tgoop.com/sohbetelkhair/22305
Last Update:
واخدين بالكم من الاحداث؟
الشتاء خلص ومافيش مطر بتاع 6 مرات طول الموسم
موت العلماء والفقهاء
قصف وحرب ف اغلب دول المسلمين
ايام رمضان بتعدي هوا!
لو عاملة نفسك مش واخدة بالك ف بجد خافي واللّٰه بجد
الدنيا فانية والله يجماعة
جربوا بس تسمعوا تفسير سورة من القرآن سورة واحدة واللّٰه
مش هتستحملوا فكرة ان ممكن تبقوا من اهل النار عقلك مش هيستوعب يوم القيامة عامل ازاي والسماء هتنشق وتقع ازاي والجبال منظرها عامل إزاي و إزاي الملائكة هتشدنا وأهل النار هيتعذبوا إزاي وهيتمسكوا أصلًا إزاي مافيش حاجة هتحصل إلا وربنا قالها ف القرآن من أكبر حاجة لاصغر حاجة، متخيلة انه مكتوب إزاي أهل النار هيتمسكوا أصلًا مش هيتعذبوا إزاي مثلا بس لا هيتمسكوا اصلًا إزاي، القرآن مينفعش يبقا ديكور مركون ف الشقة وخلاص نفتحه أول يومين وبعدها نقول مش حاسة برمضان، انتِ مش داخلة رمضان عشان تحسي انتِ داخلة تعبدي داخلة تتعبي وتجتهدي عشان تعتقي من النار!
الموضوع مش هين واللّٰه يجماعة العمر بيخلص في إيه ثانية خدوا خطوة متسبوش نفسكم لدماغكم ولنفسكم إللي طلعتي اوحش مليون مرة من الشيطان، كل مرة بتجبيها في الشيطان وهو اللي بيغلبني، ده إيه هو مش موجود دلوقتي مش بتاخدي خطوة لية؟
خدي خطوة وانتظمي ع الصلاة و احفظي القرآن والبسي اللبس الشرعي مافيش حاجة إسمها أنا لسة صغيرة طول ما أنتِ بالغة عاقلة انتِ بتتحسبي علىٰ كل خطوة بتمشيها وعلىٰ كل كلمة بتطلع من لسانك وعلىٰ كل فعل بتعمليه!
ربنا يعفو عنا و يرحمنا..
BY صُحبة الخَير.💕🌿
Share with your friend now:
tgoop.com/sohbetelkhair/22305