tgoop.com/uzatom_info/2142
Last Update:
Bugun Milliy tadqiqotlar yadro universiteti MMFI Toshkent filialida universitet bitiruvchisi Shahzoda Yokubovani 13-avgust kuni Murmanskdan Shimoliy qutbga "Atomflot" federal davlat unitar korxonasining "G'alabaning 50 yilligi" atom muzyorar kemasida jo’nashi rejalashtirilayotgan "Bilimlar muzyorar kemasi" nomli Arktika ekspeditsiyasiga kuzatish marosimi bo'lib o'tdi.
Shahzoda Yoqubova MTYaU MMFI TF talabasi sifatida universitetning ijtimoiy hayotida faol ishtirok etib, bir qator ilmiy nashrlar chiqargan, shuningdek, oliygohda o’qiyotgan vaqtidayoq u muhandis bo'lib ishlagan edi, fanga katta qiziqishi bo’lganligi va yangi ko’nikmalarni tezda o’zlashtira olishi bilan talabalar orasida doim ajralib turgan.
Joriy yilning mart oyida Sochi shahrida bo'lib o'tgan Butunjahon yoshlar festivalida Rosatom davlat korporatsiyasi Shimoliy qutbga ilmiy-ma'rifiy ekspeditsiyaga qo'shilish uchun 15 nafar yoshlarni tanlab oldi. Bunda Shaxzoda o‘zining kosmik nurlarni tadqiq qilish ilmiy loyihasi tufayli g‘oliblar qatoridan joy oldi. Shuni ham ta'kidlash kerakki, ekspeditsiya ishtirokchilari sakkizta mamlakat, jumladan O'zbekiston, Kamerun, Bangladesh, Tunis, Belarus va Rossiya vakillaridan iboratdir. Ekspeditsiya davomida Yoqubova Sh. Shimoliy qutbga yaqinlashganda kosmik nurlarni o'rganish, bir qator seminarlar, mahorat darslari o'tkazishni va yosh olimlar klubi a'zolari bilan birgalikda ushbu yo'nalishda tadqiqotlarni davom ettirishni, shuningdek ma'ruzalar, ilmiy o'yinlar, tanlovlar va shu kabi tadbirlarda ishtirok etishni rejalashtirmoqda.
Ekspeditsiyadan qaytgach esa, u Vengriyada, Mishkolts universitetida magistraturada o'qishni davom ettiradi.
7 avgust kuni “Rosatom” matbuot xizmati 13-avgust kuni “Rosatom” davlat korporatsiyasi va Rossiyaning “Bilim” jamiyati ko‘magida tashkil etilgan "Bilimlar muzyorar kemasi" nomli V Arktika ekspeditsiyasi Murmanskdan Shimoliy qutbga tomon jo‘nab ketishini ma’lum qildi. Bu yil ekspeditsiyaga dunyoning 15 ta davlatidan yosh mutaxassislari hamda maktab o‘quvchilari ishtirok etmoqda.
Ekspeditsiya ishtirokchilari "Atomflot" federal davlat unitar korxonasining (“Rosatom” davlat korporatsiyasi tarkibiga kiruvchi) "G'alabaning 50 yilligi" atom muzyorar kemasi bortiga qabul qilinadi. Ushbu ilmiy sayohatning ko'plab xorijiy ishtirokchilari o'z mamlakatlarining yadroviy kemada Shimoliy qutbga yetib borgan birinchi vakillariga aylanadilar.
