當大家睇到呢篇文嘅時候相信我已經被還押或者泊正咗入監，因為係經歷過一大輪嘅苦苦掙扎後，最終榮仔都係決定咗認罪。認罪不為甚麼，只係因為咁樣嘅成本最底。即使身邊朋友好錫榮仔，收榮仔一個相對好平嘅律師費，但每次上庭對榮仔而言都係一個好大嘅負擔。而且出於一啲原因，無人夠膽企係榮仔一方嘅證人席。但大家唔洗太擔心，因為相對其他手足兄弟而言，榮仔嘅刑期應該唔會太長，如果好運嘅，可能3月尾已經出返嚟，可以趕係復活節假之前打點好一切，復活節假做一輪外地潛水旅遊課程嘅生意，回一回氣（如果好運嘅話）。唯一最遺憾嘅係呢段時間無得再回應街坊嘅需要，為有需要嘅街坊提供意見或者服務。

最後啦，嚟到呢一刻，榮仔最擔心嘅事坦白講都係兩位貓主任。因為榮仔入咗去之後，收入被動態清零。榮仔希望出返嚟之後兩位貓主任唔好瘦咗啦。

以下公開榮仔日常開支：
租金 - $6300
貓貓食物 - $1200

大家知道榮仔好少出嚟籌錢，咁耐以嚟榮仔都𠲜係做過2次，一次係2019年區議會選區籌選舉經費，另一次係2020年被DQ後籌清拆費用。但今次真係需要大家幫忙，如果大家可以幫幫手，多多益善，少少無拘（如果大家留個電話，榮仔出返嚟會逐一致電道謝的）。當然如果可以，大家都可以幫榮仔嘅外潛或者潛水班，咁榮仔收呢舊錢會收得安心啲。

-----------------------------
小雞歷奇
https://www.instagram.com/adventure.chicky/
-----------------------------
龍門關注組 社區主任 曾錦榮
Whatsapp 丨 96890983
TG channel 丨 https://www.tgoop.com/tkwoffice
Facebook丨龍門居民 曾錦榮