tgoop.com/typkj/16965
Last Update:
قصيده لسيدتي ومولاتي ام البنين عليها السلام
(طورخطار اجاني )
ام البنين الطاهرة تنادي
بأرض الطفوف مذبحة اولادي
الكافل بعينه السهم مرمي
ابن الزجيه عالثرى مدمي
•••تنادي •••
✦▬▬❖•◐❁❁◐•❖ ▬▬✦
يجرح / يذبح / فراگ الولي ما صدگت عيني
جمرة / حسرة / تبقى بدليلي وانه بونيني
المغرب / يرهب / بوحشة دياره من يخليني
هظمة / كلمة / زينب يسيرة بذبحة ابنيني
غطة التراب رسومه الحلوة
هو العمر من دونه شيسوة
عيوني كون بفرگته تعمي
ابن الزجيه عالثرى مدمي
•••تنادي •••
✍️خادمة المنبر الحسيني : ام ابيها
✦▬▬❖•◐❁❁◐•❖ ▬▬✦
هليوم /مالوم /گلبي ويون اعله السبط الحسين
اهواه/ والله/ صوب دليلي فگده صوابين
بالسيف /ياحيف /گطعو رگبته وبچو العينين
عباس /نبراس /ضحى لعضيده عينه والجفين
كلما شربت الماي اذكرنه
وسفه حبيبي منحرم منه
گوه اشيل من الهضم جدمي
ابن الزجيه عالثرى مدمي
•••تنادي •••
الخـ✍️ــادمه ام زيد الشمري
✦▬▬❖•◐❁❁◐•❖ ▬▬✦
جروحي/ونوحي /من اسمعت خلصو ذبح ولدي
شحجي/ وابجي/راسي الطمت وحسين اخذ جبدي
وني/حزني/ماينتهي لمن اطب لحدي
بعبره/وحسره/ انشد واتاني بالدرب وحدي
كون العمر وياهم يهاجر
ولا احمل اشواگ الجمر باجر
اصرخ ولا واحد دره ابهمي
ابن الزجيه عالثرى مدمي
•••تنادي •••
✍ام اسعد الشمري
✦▬▬❖•◐❁❁◐•❖ ▬▬✦
بدمعي /انعي /ياربي ادعي سالم ايردهم
احجي/بلجي/ ترجعون الي يمته بلمتهم
انظر /اشعر /طولت وسفه اعليه سفرتهم
أفدي /اهدي/عمري اذا جاني خبر منهم
من سافروا ظليت باحزاني
عالدرب عيني شابحه اتاني
خبروني راسه اعله الرمح نجمي
ابن الزجيه عالثرى مدمي
•••تنادي •••
📚🖋️ ام زهراء
✦▬▬❖•◐❁❁◐•❖ ▬▬✦
عيني/حسيني/گالولي بالطف منذبح ويلي
غالي/الوالي /خلاني وحدي ومانمت ليلي
هاجر/سافر/وآنه بغيابه منهدم حيلي
ونيت /ناديت/وين الحياده عيوني دم سيلي
للموت ابد ماينتهي احدادي
عله حسين ابجي موش لاولادي
بس كون اله ماقصر النشمي
ابن الزچيه عالثرى مدمي
•••تنادي •••
✍️ام علي المالكي
✦▬▬❖•◐❁❁◐•❖ ▬▬✦
شخصك /وبعدك/ أثر عليه وهل شده بالي
گلبي/ودربي / ماشوف يبني وبلهظم حالي
بدمعي/أنعي / أعليكم ييمه والنزل خالي
يعمي /ويدمي /فراك الولد خيبلي آمالي
خالي النزل والبعد ياذيني
يحسين يبني أويانظر عيني
من فراگهم دمع الحزن يهمي
ابن الزجيه عالثرى مدمي
•••تنادي •••
✍🏻الشاعره عاشقة كربلاء الطف ام محمد آل درويش
✦▬▬❖•◐❁❁◐•❖ ▬▬✦
تمت باقلام شاعرات رابطة خادمات سيد الشهداء"ع"
منتدى القلم الفاطمي
https://www.tgoop.com/typkj
BY /الشاعره خادمة الحسين ام علي المالكي
Share with your friend now:
tgoop.com/typkj/16965