#Coffee ☕️

⚫ "ባለፉት 11 ወራት ብቻ  409 ሺህ ቶን ቡና ወደ ውጪ ሀገር ተልኳል፣ በቀጣይ አመት 1.3 ሚሊዬን ቶን ቡና ለማምረት እየተሰራ ነው"

⚫ "በየሳምንቱ ዝቅተኛ የመሸጫ ዋጋ ተመን እየወጣ ለቡና ላኪዎች ማኆበር በየሳምንቱ መረጃ ይሰጣል" - ቡናና ሻይ ባለስልጣን

የኢትዮጵያ ቡናና ሻይ ባለስልጣን በመጭው አመት 1.3 ሚሊየን ቶን የቡና ምርት ለማግኘት ትኩረት ሰጥቶ እየሰራ መሆኑን ለቲክቫህ ኢትዮጵያ ገልጿል።

የቡናና ሻይ ባለስልጣን ምክትል ዋና ዳይሬክተር አቶ ሻፊ ዑመር የቡና ምርትን ከማሳደግ አንፃር በርካታ ስራዎችን እየተሰሩ መሆኑን እና ውጤታማ መሆን መቻሉን አንስተው ባለፉት 11 ወራት 409 ሺህ ቶን ቡና ለውጭ ገበያ ማቅረባቸውን ተናግረዋል።

ምክትል ዋና ዳይሬክተሩ በዝርዝር ምን አሉ?

የቡና ምርትና ምርታማነትን ለማሳደግ ሰፊ ስራዎችን ተሰርተዋል። ላለፉት በርካታ አመታት በየአመቱ ከ400 እስከ 500 ሺህ ቶን ብቻ ነበር ማምረት የተቻለው። በዘንድሮው አመት ግን 1.1 ሚሊየን ቶን ማምረት ተችሏል።

ኢትዮጵያ ውስጥ የምርት ትንበያ ከየትኛውም አለም ሀገሮች በተሻለ ሁኔታ እየተሰራበት ነው። የትኛው አካባቢ ምርታችን ሊቀንስ እንደሚችል፣ በምርት ላይ ሊያጋጥሙ የሚችሉ ችግሮችን ለመለየት እና ምን ያክል ምርት ሊገኝ እንደሚችል የትንበያ ስራዎች ይሰራሉ።

አሁን ላይ ያለውን የቡና ምርት መጨመር የተቻለው በመንግሰት ኢንሼቲቭ ላለፉት ሶስት አመታት ከ8 ቢሊየን በላይ የቡና ችግኝ በመተከሉ ነው። ከእነዚህ ውስጥም ግማሽ የሚሆነው ወደ ምረት እየገባ ነው።

ከወቅታዊ ዓለም አቀፍ ጉዳዮች ጋር ተያይዞ የሎጅስቲክ ችግር በኢትዮጵያ ብቻ ሳይሆን በሌሎች አገሮች ይከሰታል። አሁንም ሊከሰት ይችላል፣ ባለፈው ዓመትም በዚሁ ጉዳይ ተመሳሳይ ችግር ገጥሞን ነበር። አሁን ላይ ግን ትኩረት ሰጥተን እየሰራን ነው።

ወደ ውጪ አገር የሚላክ የቡና ምርት በከፍተኛ ሁኔታ ሲጨምር የኮንቴይነር እጥረት ይከሰታል። ችግሩ በያዝነው ወርም ገጥሟቸው እንደነበር እና ከጅቡቲ ባዶ ኮንቴይነር በማስመጣት ፈተናል።

በተጨማሪም ከቡና ምርት በተያዘው አመት 2.44 ቢሊየን ዶላር ገቢ ተገኝቷል። ኢትዮጵያ እስከ 2010 ዓ.ም ድረስ ዝቅተኛ የቡና ዋጋ ተመን ስሌለላት ማግኘትን የሚገባትን የውጭ ምንዛሬ እና ገቢ ሳታገኝ ቆይታለች ሲሉ ተናግረዋል።

በባለስልጣን መስሪያ ቤቱ የገበያ አማራጭ ግብይትና ኮንተራት አስተዳደር መሪ ስራ አስፈፃሚ የሆኑት አቶ ትዛዙ ኢዶሳ በበኩላቸው ባለስልጣን መስሪያ ቤቱ በየሳምንቱ ዝቅተኛ የመሸጫ ዋጋ ተመን እያወጣ መሆኑን እና ተመኑንም ለቡና ላኪዎች ማህበር በየሳምንቱ መረጃው እንድኖራቸው ይሰጣል ብለዋል።

የዋጋ ተመን ማውጣት ያስፈለገው የሀገርን ገቢ ለማሳደግ እና ነጋዴዎች ተከራክረው ከፍ ባለ ዋጋ መሸጥ እንዲችሉ ነው፤ ነጋዴዎች የሽያጭ መረጃ እያገኘን አይደለም የሚሉት ተቀባይነት የለውም፣ ምክንያቱም በየጊዜው Update እያደረግን በማህበራቸው በኩል እያሳወቅን ነው። መረጃ አልደረሰኝም የሚል ካለ ቢሮ እየመጣ መውሰድ ይችላል ነው ያሉት።

በየሳምንቱ የሚወጣውን ዝቅተኛ የዋጋ ተመን ለሁሉም ሰው ይፋ የማይደረገው የውጪ አገር ነጋዴዎች ኢትዮጵያ የቡና መግዣ ዋጋ ተመን አውጥታለች በማለት በዝቅተኛው የዋጋ ተመን ነው የምንገዛው እንዳይሉ እና ማግኘት ያለብንን ገቢ ላለማጣት ነው ሲሉ ጠቁመዋል።

ቲክቫህ ኢትዮጵያ
አዲስ አበባ

@TikvahethMagazine

#4thhachaluhundessaaward

የአርቲስት ሃጫሉ ሁንዴሳ 5ኛው የሙት ዓመት መታሰቢያ እና 4ኛው ዓመት " የሃጫሉ አዋርድ " የሽልማት መርሃ ግብር ትላንት ምሽት በአዲስ አበባ እስካይ-ላይት ሆቴል ተካሂዷል።

በመርሃ-ግብሩ ላይ የአርቲስቱ ቤተሰቦች፣ ወዳጆችና በርካታ የጥበብ አፍቃሪያን ታድመዋል።

የ4ኛው አመት ሃጫሉ ሁንዴሳ አዋርድ አሸናፊዎ፦

⚫ አንጋፍው አርቲስት አብዱላሂ ጂርማ የህይወት ዘመን ተሸላሚ ሆኗል።

⚫ ምርጥ የሙዚቃ ጠባቂ /music Care/- አርቲስት አሜ ጢቃ

⚫ ምርጥ ኬሮግራፈር -አርቲስት አለማየሁ ዳቢ
⚫ ምርጥ ሲኒማቶግራፈር- አርቲስት ሽመልስ ታደሰ

⚫ ምርጥ የሙዚቃ ቪዲዮ - አርቲስት ዘመን እሼቱ
⚫ ምርጥ የሙዚቃ አቀናባሪ- አርቲስት ሚራ ትሩቼልቫም

⚫ ምርጥ አዲስ ዘፋኝ-አርቲስት አሳንቲ አስቹ

⚫ ምርጥ ሴት ዘፋኝ-አርቲስት ለምለም ሀ/ሚካኤል
⚫ ምርጥ ወንድ ዘፋኝ-አርቲስት አንዱዓለም ጎሳ

⚫ ምርጥ የግጥ ዜማ- አርቲስት ለሊሳ እድሪስ (ቢሊሌ)

⚫ ምርጥ የባህል ዜማ -አርቲስት አደም ሙሀመድ እና ሀሊማ አብዱራህማን (ሹቢቶ)

⚫ ምርጥ ዘመናዊ ዜማ - አርቲስት ጉቱ አበራ(ኢዮሌ)

⚫ ምርጥ አልበም- አንዱዓለም ጎሳ

ለአሸናፊዎች የዋንጫና ከ50ሺ እስከ 100ሺ ብር የንዘብ ሽልማት ተበርክቷል።

የቀድሞ የአምቦ ዩኒቨርስቲ ፕሬዚዳንት ደ/ር  ታደሳ ቀነኣ አመራር ላይ በነበሩ ጊዜ የሀጫሉ ሁንዴሳ ሀውልት ዩኒቨርስቲው ውስጥ ላይ በማቆም ላደረጉት አስተዋጽኦ ሽልማት ተበርክቶላቸዋል።

የአርቲስት ሀጫሉ ባለቤት ወ/ሮ ፋንቱ ደምሰው እንደተናገረችው "…ሽልማቱ አርቲስቶችን ለማበረታታት ያለመ ነው። …የተረሱ አርቲስቶችም ይበረታቱበታል። የሃጫሉ ሁንዴሳ ፋውንዴሽን ሀጫሉ የጀመራቸውን ስራዎች እና ያለማችውን ስራዎች ከግብ ለማድረስ አላማ አድርጎ ይሰራል" ብላለች።

@TikvahethMagazine

#ሱስ

⚫ "ባለፉት 3 አመታት ከ19 ሺህ በላይ ለሚሆኑ የሱስ ተጠቂዎች ስልጠና ቢሰጥም ከእነዚህ መካከል 1 በመቶ የሚሆኑት ብቻ ናቸው ከሱስ የወጡት" - በዘርፉ ላይ የሚሰራ ተቋም

⚫ "የማህበራዊ ሚዲያ ሱስ የቤተሰብን ትስስር ወደ ሚበጥስበት ደረጃ ላይ ደርሷል" - የሴቶችና ማህበራዊ ጉዳይ ሚኒስቴር

"እረፍት የሥነ ልቦናና ምክር አገልግሎት ማዕከል" ተመርቆ ለአገልግሎት ክፍት በሆነበት የመክፈቻ ሥነ-ሥርዓት ካሂዷል።

በመክፈቻ ሥነ-ስርዓቱም የማዕከሉ መስራችና ዋና ስራ አስኪያጅ መጋቢ ቢኒያም አዴሎ ባለፉት 3 አመታት በ "አይሰለጥንብኝም" ፀረ-ሱስ ንቅናቄ ማህበር" የተሰሩ ስራዎችን አስመልክተው ሪፖርት አቅርበዋል።

ሪፖርቱ ምን ይላል ?

በሪፖርቱ በሶስት አመታት ውስጥ በሀገራችን 19 ሺህ ለሚሆኑ በተለያዩ ሱሶች ለተጠቁ ዜጎች የስነልቦና ማማከር አገልግሎት እና ከሱስ እንዲወጡ ስልጠና መስጠታቸውን ገልፀዋል።

ከእነዚህ መካከል 1 በመቶ ብቻ የሚሆኑት ከነበሩበት የሱስ ህይወት ወጥተው የተሻለ ህይወት እንድኖሩ ማድረግ መቻሉን እና በዛሬው እለትም የንቅናቄው አንድ አካል በማድረግ ማዕከል መክፈት መቻላቸውን ተናግረዋል።

ከ19 ሺዎች ውስጥ 95 በመቶ የሚሆኑት ወጣቶች፣ 3 በመቶ እማወራና አባወራዎች፣ ከ1 በመቶ በታች የተሀድሶ ታካሚዎች እና 1 በመቶ ወላጆችና ሌሎች የህብረተሰብ ክፍሎች አገልግሎት ማግኘታቸው ተመላክቷል።

በአገራችን ካለው የዜጎች ቁጥር ውስጥ ወደ 50 በመቶ የሚጠጉ ዜጎች በተለያዩ የሱስ አይነቶች እየተጠቁ ነው ያሉ ሲሆን በቀጣይ ሶስት አመታት ውስጥ 30 ሺህ የሚሆኑ ዜጎች ከሱሰኝነት እንዲላቀቁ አቅደን እየሰራን ነው ብለዋል።

ማኅበሩ እስካሁን ባካሄደው ንቅናቄ ዜጎች በማህበራዊ ሚዲያ ሱስ በዋናነት እየተጠቁ ነው ያሉ ሲሆን ይህም የተማሪዎችን ትኩረት ነስቷል፣ የእርስበርስ ግንኙነትን አበላሽቷል፣ ብዙ ሰዎችን ስሜታዊ እያደረገ ወደ ተለያዩ የሱስ አይነቶች እንደዲገቡ እያደረገ ነው ሲሉ አስረድተዋል።

በአገራችን የሱሰኞችን ቁጥር ለመቀነስ የቤተሰብ፣ የሃይማኖት፣ የትምህርት እና የመንግስት ተቋማት እርብርብ እያደረጉ ቢሆንም ውጤቱ ግን አመርቂ አይደለም የተባለ ሲሆን ውጤት ለማምጣት የሁሉንም የህብረተሰብ ክፍል እርብርብ ያስፈልጋል ነው የተባለው።

ከሥነልቦና እስከ ፖሊሲ ልንጠቀምባቸው የሚገቡ መሳሪያዎች በተቀናጀ ሁኔታ አለመኖራቸው እና የግብአት አቅርቦት ማነስ የሱሰኞችን ቁጥር ለመቀነስ በሚደረገው ጥረት ላይ ተግዳሮት መሆኑን ተጠቅሷል።

የሴቶችና ማህበራዊ ጉዳይ ሚኒስትር ዶክተር ኤርጎጌ ተስፋዬ ምን አሉ ?

በዕለቱ የተገኙት ሚኒስትሯ ሱስን መከላከል የሚያስችል አዋጅ መውጣቱን አስታውሰው፥ በአዋጁ ላይ የፖሊሲ ክፍተት ያለው በመሆኑ ጠቅሰዋል።

አክለውም፥ ፖሊሲውን ከማስፈፀሚያ ስልቶች ጋር የተዋሃደ እንዲሆን የህግ ድንጋጌዎች እንዲወጡ የማድረግ ስራ ሚኒስቴር መስሪያ ቤቱ እየሰራ መሆኑን ተናግረዋል።

የማህበራዊ ሚዲያ ሱስ የቤተሰብን ትስስር ወደ ሚበጥስበት ደረጃ ደርሷል ያሉ ሲሆን የሚዲያ አጠቃቀም እውቀት እና ክህሎት ላይ ማዕከሉ ትኩረት ሰጥቶ እንዲሰራ አሳስበዋል።

ቲክቫህ ኢትዮጵያ
አዲስ አበባ

@TikvahethMagazine