🌼💛ƤƠƧƖƬƖƔЄ ЄƝЄƦƓƳ🌼💛

#المهارات_الناعمة 💛

ح أحاول بقدر الإمكان استخدم طريقة مبسطة للفهم..

أول حاجة في نوعين من المهارات إللي ممكن يكتسبهم الإنسان وبتفيدو في سوق العمل أو إذا حابي يتقدم ل وظيفة معينة..

المهارات الصلبة و المهارات الناعمة..

طيب شنو هي المهارات الصلبة... المصطلح ممكن نشوفو غريب شوية لكن هو بيدل على ثباتها و عدم تغيرها مع الزمن ولا المكان...

إللي هي زي مهارة تشغيل الكمبيوتر مثلاً..

تشغيل الكمبيوتر في بيتكم زيو زي تشغيل الكمبيوتر في الجامعة أو غيرو..

وزي القراءة والكاتبة والطباعة و هكذا..

هي نفسها ما بتتغير و علشان كدا سموها مهارات صلبة وثابتة وقابلة للقياس..

أما المهارات الناعمة ف هي إللي ما ثابتة و بتتغير من شخص لشخص ومن مكان للتاني..

كيف ؟؟

لأنها بتعتمد على شخصيتك إنت و هي زي طريقة تعاملك مع الناس أو طريقة تعاملك مع المشاكل أو مهاراتك في إدارة النقاشات سواء في الاجتماعات أو غيرو..

نحن ح نستفيد شنو منها؟؟

ببساطة لما تجي تقدم ل وظيفة معينة مهاراتك الصلبة (زي التعامل مع الحاسوب و اللغة و الخ..) هي سبب المقابلة للوظيفة..

يعني بيها يادوب إنت بتقابل رب العمل ، لكن ب مهاراتك الناعمة ( طريقة كلامك و تفكيرك و لباقتك) هي بتكون سبب حصولك على الوظيفة..

كيف الكلام دا؟؟

مدير أي شركة بكون دايماً محتاج زول مهارات التواصل عندو ممتازة علشان يكسب بيهو العملاء ، محتاج زول عندو قدرة على حل المشاكل والأزمات أكتر من زول استخدامو للحاسوب زيو وزي الحاسوب اتجاه واحد..

دراسات كتيرة اتعملت ل رؤساء عمل في أكبر الشركات في العالم بيقولو انو الوظائف ذات العقود الطويلة بتكون 70% اعتمد فيها النجاح على المهارات الناعمة أكتر من المهارات التقنية التانية..

كنت بحضر في مسلسل قبل كم يوم في موظف كدا قاري
" تجارة" ومتخرج بي جيد و مستواهو بتاع الانجليزي ما كويس شديد و استخدامو للحاسوب محدود..

بس بتشاكلو فيهو 3 من أكبر الشركات في مصر !

خليت المسلسل بالفيهو وبقيت بفكر ليه الزول دا رغم مؤهلاتو المحدودة الناس دي بتتشاكل فيهو واي واحد مستعد يدفع ليهو المرتب إللي هو عايزو علشان يفضل معاهم..

لقيت انو هم متمسكين بيو علشان شخصيتو ، علشان بيوفر ليهم زباين بس ب طريقة تعاملو اللطيفة مع الناس ، علشان كل مشكلة حتى لو ما كانت بتخص مجالو هو كان بيتدخل و بيحلها في ثواني..

ف دا هو المحتاج ليو سوق العمل.. 💛

المهارات الناعمة كتيرة جدًا ح أحاول انزل ليكم سلسلة بوستات عنها كل كم يوم كدا✨

www.tgoop.com/tasneemyousif1999/2447

757 viewsJun 19, 2020 at 10:38

#المهارات_الناعمة 💛

ح أحاول بقدر الإمكان استخدم طريقة مبسطة للفهم..

أول حاجة في نوعين من المهارات إللي ممكن يكتسبهم الإنسان وبتفيدو في سوق العمل أو إذا حابي يتقدم ل وظيفة معينة..

المهارات الصلبة و المهارات الناعمة..

طيب شنو هي المهارات الصلبة... المصطلح ممكن نشوفو غريب شوية لكن هو بيدل على ثباتها و عدم تغيرها مع الزمن ولا المكان...

إللي هي زي مهارة تشغيل الكمبيوتر مثلاً..

تشغيل الكمبيوتر في بيتكم زيو زي تشغيل الكمبيوتر في الجامعة أو غيرو..

وزي القراءة والكاتبة والطباعة و هكذا..

هي نفسها ما بتتغير و علشان كدا سموها مهارات صلبة وثابتة وقابلة للقياس..

أما المهارات الناعمة ف هي إللي ما ثابتة و بتتغير من شخص لشخص ومن مكان للتاني..

كيف ؟؟

لأنها بتعتمد على شخصيتك إنت و هي زي طريقة تعاملك مع الناس أو طريقة تعاملك مع المشاكل أو مهاراتك في إدارة النقاشات سواء في الاجتماعات أو غيرو..

نحن ح نستفيد شنو منها؟؟

ببساطة لما تجي تقدم ل وظيفة معينة مهاراتك الصلبة (زي التعامل مع الحاسوب و اللغة و الخ..) هي سبب المقابلة للوظيفة..

يعني بيها يادوب إنت بتقابل رب العمل ، لكن ب مهاراتك الناعمة ( طريقة كلامك و تفكيرك و لباقتك) هي بتكون سبب حصولك على الوظيفة..

كيف الكلام دا؟؟

مدير أي شركة بكون دايماً محتاج زول مهارات التواصل عندو ممتازة علشان يكسب بيهو العملاء ، محتاج زول عندو قدرة على حل المشاكل والأزمات أكتر من زول استخدامو للحاسوب زيو وزي الحاسوب اتجاه واحد..

دراسات كتيرة اتعملت ل رؤساء عمل في أكبر الشركات في العالم بيقولو انو الوظائف ذات العقود الطويلة بتكون 70% اعتمد فيها النجاح على المهارات الناعمة أكتر من المهارات التقنية التانية..

كنت بحضر في مسلسل قبل كم يوم في موظف كدا قاري
" تجارة" ومتخرج بي جيد و مستواهو بتاع الانجليزي ما كويس شديد و استخدامو للحاسوب محدود..

بس بتشاكلو فيهو 3 من أكبر الشركات في مصر !

خليت المسلسل بالفيهو وبقيت بفكر ليه الزول دا رغم مؤهلاتو المحدودة الناس دي بتتشاكل فيهو واي واحد مستعد يدفع ليهو المرتب إللي هو عايزو علشان يفضل معاهم..

لقيت انو هم متمسكين بيو علشان شخصيتو ، علشان بيوفر ليهم زباين بس ب طريقة تعاملو اللطيفة مع الناس ، علشان كل مشكلة حتى لو ما كانت بتخص مجالو هو كان بيتدخل و بيحلها في ثواني..

ف دا هو المحتاج ليو سوق العمل.. 💛

المهارات الناعمة كتيرة جدًا ح أحاول انزل ليكم سلسلة بوستات عنها كل كم يوم كدا✨

BY 🌼💛ƤƠƧƖƬƖƔЄ ЄƝЄƦƓƳ🌼💛