tgoop.com/um1966ahmed/8214
Last Update:
☘لاستشهاد الامام الكاظم ع☘
مسجون موسى وجامعه بنحره
بصدره يويلي مكسره العبره
────═❁═────
بالكاظميه بسجن عنوانه
بالمعتقل حطوه بزنزانه
وين الينوح ويبچي ويانه
ويواسي حيدر وامه الزهره
✍☘ام فراس الساعدي ☘
────═❁═────
يواسي الزجيه ويلطم وياها
مصاب أبو طلبه حيل أذاها
العين من دم تصب خلاها
يحفر بخد المحب من يجره
✍️أم حيدر العبادي ناصريه
────═❁═────
وين اليهل دموعه سجابه
وسط الگلب ظل باقي صوابه
موسى ابن جعفر فاجعه مصابه
وبكل سنه نحييه ونذكره
✍️ الخادمة زينة الگريشاوية
────═❁═────
وينه الينوح بحسره من يسمع
مسموم امامي والخبر يفجع
يبجي ابحركته والگلب يصدع
شيعته الجمعه اعله الجسر تطلع
تلطم على المسموم وبحسره
✍ام اسعد الشمري
────═❁═────
خلي نعازي زينب وفاطم
ونذرف دمعنه بحضرة الكاظم
صرختنة هاية توجع الظالم
نختم الماتم باالنعي نقره
العلوية الموسوية🏴
────═❁═────
نقره العزيه بدمعه هماله
نواسي النبي المصطفى واله
ندريه حيل انفجع دلاله
عالبالسجن خلص وسف عمره
الخـ✍️ــادمه ام زيد الشمري
────═❁═────
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tgoop.com/alkalm313
BY آهات الطفوف للشاعره ام اسعد
Share with your friend now:
tgoop.com/um1966ahmed/8214