tgoop.com/sparkalliancehk/10964
Last Update:
【獄中來鴻】
因2016年旺角初一事件入獄三年的發仔，出獄後不久，於19年11月理大圍城一役中不幸再度被捕，去年中暴動罪成，被判入獄四年。
兩度因暴動罪成入獄的發仔，被問到其他同路人應如何勉勵失去自由的朋友，他明言其他人難以完全理解被囚者的心境，寄語在囚者最重要學懂愛惜自己，才能面對一切黑暗..
//致尤其係受拘束嘅同路者：
寫呢封信，事緣係有朋友論及有在內者感低落，想我稍為寫些少勉勵說話。對方表示自問欠奉「資格」去作出此種勉勵，覺得我乃「具備資格」，去講下近幾年經歷嘅所謂心得。我答佢其實如此唐突去刻意為之，寫啲不痛不癢嘅打氣說話，懶係正能量、紙上談兵說話嘅意義不大，因為當事人所承受嘅，根本就無任何人可以體會到，即使同係在內者，所遭遇者亦可以差天共地，無從亦不應該如此泛化、一概而論；所以我當刻無好爽快、直接應承，當下就此暫擱咗。
然而，到我食完夜晚嗰餐，思前想後，到返倉，彷彿好似諗通一啲野、有些少頭緒，最後，都係決定疾筆書下此封隨心而至嘅內心告白信。
唔好誤會，我寫呢封信，並非自認為因為有「資格」所致。正如我前面都有講，當事人以外無任何人可以置喙。更多嘅，或者，呢封信純粹係某種形式嘅「獨白」。當然，如果我呢番說話之中，能夠畀到人哪怕只丁點兒正面影響的話，至為令人欣慰。
面對未知「期限」嘅恐懼，相信好多經歷過／仲經歷緊嘅都有好深感受。好多嘢仿似到此為止，卻只有忍耐，係遠遠未到此為止；所有嘢都係等等等、無盡嘅等等等……總之就係受盡等嘅煎熬。至於其他根本無從向外人啟齒嘅，更係只有硬哽，內裏先知箇中窒息壓感。
諸多雜念纏心，無論點諗點拆都好，結果就係不得不傷感嘅冰鐵殘酷－所承受嘅量壓根兒就無可能有任何絲毫變化，係咁多就係咁多。即使內心聲音發出想被放過，聲嘶都好，奇迹不但無發生，反而接二連三向住壞嘅事態發展－即，不被確定嘅未知卻又於途中，加上已確認嘅已知最快可能期限嘅一再推遲。點樣諗都好，都係無得思破，必然要面對嘅殘局。無任何懸念，唔好自欺欺人、更唔好自以為是去自以為體會到當事人。呢點一定要切記。
既然一切係如此已成定局的話，可能會有人問，咁我呢封信嘅意義又何在呢？既然都已經係不斷咁壞壞壞落去，咁又何必去故作振作呢？失去嘅維持失去，又有乜可以說服自身..
全文如下：
https://www.facebook.com/1965117443775378/posts/3244288392524937/?d=n
BY 星火同盟 抗爭支援
Share with your friend now:
tgoop.com/sparkalliancehk/10964