tgoop.com/uzbairportsuz/6650
Last Update:
13,5 million yo‘lovchi: “Uzbekistan Airports” 2024-yil yakunlarini sarhisob qildi
"Uzbekistan Airports" boshqaruv kompaniyasi 2024-yilni o‘tgan yilga nisbatan barcha ko‘rsatkichlar bo‘yicha o‘sish bilan yakunladi. Shunday qilib, 2024-yil yakuni bo‘yicha respublika xalqaro aeroportlari tomonidan 113 622 ta reysga xizmat ko‘rsatildi. Ularning 80 213 tasi xalqaro yo‘nalishlarda, 33 409 tasi esa ichki yo‘nalishlarda amalga oshirilgan. O‘tgan yilga nisbatan o‘sish 33 foizni tashkil etdi.
Yanvardan dekabrgacha bo‘lgan davrda O‘zbekiston aeroportlari 13 503 199 yo‘lovchiga xizmat ko‘rsatgan. Jumladan, ichki reyslarda 2 480 359 nafar, xalqaro reyslarda 11 022 840 nafar yo‘lovchi. 2023-yilning shu davriga (10 409 609) nisbatan o‘sish 30 foizni tashkil etdi.
O‘tgan yil davomida rezident aviakompaniyalar 73 969 ta reysni amalga oshirdi va 8 735 996 yo‘lovchini tashidi. Yil davomida xorijiy aviakompaniyalar tomonidan 39 653 ta reys amalga oshirilib, 4 767 203 nafar yo‘lovchiga xizmat ko‘rsatildi.
Yuk tashish sohasida 2024-yilda 87 461 tonna yuk va pochta tashildi, bu o‘tgan yilgi ko‘rsatkichdan (71 314 tonna) 23 foizga ko‘pdir.
Shuningdek, 2024-yilda O‘zbekiston aeroportlariga to‘qqizta yangi yo‘lovchi aviakompaniyalari jalb etilgani e’tiborga molikdir. Bular, Ispaniyaning "World2Fly" va "IberoJet" aviakompaniyalari, Vengriyaning "WizzAir", "Malaysian Batic Air", Polshaning "LOT Polish Airlines", Qatarning "Qatar Airways", Turkiyaning "Ajet", Qirg‘izistonning "TezJet" va Arabistonning "FlyAdeal" avikompaniyalaridir.
BY UZBEKISTAN AIRPORTS
Share with your friend now:
tgoop.com/uzbairportsuz/6650