tgoop.com/tvbojxona/17566
Last Update:
Божхоначилар ишлаб чиқарувчи корхоналар фаолияти билан яқиндан танишмоқда
Тошкент вилояти божхона бошқармаси ва божхона постларида тадбиркорлик субъектларини мурожаатларини тинглаш, мавжуд муаммоларни бартараф этиш ҳамда божхона соҳасида қабул қилинган янги норматив ҳуқуқий ҳужжатларнинг мазмун-моҳиятини тушунтириш, шунингдек, мурожаатлар ўз вақтида кўриб чиқилиши борасида тизимли ишлар йўлга қўйилган.
Навбатдаги, ана шундай учрашувлар бири Янгийўл ҳудудида жойлашган “Global komsco Daewoo” корхонасида бўлиб ўтди.
Ушбу корхона қоғоз ишлаб чиқаришга ихтисослашган бўлиб, 2024 йил давомида Бельгия, Германия, Италия, Корея, Япония давлатларидан қиймати 1,1 млн АҚШ долларга тенг хом ашё олиб кирган.
Қиймати 25,7 млн АҚШ долларга тенг пахта хом ашёси ишлаб чиқариб Нидерландия, Швейцария, Чехия, Франция, Финляндия, Украина, Словения, Ҳиндистон давлатларига экспорт амалга оширилган.
Вилоят божхона бошқармаси масъуллари корхона томонидан амалга оширилаётган ишлар билан яқиндан танишди.
Учрашувда тадбиркорлик фаолиятини амалга ошириш учун яратилган қулайликлар, хорижий инвесторлар учун берилаётган имтиёз ва преференциялар ҳамда божхона соҳасидаги янгиликлар тўғрисида маълумот берилди.
BY Toshkent viloyati bojxona boshqarmasi rasmiy kanali✍️
Share with your friend now:
tgoop.com/tvbojxona/17566