أشياء بسيطة

يا جماعة الحكاية شنو!
الناس في القصص والروايات وبكونو ابطال حقيقين وصنعوا مجد حقيقي و نفع الامة في زمانو حقيقي ما بذكروا لينا تفاصيل اكلو وشرابو ونومو وضحكو وونستو
وفي ناس عديل قعدت أيام وسنين وساهرت ليالي وعاشت صعوبات عشان تكتب لينا قصة حياتهم وتطلع لينا بالمفيد
ما عملوا زي جنس عمايلكم دي ويورونا عاشوا الحياة دي كيف
شنو لكن ، الواحد بتعامل مع تفاصيل حياتو زي كأنها اعظم الاحداث ليه ! ، الناس ما عاشت قبلكم ولا ما حتعيش بعدكم ناس ؟
الناس ليه بتتعامل مع طبيعة الحياة اليومية والروتين اليومي كشي انجاز كبير ، وبتعزز لأي شئ ، لا شئ وبتكتب عن أي شي
وبتخلونا نعرف أي شئ ،وبتطبعوا في عقولنا إنو دا شي عظيم ليه!
الناس تروق حبة ، ما ممكن ، بقينا نفتح السوشيال ميديا وبنتابع الحاجات ع أساس إنها مهمة وهي اساسا مفروض ما تتذكر
ما عندنا مشكلة مع الانجاز ولا التعزيز ، لكن العسل الكتير بعشرق في الحلق وبقهم
إنتو ليه بتعملوا للحنابر قنابر وبتعززوا لأي شئ ؟ مالكم في شنو ؟
البعرفوا إنو فيسبوك وواتساب وباقي الهلم جر بتاع الميديا قالوا مشاركة لحظات ، انجازات ، مناسبات
إنتو اعتبرتو لينا أي شي هو شي ؟

وبعدين مشاركة اللحظات دي ذاتو ما كل اللحظات ولا أي لحظات ، لحظات عندها وقع في النفس ، ترويح ، صداقة ، لطف ، عفوية ، مواساة ، حزن ، يعني مشاعر صادقة ولحظات حقيقية صادقة

وشوية شوية أو مرة مرة ما اوووووررررررر كدا ، الواحد كان نام وصحى بس يبلنا قصص
غيركم ما نام ولا ما عاش!
أي زول بظهر لينا إنو مهم ولحظاتو مهمة ونحن جمهورو ومفروض نديو راينا ونعملو استطلاع والعجب نقدر حالاتو كمان ولازم نشارك عشان خلانا نشوف ونعرف!
يخواني شاركونا لحظاتكم عادي ، بطريقة عادية ، وكحاجة بتعنيكم ما بتعني المجتمع، ما عندنا مسكلة والله ، وإنو نحن يكفينا حسن المشاهدة ونقلت لينا الإحساس الطيب أو الموقف العادي دا وشفنا شي حلو بهدوء
بتقحمونا معاكم ليه ، بتخاطبونا في كلامكم ليه
أساسا الواحد بكون عندو صديق واحد عزيز ،وشلة اشخاصها معروفين ديل البكونو مقصودين ورأيهم مهم
، لكن تعتبرونا جمهوركم غصبا عننا ليه ؟ تتكلموا معانا بلهجة المدير والطلبة في أي شي ليه! وبعد دا تعتبروا رأينا ما مهم

ارفعوا استوري عادي ، عبروا عن أي شي عادي ، بس بالله عليكم حركات المهدي المنتظر دي خففوها يرحمكم الله

أول ما دخلنا الميديا دي كان عشان نملا وقت الفراغ ندخل نتثقف شوية ، نتعرف ع الاختلافات شوية ، وما يبقى وقت فراغ فاضي يعني الواحد يغذي مخو شوية وبعدها الواحد يرجع ينغمس في حياتو تاني عادي بهدوء

أنا ما قصدي عن دور الميديا في التطور والحياة ، قصدي في الناس البتصعب علينا الميديا ديل

www.tgoop.com/simpth/52066

8.8K viewsăsm3a, Jan 2 at 21:05

يا جماعة الحكاية شنو!
الناس في القصص والروايات وبكونو ابطال حقيقين وصنعوا مجد حقيقي و نفع الامة في زمانو حقيقي ما بذكروا لينا تفاصيل اكلو وشرابو ونومو وضحكو وونستو
وفي ناس عديل قعدت أيام وسنين وساهرت ليالي وعاشت صعوبات عشان تكتب لينا قصة حياتهم وتطلع لينا بالمفيد
ما عملوا زي جنس عمايلكم دي ويورونا عاشوا الحياة دي كيف
شنو لكن ، الواحد بتعامل مع تفاصيل حياتو زي كأنها اعظم الاحداث ليه ! ، الناس ما عاشت قبلكم ولا ما حتعيش بعدكم ناس ؟
الناس ليه بتتعامل مع طبيعة الحياة اليومية والروتين اليومي كشي انجاز كبير ، وبتعزز لأي شئ ، لا شئ وبتكتب عن أي شي
وبتخلونا نعرف أي شئ ،وبتطبعوا في عقولنا إنو دا شي عظيم ليه!
الناس تروق حبة ، ما ممكن ، بقينا نفتح السوشيال ميديا وبنتابع الحاجات ع أساس إنها مهمة وهي اساسا مفروض ما تتذكر
ما عندنا مشكلة مع الانجاز ولا التعزيز ، لكن العسل الكتير بعشرق في الحلق وبقهم
إنتو ليه بتعملوا للحنابر قنابر وبتعززوا لأي شئ ؟ مالكم في شنو ؟
البعرفوا إنو فيسبوك وواتساب وباقي الهلم جر بتاع الميديا قالوا مشاركة لحظات ، انجازات ، مناسبات
إنتو اعتبرتو لينا أي شي هو شي ؟

وبعدين مشاركة اللحظات دي ذاتو ما كل اللحظات ولا أي لحظات ، لحظات عندها وقع في النفس ، ترويح ، صداقة ، لطف ، عفوية ، مواساة ، حزن ، يعني مشاعر صادقة ولحظات حقيقية صادقة

وشوية شوية أو مرة مرة ما اوووووررررررر كدا ، الواحد كان نام وصحى بس يبلنا قصص
غيركم ما نام ولا ما عاش!
أي زول بظهر لينا إنو مهم ولحظاتو مهمة ونحن جمهورو ومفروض نديو راينا ونعملو استطلاع والعجب نقدر حالاتو كمان ولازم نشارك عشان خلانا نشوف ونعرف!
يخواني شاركونا لحظاتكم عادي ، بطريقة عادية ، وكحاجة بتعنيكم ما بتعني المجتمع، ما عندنا مسكلة والله ، وإنو نحن يكفينا حسن المشاهدة ونقلت لينا الإحساس الطيب أو الموقف العادي دا وشفنا شي حلو بهدوء
بتقحمونا معاكم ليه ، بتخاطبونا في كلامكم ليه
أساسا الواحد بكون عندو صديق واحد عزيز ،وشلة اشخاصها معروفين ديل البكونو مقصودين ورأيهم مهم
، لكن تعتبرونا جمهوركم غصبا عننا ليه ؟ تتكلموا معانا بلهجة المدير والطلبة في أي شي ليه! وبعد دا تعتبروا رأينا ما مهم

ارفعوا استوري عادي ، عبروا عن أي شي عادي ، بس بالله عليكم حركات المهدي المنتظر دي خففوها يرحمكم الله

أول ما دخلنا الميديا دي كان عشان نملا وقت الفراغ ندخل نتثقف شوية ، نتعرف ع الاختلافات شوية ، وما يبقى وقت فراغ فاضي يعني الواحد يغذي مخو شوية وبعدها الواحد يرجع ينغمس في حياتو تاني عادي بهدوء

أنا ما قصدي عن دور الميديا في التطور والحياة ، قصدي في الناس البتصعب علينا الميديا ديل

BY أشياء بسيطة