tgoop.com/um1966ahmed/2771
Last Update:
ياباقر اعلوم النبي
سولفها قصتك عالعبي
اشسون شخلت اثر
ياوضع اكثر، ذعَر
كلبك الملچوم/٢
ــــــــــــــــــــــــــــــــــ
بويه يلمسموم كلبك جاي احس بلي تحس
كطعت مني دليلي ولامس العله لمس
طف مواجع بيك باني خلص بروحك همس
حرگ خيمه وسلب طفله والسبي عصمة درس
عصمه وضهدها الاجنبي
سولفها قصتك عالعبي
چم ضلع شفت انكسر
اشسون شخلن اثر
كلبك الملچوم/٢
ام حسين المحمداويه
ــــــــــــــــــــــــــــــــــــــــــــ
يگله قصة وبالمآسي من الطفولة للمـــات
موقف امي فوگ هزله وتحتضني النايبات
احتارت ابلم العبـاية والنياگ امــــهرولات
وانه تلزمني بديهه خاف اطيحن بالفلات
هاي جزء امن السبي
سولفها قصتك عالعبي
موقف لآخر عمـــــر
اشسون شخلن اثر
گلبك الملچوم
✍🏻 وعد الڪفيل
ـــــــــــــــــــــــــــــــــــــــ
يبني شفت انه المصايب خيم محروكه وعبي
شفت جدي نحره دامي وشفت عمتي تنسبي
والحرم راحن سبايا وبالضعن يحدي اجنبي
اصعب موقف الي شفته بالسبي موقف أبي
عبدالله سهمه مختبي
سولفها قصتك عالعبي
گلبي متحمل قهر
شسون شخلن اثر
ب✍الحاجه ام احمد الحچامي
ــــــــــــــــــــــــــــــــــــــــ
ادري ماذيتك مصايب وادري ابروحك تلوب
ولّي يسمع هلقضيه حتما گليبه يذوب
ايعوم بس الروج عالي ابَّحَر هلقصه يجوب
يمكن بعينك شفت طيف السبي بذيج الدروب
واليحدي بيهن ناصبي
سولفها قصتك عالعبي
لوعات دنيانهن غدر
اشسون شخلن اثر
كلبك الملچوم/٢
✍☘ام فراس الساعدي ☘
ـــــــــــــــــــــــــــــــــــــــــــــــــــ
شفت لوعات ونوايب ندت اعليها الجروح
طاحت خيمنه علينه بقى دخان. اليفوح
شوفت اطفال اتراكض تبجي محتركه و تنوح
وتصرخ ارقيه من اذنها والدمه منها يلوح
عيني اعله ابوي الترتبي
سولفها قصتك عالعبي
ياوضع منه امر
شسون شخلن اثر
ام سجاد الشهيد
ـــــــــــــــــــــــــــــــــــــــ
ظلت اللوعات بيه من شفت منظر ذبيح
من الكفه عيني تشوفه يرفس ابرجله ويصيح
انكان ذبحي الدين يكمل ربي اهنه واستريح
وعمتي تركض ساعه تعثر ساعه عالجمره تطيح
ساعه تندب للنبي
سولفها قصتك عالعبي
يبني سطرني سطر
اشسون اشخلن اثر
✍ام اسعد الشمري
تمت باقلام خادمات صاحب الزمان "ع"
#_منتدى_القلم_الفاطمي
https://www.tgoop.com/alkalm313
BY آهات الطفوف للشاعره ام اسعد
Share with your friend now:
tgoop.com/um1966ahmed/2771