlab ketdik.

Ba’zan sog‘inib
ko‘rgani boramiz.
Yayraymiz uyida.
Ammo
Mehmonligimizni
sezib turamiz.

Baxtdan naridagi hayot
baribir bizniki.

Ketish kerak…

Baxt bizni quchoqlab
xayrlashar,
Labida tabassum,
ko‘zlarida yosh.

Ba’zan baxt
sog‘inib ko‘rgani keladi.

O‘shanda bayram.
Bolalarga o‘xshab qolamiz.

Birdan ketishga hozirlanar.
“Qol”, deymiz.
Ammo so‘zlarimizdan
samimiyat qochganini,
allaqachon sezgan.
Aniq biladi
bebaxtlikka ko‘nikkanimizni.

Mahkam quchoqlab
xayrlashar.
O‘pib,
hidlab xayrlashadi.

“Bir ongina
baxtni ko‘rsak edi,
o‘ylaymiz
yurak orziqqanda,
Bir damgina diydoriga to‘ysak”.

Bir kuni baxtni
ko‘mgani boramiz.
Yig‘laymiz.

Anglaymiz:
biz o‘ldirganmiz
bu baxtni;
bizni sog‘inib
o‘lgan bu baxt.

Endi
bizni yo‘qlab,
hech kim kelmaydi.
Endi biz
hech kimni
yo‘qlab bormaymiz.

Endi bemalol
yashash mumkin.
Endi bemalol
o‘lsak ham bo‘laveradi…


Usmon Azim

​​Mariya Zaxarova O‘zbekistondan kechirim so‘rasin!

Bu nimasi?! Rossiya tashqi Ishlar vazirligi vakili Zaxarova Toshkent maktablaridan biridagi voqea bo‘yicha tushuntirish so‘rabdi.

Bu hayot, gohida tushunmovchiliklar oqibatida ayrim shaxslar o‘rtasida  kelishmovchiliklar bo‘lishi mumkin. Qonun bor, tartib-intizom bor. Kerakli choralar albatta ko‘riladi. O‘zbekiston o‘zining muammolarini o‘zi hal qiladi. Aybdor jazosini oladi. Bu alohida masala.

Meni hayron qoldirgani, maktab O‘zbekistonda, o‘qituvchi ham, o‘quvchi ham O‘zbekiston fuqarosi. Nega mustaqil bir davlatda bo‘lgan bir holat uchun Moskvaga tushuntirish berilishi kerak?!
     
Nima, ular haligacha O‘zbekistonni ham o‘zining guberniyasi deb hisoblamoqdami yo andishaning otini qo‘rqoq deb o‘ylashyaptimi? Bir necha rasmiy, norasmiy shaxslari suverenitetimizni shubhaga oldi, tariximizni kamsitdi, vazmin munosabat bildirdik. Migrantlarni bilgan ko‘yiga solyapti. Indamagan sayin borgan sari haddidan oshishyapti.

Bu O‘zbekistonning ichki ishlariga aralashish va xalqaro huquqning qo‘pol ravishda buzilishi ekani ochiq oydin ko‘rinib turibdi-ku!

Mariya Zaxarova bu gaplari uchun O‘zbekistondan kechirim so‘rasin! Rossiya Tashqi ishlar vazirligi bunday hurmatsizlik uchun tushuntirish bersin!

Minhojiddin Mirzo,
O‘zbekiston Yozuvchilar uyushmasi raisining ijodiy ishlar bo‘yicha birinchi o‘rinbosari

Сизга тақдим этаётган хотира-эссе шу пайтгача Рауф Парфи ҳақида ёзилган хотиралардан фарқ қилади деб ўйлайман.Чунки у Рауф Парфини жуда яхши билган, узоқ йиллар у билан ҳаммаслак, ҳам дўст, ҳам шогирд бўлган Сулаймон Раҳмон томонидан ёзилган. Яна фарқли жойи шундаки, агар Рауф Парфи ҳақидаги ёзилган хотираларнинг аксарият қисми муаллифлар томонидан ўзларини буюк шоир билан таниш бўлганларини дунёга билдириб қўйиш ниятида ёзилган бўлса,Сулаймон Раҳмон хотиралари теран ва ботиний самимият билан ёзилгани,улуғ шоирнинг сиймосини аниқ ва ёрқин тарзда кўз ўнгимизда намоён этиши билан ажралиб туради.Хотирада Рауф Парфи яшаган муҳит,унинг ўша йиллардаги ўйлари ва кечинмалари,шоирни ёнидаги одамлар ҳақида аниқ ва тиниқ ёзилгани ҳам диққатга сазовор.

Эссенинг тўлиғи 👇👇👇

https://kh-davron.uz/kutubxona/uzbek/memuarlar/sulaymon-rahmon-suyuk-va-buyuk-shoir.html

Бугун - Ватаннинг асл халқпарвар фарзанди, миллатпарвар зиёлиси, улуғ шоир Рауф Парфи таваллуд топган кун.

ИСМСИЗ ШЕЪР

Рауф Парфи хотирасига

Минг йилки, суронлар турар Туронда,
Минг йилки, судралар занжирбанд ҳурлик.
Минг йилки, орзулар гуллайди қонда,
Минг йилки, ҳурликдай туйилар хўрлик!

Минг йилки, дўмбира чалади руҳим,
Минг йилки, боғларда нолаваш - ҳаққуш!
Минг йилки, юлдузлар қизғанар чўғин,
Минг йилки, сесканар, уйғонолмас туш.

Минг йилки, шамоллар бўрондай кучли,
Минг йилки, тўфонлар қарши денгизга.
Минг йилки, тўлолмай ўртанар бўшлиқ,
Минг йилки, йўл йўқдир шўрлик илдизга.

Минг йилки, туфроқнинг бағри ўйилган,
Минг йилки, йиғлайди Ватан – ўйнаймиз.
Минг йилки, кўзларга миллар қуйилган,
Минг йилки, ҳатто бир инграб қўймаймиз.

Минг йилки, қабрлар гулга чулғанар,
Минг йилки, тик турар ул Соҳибқирон.
Минг йилки, ўликлар сим-сим тўлғонар,
Минг йилки, барҳаёт бир даъват – уйғон!

Минг йилки, суронлар турар Туронда...

2019-йил

✍ Баҳодир БАҲРОМ

👇👇👇
https://www.tgoop.com/eng_suluv_armon