ازرع الطيب اتعيش حته ويه موتك
بس لا تموت ابعين ربعك واخـوتك

وي غيري زل وعيل يتحمل هواي
بس لا يورطك يوم شيطانك وياي

واني امشي واحد صاح باﭼر يمر بيك
ماكملت ممشاي طحت اعله طاريك

كل ذكرى إلك ماريد والفات احسمه
واليشبه إسمك راح ماصيحه بسمه

اتهبش بجاون كون واغدي برحي الدود
واحرجني سبع أمرار ماردلك اردود

موروث الديوانيه الدغاره

---------------
أَگعد ويهل الجود شمهوده ماصير
تنحطلي فشجة راس گبل الخطاطير

ظل دور شما بيك .. عن اليشيمون
وانشد نِشد خطّاب لو صادگت كون

متكبر يكولون عني اسمع اخبار
لا والله مو كبران بس انتم ازغار

ما ظل أثر للسود يم المشوفه
وللدنيا توني تگول جاي منشوفه


من سلهمت وياه ، لف بيده عودك ؟

واني ابني ما ادنّي لحضني عله مودك

ينشد مفرع ليش بعگالي شله!!!!
بعته وجبت مسواگ لاولادة گله

اشاوه. برد. اشتاي. عريان اخلصه
وماورج.. الشمات ..وطيها. فرصه

يا فرحتي بملكاك ماتنوصف دوم
عاجر لعشر سنين تتبشر بتوم

ساعتها ما هديت من جانت تفور
خلصت عليمن جاي تفكاتك تثور

اغلط علينه وروح مانحچي بيهه
غلطة طفل كلساع نضحك عليهه

جنت اذبح انه النوگ وعزم عليهن
هسه الخمس بيضات گوه اشتريهن

عندك شغيله وياي بس مستحيها
شنهي البالك كول وانه ابدي بيه..

أياد عبدالله الأسدي

مايشمل الميتين هذا العفو العام
ويرد عزيز الروح وتعود الايام💔..

متوازي..يلدفان شو تدفن بساع...
خلينة..نشبع شوف ماطارت الگاع...💔

نحكم حدر الگاع شيرجعه انه
شالوها بالتابوت ذيج المحنه

اليطي بته اعناد للماتريده
كون اعله خوط الجاي ماتكدر ايده