tgoop.com/typkj/16966
Last Update:
☘قصيده لام البنين ع☘
مشو عني احبابي ماانساهم
نار تسعر بالگلب فرگاهم
❥❥ـــــــــــ❁❂❁ـــــــــــ❥❥
والله طال غيابهم عني شكثر
وانه اگول اصبر والهم بالصبر
شلي بسنيني وماريده العمر
روحي هاجت واشتهت ملگاهم
❥❥ـــــــــــ❁❂❁ـــــــــــ❥❥
خاف اموت ومايردون الاهل
وما يزوروني لوّن حان الاجل
وانه اناطر بيهم وبالله الامل
ليلي ونهاري اظل برجاهم
☘ام فراس الساعدي☘
❥❥ـــــــــــ❁❂❁ـــــــــــ❥❥
طاري احبابي يذوب مهجتي
صرت اون الهم وانه بوحدتي
مااجو ولدي وحضرو ونتي
لحد موتي انه اظل انعاهم
زهره الكناني✍🏻
❥❥ـــــــــــ❁❂❁ـــــــــــ❥❥
لحد موتي ودمعتي ظلت تصب
آينار فراگهم صاب الگلب
افراك ويلادي عليه شگد صعب
ظلت عيوني تهل بجفاهم
✍️ ام حسين العامري
❥❥ـــــــــــ❁❂❁ـــــــــــ❥❥
ظلت عيوني تهل اعله المشو
چن سهم وبنص دليلي صوبو
ابضيمي احبابي يوسفه مادرو
والله اموتن لو يمر طرواهم
✍️ام محمد تقي الموسوي
❥❥ـــــــــــ❁❂❁ـــــــــــ❥❥
اعله الوساده وآنه اصيحن يلولد
وأنه ماعندي ولي بهذا البلد
ابد ماضنيت ماعندي سند
راحو وگلبي خذو وياهم
✍️ام علي المالكي
❥❥ـــــــــــ❁❂❁ـــــــــــ❥❥
اخذو گليبي ومشو لرض البله
وخلو الدمعات عالخد هامله
فراگهم مر وابد مااحمله
مااريد العيشه انه بلياهم
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/typkj
BY /الشاعره خادمة الحسين ام علي المالكي
Share with your friend now:
tgoop.com/typkj/16966