tgoop.com/temurazam/1006
Last Update:
#intelektual_klub #Oʻzbekiston
7-sentabr kuni Toshkentdagi MFaktor studiyasida “Vatandosh” intellektual klubining navbatdagi yig‘ilishi bo‘lib o‘tdi. Klub ishtirokchilari bu safar Islom moliyasi, uning mohiyati, O‘zbekistonda bu tizimning bugungi va istiqboldagi imkoniyatlari haqida suhbatlashishdi.
Islom moliyasi – dunyodagi eng tez rivojlanayotgan tizimlardan biri bo‘lib, xalqaro darajada o‘z o‘rnini faol ravishda mustahkamlab, kengaytirib bormoqda. Mazkur tizim Islom mamlakatlaridagi iqtisodiy va moliyaviy muammolarni hal qilish uchun alternativ moliyalashtirish usullariga ehtiyoji sababli XX asrning 1970-yillaridan boshlab jadal rivojlana boshladi.
1990-yillarning o‘rtalarigacha faqat Yaqin Sharq va Malayziyada mavjud bo‘lgan Islom moliyaviy tizimi, islom moliyaviy muassasalar soni 144 ta, aktivlarining yig‘indisi esa bor-yo‘g‘i 150 mlrd. AQSh dollari atrofida edi.
2020-yilda islom moliyasining umumiy aktivlari 2,88 trillion AQSh dollarini tashkil etdi. 2025-yilgacha 3,69 trillion AQSh dollarigacha o‘sishi kutilmoqda.
Yillik o‘sish sur’ati 2020-2025-yillarda o‘rtacha 5,5 foizni tashkil etishi prognoz qilinmoqda.
Tadbirdagi ilk so‘zni Islom moliyasi bo‘yicha ekspert, mustaqil tadqiqotchi Alijon Ravshanov oldi. U o‘z chiqishida Venchur moliya, investitsiyalar hamda “Islom moliyasi va uning an’anaviy moliyadan farqi” borasida tushuntirishlar berdi. Jumladan, Ravshanovga ko‘ra, foyda va zararga sherikchilik qilish – tadbirkorlik faoliyatining rivoji uchun eng katta dastaklardan biri. Bunda iqtisodiyotdagi risklar teng muvozanatli va adolatli taqsimlanadi.
Batafsil
Facebook | Instagram | @vatandosh_tv | Youtube
