tgoop.com/turk_bilgi/13564
Last Update:
بو اولایلاردان سونرا شهریار بو شعری سؤیلدی 👇
تۆرکو بیر چشمه ایسه، من اونو دریا ائله‌دیم
بیر سویوق معرکه‌نی محشر کبرا ائله‌دیم
بیر ایشیلتیدی سها اولدوزو تک گؤرسنمز
گؤز یاشیلما من اونو عقد ثریا ائله‌دیم
اومودوم وارکی بو دریا هله اقیانوس اولا
اونا ضامین بو زمینه که مهیا ائله‌دیم
عرفانا چاتماسا شعر و ادب ابقا اولماز
من ده عرفانه چاتیب شعریمی ابقا ائله‌دیم
ابدیتله یاناشدیم دوغولا حافظه تای
شیرازین شاهچراغین تبریزه اهدا ائله‌دیم
تۆرکی نین جانینی آلمیشدی حیاسیز طاغوت
من حیات آلدیم اونا، حق ایچون احیا ائله‌دیم
فیض روح القدس اولدو مددیم حافظ تک
من ده حافظ کیمی اعجاز مسیحا ائله‌دیم
قمه قداره لر آغزیندا دیل اولموشدو سوگوش
من سئوینج ائتدیم اونو، خنجری خرما ائله دیم
ایندی گؤیلرده گؤزل صفله صفا ایله گزیر
منجلابلاردا اۆزن اوردگی دورنا ائله‌دیم
باخ که(حیدر بابا)افسانه تک اولموش بیر قاف
من کیچیک بیر داغی سر منزل عنقا ائله‌دیم
بوردا(روشن ضمیرین)ده هنرین یاد ائده لیم
من اونون دا قلمین طوطی گویا ائله‌دیم
نه تک ایراندا منیم ولوله سالمیش قلمیم
باخ که تۆرکیه ده، قافقازدا نه غوغا ائله دیم
باخ که تهراندا نه شاعرلری شیدا ائله دیم
هم(سهندیه) سهندین داغین ائتدی باش اوجا
هممن ئوز قارداشیمین حقینی ایفا ائله دیم
آجی دیللرده شیرین تۆرکو اولوردی حنظل
من شیرین دیللره قاتدیم اونی حلوا ائله دیم
هر نه قالمیشدی کئچنلردن اونا بال پتگی
اریدیب موملو بالین شهد مصفا ائله دیم
تۆرکی، واللاه، آنالار اوخشاغی، لایلای دیلی دیر
دردیمی من بو دوا ایله مداوا ائله دیم
شهریار، حیف ساووخدیر بو دگیرمان هله ده
دارتماغا یوخدی دنی، من ده مدارا ائله دیم
☾✸ @turk_bilgi
BY TÜRK BİLGİ
Share with your friend now:
tgoop.com/turk_bilgi/13564