tgoop.com/stranadlyazhiznibelarus/3057
Last Update:
160 гадов таму, 22 сакавіка 1864 году, расейскімі акупантамі быў забіты Кастусь Каліноўскі. Кіраўнік нацыянальна-вызвольнага Паўстаньня быў павешаны ў Вільні на пляцы Лукішкі. Перад сьмерцю ён напісаў зварот да беларускага народу – "Лісты з-пад шыбеніцы". Іх зьмест не згубіў сваёй актуальнасьці і праз 160 гадоў.
"Браты мае, мужыкі родныя. З-пад шыбеніцы маскоўскай прыходзіць мне да вас пісаці, і, можа, раз астатні. Горка пакінуць зямельку родную і цябе, дарагі мой народзе. Грудзі застогнуць, забаліць сэрца, — но не жаль згінуць за тваю праўду… Нямаш, браткі, большага шчасьця на гэтым сьвеце, як калі чалавек у галаве мае розум і навуку… Но як дзень з ноччу ня ходзіць разам, так не ідзе разам навука праўдзіва зь няволяю маскоўскай. Дапокуль яна ў нас будзе, у нас нічога ня будзе, ня будзе праўды, багацтва і ніякай навукі, — адно намі, як скацінаю, варочаць будуць ня для дабра, но на пагібель нашу… Бо я табе з-пад шыбеніцы кажу, народзе, што тады толькі зажывеш шчасьліва, калі над табою маскаля ўжо ня будзе."
BY ОД СДЖ
Share with your friend now:
tgoop.com/stranadlyazhiznibelarus/3057