tgoop.com/uzbairportsuz/6576
Last Update:
O‘zbekiston aeroportlari bu yilgi birinchi qalin qorlik ob-havoni muvaffaqiyatli yengib o‘tmoqda
Toshkent va O‘zbekistonning ayrim shaharlarida kuchli qor yog‘ishi davom etmoqda. Shuni alohida ta’kidlash joizki, noqulay ob-havo sharoitiga qaramay, respublikadagi barcha aeroportlar barqaror rejimda ishlamoqda va barcha rejalashtirilgan reyslar belgilangan muddatlarda bajarilmoqda.
Bugun, qiyin ob-havo sharoitida aeroportlar uchish-qo‘nish yo‘laklarida standart ishqalanish koeffitsiyentini bir maromda ushlab turibdi. Shuningdek, parvozlarni muvaffaqiyatli amalga oshirish uchun samolyotlarga muzga qarshi suyuqlik sepilmoqda.
Qayd etish joizki, kuz-qish mavsumiga tayyorgarlik ko‘rish doirasida “Uzbekistan Airports” kompaniyasi aeroportlar uchun maxsus texnikalar parkini kengaytirdi, jumladan, yangi qor tozalovchi va samolyotlarga muzga qarshi ishlov beruvchi mashinalar xarid qilindi.
Toshkent shahri va respublikamizning boshqa shaharlarida yo‘llardagi holatni inobatga olib, yo‘lovchilardan aeroportga oldinroq chiqishlarini so‘raymiz. Parvoz holatini uzairports.com rasmiy veb-saytidagi onlayn tablo orqali yoki mobil ilovada, shuningdek, aviakompaniya vakillaridan bilib olishingiz mumkin.
BY UZBEKISTAN AIRPORTS
Share with your friend now:
tgoop.com/uzbairportsuz/6576