tgoop.com/ukhandfoot/247
Create:
Last Update:
Last Update:
前線手足理想與現實的落差
聽聞有部分英國的香港人對前線的認知有落差，本來以為前線一定是英勇好戰，有目標有抱負，但相處起來，「家長們」卻發現不少都不務正業，打機過活。
這是因為大家對前線有太大期望，正如以為有錢人就不是普通人一樣，會幻想前線係戰狼300。街頭抗爭完結，前線亦需要時間重新投入生活。移民潮開始出現，正如89民運後，一眾手足都需要時間「療傷」，過渡期大約時離開香港後半年至一年。有時我地都會發下惡夢，在夢中重回戰場。但我地唔會同「家長」講，係因為前線大部分唔係一班鍾意社交嘅人，你見出面好多所謂義工鍾意social，唔少一半中間人都係博大霧，有部分仲翻左香港tim。
另外，有部分手足與家長同住，會被質疑是否真前線，當問他們抗爭的歷史，十問九唔應。真係前線係唔會比證明你，可能有一個半個例外。成日問班手足做過D咩，真係有料唔會講出黎，因為講完都知你地接受唔到，個個嘅罪名都十碌八碌起跳，講又死唔講又死。
其實，手足之間係會圍爐，至於講唔講過去嘅事就因人而異。最正就係某城市當班手足係condom，唔出聲就當佢地死曬，當手足係貨咁轉屋，完全無當過手足係人。
有時就係睇唔過眼，真係有需要個班前線要出黎乞，水深火熱仲要處理咁多人事糾紛。當然唔係講個個都係咁，我知道好多有落過場嘅家長都知道真實情況，但同時又好多離地香港人隔住個海，隔住隔mon唔知香港發生咩事。
如果大家理解唔到前線心態可以聯絡下我地，我諗會多一份包容。
英國手足台Patreon
https://www.patreon.com/posts/50283467
BY 英國手足台 UK Handfoot
Share with your friend now:
tgoop.com/ukhandfoot/247