tgoop.com/toshkenttumanihokimligi/26994
Last Update:
#Hisobot
Qoraboʻrik mahalla yettiligi hisoboti eshitildi
Joriy yil 14-yanvar kuni, Toshkent tumani hokimi Sardorbek Ergashev boshchiligida tumandagi Qoraboʻrik mahallasi yettiligi hisoboti eshitildi.
Hisobot tadbiriga, 4-sektor rahbari S.Abduvaliyev, hokim oʻrinbosarlari, tegishli korxona-tashkilot rahbarlari va boshqa masʼullar taklif qilinib, hisobot mahalla fuqarolari ishtirokida eshitildi.
Unda har bir yoʻnalish boʻyicha, mahalla raisidan boshlab, profilaktika inspektorigacha 2024-yilda amalga oshirgan ishlari yuzasidan hokim va uning oʻrinbosarlari, shuningdek mahalla fuqarolarini tanishtirdilar.
Hisobot yigʻilishdan soʻng, mahalla yettiligi faoliyatiga fuqarolar tomonidan baho berilib, shu vaqtgacha amalga oshirilmagan ishlar, mavjud muammolar va oʻz yechimini kutayotgan masalalar muhokama qilindi.
Uch soat davom etgan hisobot yigʻilishi natijasida yigʻilish bayonnomasi tuzilib har bir masʼulga aniq topshiriqlar berildi hamda Qoraboʻrik mahallasidagi muammolar toʻlaligicha hal boʻlmaguncha tuzilgan "ishchi guruh" doimiy ravishda mahalla idorasida muammolarni bartaraf qilish ishlarini olib borishi belgilandi.