tgoop.com/story258/41740
Last Update:
قصة كليم الله9️⃣
"قَدْ أُجِيبَتْ دَعْوَتُكُمَا"
كان ده الرد على دعوة موسى وهارون عليهما السلام
لمااشتد أذى فرعون وجنوده على المؤمنين وانقطع الأمل في إيمانهم
ولكن لحد ماينزل العذاب ربنا أمر المؤمنين بإنهم يخلوا بيوتهم هي أماكن الصلاة بدل المساجد ويفضلوا يبشروا بعض بإن نصر ربنا قريب
وفي ليلة من الليالي ربنا أذن لسيدنا موسى إنه يخرج ببني إسرائيل فخرجوا في طريقهم للشام وكان خروجهم بالليل عشان ماحدش يحس بيهم
لكن فرعون وجنوده وصلهم الخبر
وعلى الفور فرعون جمع كل جيشه وخرج وراهم ووصلهم فعلا وقت شروق الشمس
أصحاب سيدنا موسى شافوا خلاص جنود فرعون وراهم والبحر قدامهم خافوا وقالوا لسيدنا موسى إنا لمدركون !!
الحقنا خلاص ماعدش فيه حل قدامنا
لكن سيدنا موسى قالهم بكل يقين "كَلَّا ۖ إِنَّ مَعِيَ رَبِّي"
كان واثق لن ربنا مش هيضيعه
في الوقت ده ربنا أمره إنه يضرب البحر بالعصاية بتاعته
وحصلت المعجزة!!!
اتشق طريق جوه البحر والمياه كانت واقفه حوالين الطريق ده زي الجبال كده
ودخل سيدنا موسى ودخل وراه بني إسرائيل
والكل مش مستوعب اللي بيحصل
ووصل فرعون وشاف البحر اتشق في موقف يعجز عنه أي قدرة بشرية
لكنه وبكل عمى قلب قالهم شوفتوا البحر عمل ايه في اللي تمردوا عليا ، ادخلوا وراهم الحقوهم!!!
وبدل مايقف حتى يفكر لا..دخل فرعون وجنوده في الطريق المعجزة
هيحصل ايه بعد كده؟؟!!
يتبع ...،،،،،
#قصة_موسى
#كليم_الله
#رسايل
BY قصص نوادر العرب
Share with your friend now:
tgoop.com/story258/41740