tgoop.com/studycampsyria/869
Last Update:
#مساعدة
#تنظيم_وقت
#تجربة_طالب
مسالخير اصدقائي 💙
رح احكي اليوم عن برنامج لتنظيم الوقت بالشتوية بفترة المدرسة ❤️
رح نمشي ع مبدأ فرق تسد✌️
كيف يعني؟؟؟🙄
رح نقسم الايام لمواد محددة وهيك كل مادة الها وقت مخصص ف برتاح من التفكير فيها
اقرأوا اول شي #بوستات_تعريفية عن المواد وكيف دراستها😉
بداية 💛 #العلوم 💛 يومياً من السبت للخميس من ال 5 صباحا لل 7 (فعلياً ببرنامج المدرسه عنكن تلت حصص علوم أسبوعياً يعني ٣ ايام بتاخذوا شي جديد و ٣ ايام بتراجعوا القديم وبعد ما تمضى فترة منيحة ويكتروا الدروس
لازم تصيروا تدرسوا درس جديد ودرس قديم وهيك ان شاء الله ما بتنسوا)
هلق 💛 #الرياضيات 💛 يومياً ساعتين مساء قبل النوم ولازم نحل كل شي
وهيك بيكون عقلنا ارتاح من التفكير من مادتين
💛 #القومية 💛القومية عبارة عن ١٧ درس اذا كل جمعة صباحاً درسنا درس وراجعنا واحد قديم معناها ب ١٧ اسبوع المادة بتخلص يعني ٤ شهور الا اسبوع (لو افترضنا بدأنا ب الشهر العاشر بداية الشهر الثاني منكون خلصنا قومية و بيبقى عنا كتير وقت حتى نراجعا ونضمن علامة تامة فيها طبعا ك عدد ساعات مو مهم المهم نخلص درس كل جمعة)
💛 #الديانة 💛 مادة اغلب الطلاب بتهملها لهيك لازم ضمن السنة ندرس الايات والاحاديث اقل شي وقبل الامتحان او بالانقطاع مندرس من شي مكثفة
💛 #الكيمياء 💛 مندرس مع الاساتذه بالمدرسة يعني اذا اليوم اخذت درس بدرسو بنفس اليوم و فينا كل يوم خميس نفضي ساعتين نعمل مراجعة سريعة للي اخذناه وهيك ان شاء الله منضمن تامة فيها
💛 #الفيزياء 💛 عنفس مبدأ الكيميا
❤️ #لغات ❤️ #انكليزي #فرنسي كل يوم نص ساعه لأحد اللغتين (يوم انكلش و يوم فرنسي) بتكون كافية للدراسة المفردات والقواعد واهم شي المفردات بكرر اهم شي المفردات
واخيرا 💛 #العربي 💛 لغتنا الأم 😁 وقت ناخذ الدرس مندرسو ومنتدرب ع المواضيع الادبية كتير ومنكرر القصائد كتير
طبعا هاد البرنامج عن تجربة شخصية والحمدلله كانت ناجحة بتمنى تستفيدوا منو
وأي سؤال انا جاهز و اي مساعدة تكرموا ❤️
بالنسبة لعدد الساعات الوسطية للدراسة باليوم
بأيام الدوام بين ٥ و ٧ ساعات اقل شي
وبأيام العطل بين ١٠ و ١٢ ساعة
بالنهاية بحب قلكن هالعبارة الحلوة 💛
الأشياء العظيمة تأخذ الكثير من الوقت والجهد حتى تأتي ✌️
كل التوفيق 💛
كان معكن علي الماوردي طالب طب بشري سنة تانية في جامعة دمشق
BY ✌️Study Camp Syria✌️مخيم الدراسة السوري ✌️
Share with your friend now:
tgoop.com/studycampsyria/869