tgoop.com/uzbairportsuz/5952
Last Update:
Toshkent va Farg‘ona aeroportlarida favqulodda vaziyatlarda o‘t o‘chirish va avariya-qutqaruv ishlari bo‘yicha mashg‘ulotlar o‘tkazildi
Yurtimizga issiq ob-havo kirib kelishi munosabati bilan xalqaro aeroportlar o‘z hududida favqulodda vaziyatlarning oldini olish bo‘yicha mashg‘ulotlar o‘tkazmoqda. Ikkita xalqaro aeroport - Farg‘ona va Toshkentda - Yagona aviatsiya qidiruv-qutqaruv xizmati, Favqulodda vaziyatlar vazirligi, Milliy gvardiya va Sog‘liqni saqlash vazirliklari bilan hamkorlikda yong‘inlarni o‘chirish va avariya-qutqaruv ishlarini olib borish bo‘yicha o‘quv mashg‘ulotlari o‘tkazildi.
Favqulodda vaziyat ssenariysiga ko‘ra, aeroportdagi yong‘in va portlash xavfi yuqori bo‘lgan obyekt sifatida tasniflanuvchi yoqilg‘i-moylash materiallari omborida yong‘in sodir bo‘ladi. Voqea haqidagi signaldan so‘ng aeroportning o‘t o‘chirish bo‘limi voqea joyiga birinchi bo‘lib yetib keladi hamda yong‘inni o‘chirishga kirishadi, so‘ngra ularga shahar favqulodda vaziyatlar xizmatining o‘t o‘chirish brigadalari qo‘shiladi va ombordagi yong‘inni to‘liq bartaraf etadi. Bu vaqtda tibbiy xizmat xodimlari evakuatsiya qilinganlar va jabrlanganlarga birlamchi tibbiy yordam ko‘rsatadilar. Og‘ir yaradorlar tez yordam mashinalarida olib ketiladi.
Mashg‘ulotlarga 150 dan ortiq shaxsiy tarkib va 24 ta maxsus texnika jalb etildi.
Mazkur mashg‘ulotlar Yagona aviatsiya qidiruv-qutqaruv xizmati tarkibiga kiruvchi tashkilotlar hamda Farg‘ona va Toshkent aeroportlari bo‘linmalari o‘rtasida o‘zaro hamkorlikni mustahkamlash, shuningdek, xodimlarning avariya-qutqaruv ishlarini bajarishda tayyorgarligini oshirishga qaratilgan.
Web-site | Facebook | Instagram | Telegram | X | IOS/Android
BY UZBEKISTAN AIRPORTS
Share with your friend now:
tgoop.com/uzbairportsuz/5952