tgoop.com/ttrre/7629
Last Update:
مولد للامام الحسن ع
...........................
كريم البيت الف مبروك ميلاده
اول سـبـط بـيـه انـهـنـي الساده
مولانه الحسن .... مولانه الحسن
...........................🎀
ابلهفه وشوگ طه من تلگاه
يگلـه يا هـلا وبالسبـط كناه
وجـبريـل الـنبينه نزل هناه
هنه المصطفى وابأول احفاده
مولانه الحسن .... مولانه الحسن
بقلم خادمة آل البيت ع
...........................🎀
ارض وسمه اتهني المصطفى اليوم
كون افراحهم ياربي للدوم
فرحانه الزجيه ابحلو الارسوم
محله طلته ويامحله ميعاده
مولانه الحسن ٠٠٠٠
مولانه الحسن
✍️المله ام احمد الساعدي
...........................🎀
بـيـت آل الـنبـوه الـفـرح ماعاف
كـريم البيت هذا حلـو الاوصـاف
يهنـيالـه التـكحـل ناضـره وشاف
نور البالوجه وارث امن اجداده
مولانه الحسن .... مولانه الحسن
بقلم خادمة آل البيت ع
...........................🎀
تهانينه سوه لزهره الزجيه
هلليله الحسن ضوه البريه
الف مية هله محله الجيه
فرحان النبي ومنسر فؤاده
مولانه الحسن .... مولانه الحسن
*✍🏻🌙 أم عبــــــــــد اللـــــــــه العـــــــــابدي*
...........................🎀
ياميه هله بالمولد الجاي
وزعنه الحله بسمك يمولاي
ياهو الي يجي ويهلهل وياي
وين الشيعي خل ياخذ مراده
مولانه الحسن .... مولانه الحسن
✍️المله ام احمد الساعدي
...........................🎀
اجينه وبالگلب مولاي حاجات
حاشا نگصدك واتردنا هيهات
أولها الفرج خاتم السادات
وأنت ابو الكرم تنطي و زياده
مولانه الحسن .... مولانه الحسن
✍🏻العلوية أم منتظر جمال الدين
...........................🎀
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 15/ شهر رمضان /1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://www.tgoop.com/ttrre
BY ✍🏼✍🏼 ((( قنـاة رثـاء العترة )))
Share with your friend now:
tgoop.com/ttrre/7629