تعلّم أن تعيش الحياة ..
عُود نفسك على تصالح ..
لا تبين لأحد طريقة حديثك، وشتّات أمرك،
سيزال الوقت، سيرحل عنك من أغترف قطعة النقاء منك، سيبقى معك مع من يحُبك من حيث ماجاءت أوصافك، أخيراً لا تداعب ولا تفسر التبرير، كٌن عظيم نفسك ..
- أنوار

تتأصل الحروف، خوف من الفقدان ..
ترمي خوفها على عاتق الأرواح والحبر المستديم ..
تذرف جرحاً عميقاً، وبلا جدوى تتخطى ذلك .

رتب فوضوية شعورك بآية، وكثرة الإستغفار 🖤

الأيام حاتمشي، وجودك الخيالي فيا مش حايفارق التفاصيل .

حايتقدر قلبك، بمجرد ماتطلع في الواجهة بشخصية قوية، الدنيا ماتبيش حد ضعيف، الدنيا حاتكسر الطيب فيها بشوي بشوي، الدنيا مش حاتخلي الرحمة تنزل على شعورها طاغي عليه، أبداً حاتقتله بالبطئ .

- والروح من فرط الحنين تزعزت .

الوقت معاش حايفرق عندي، لإنك مش حاتكون فيه، التفاصيل حاتذبل، العيون حاتبكي والروح حتستاحش حوشها اللي هجراته في ليلة ماكانش فيها نور، حاتستاحش حوشها اللي عاشت فيه سنين طوال، ماينتسوش .

بالفلاقي حانستاحشتك، بالعامية حانحن في كل يوم ليك، بلهجتي مش حاننسى لهفتي عليك، حتى الخوف اللي كان راسم خطواته حتى زرع بينا حد ماينداس، باللغة اللي أندفنت داخلي، مش حاتوقف إستثنائيتك داخلي، حاتعيش سنين وسنين، زي ماكنت وزي ماحاتمشي الأيام، حانحب كل يوم كيف مايجي، هالمرة مش حانستناك لا، حانستنى الحق والوقت اللي حاينصرني عليك، تهنى وأستريح، وزي مانحب نقولك " الدنيا مش مستاهلة "

صعب
تلغي فكرة
أنك حاتبطل تفكر في شخص
كنت ماتفكرش إلا فيه .

لما تقعد بروحك حاتكتشف المدسوس، حاتشوف الهلبا، حاتندم أكثر .

💌 وصلت لك رسالة جديدة
⏱وقت الرسالة: 2020/10/12 - 4:41:32
✉️ المحتوى : ↓↓
انوار لما تشاركي في قناة حروف بإناملك حرام نصوصك وكلامك هلبا حلو لما ينقرا وينعرف
----
💡يمكنك الرد بعمل رد على هذه الرسالة .

ياعمري أنا على يحبوا كلامي، إن شاء الله بإذن الله، تفوت الفترة هادي على خير، وحانشارك على عيونكم ❤️

تبي تخسرني، أستهين بيا
تبي تكرهني في حاجة إسمها " أنت " تعامل معاي ببرود، الأدوار كلها حاتنقلب لحظتها .

حاتراقبه، وحاتستاحشه، حاتلتهف عليه لحظات وأيام وشهور وسنين، لكن اللي ماقدّرش مكانتك، ماتعطيش مكان في محور حياتك .

ستحن لذكرياتنا الذي كانت نتقطف لذّتها معاً، لكتها لن تتكرر ثانيةً في حياتك .

أنت المكان اللي كنت نمشيله، في الضحك وفي عز الدموع، في نص الخنقة، في تلخبيط الكلام، اللي طلع مني توا .

حاتحس بالمكان فارغ، بمجرد ما يمشي منك، يطلع من حياتك، شخص المستقر في قلبك، وعالق ريحته فيك .

في ليلة من ليالي جمعتنا، بدّلت كلمة نحبك بكلمة ديما حانحافظ عليك، في ليلة من ليالي سرقت قلوبنا وخلتهم يعيشوا في قلوب بعض سنين معبيين مكانهم، في ليلة من ليالي أيلول كتبتّلك نصوص معبية بيك، سردّت الوجع والحُب في صنف واحد، حطيت نقطتين بدل نقطة، قعدت نقولك بنبرة هلبا رهيفة هادي أنت وهادي أنا، حكيتّلي كيف ربي جابني لي هالدنيا بالطفولة وبالكمية المّشعة رغم الغموض اللي فايض بيا، سردّت حبك للعيون وللروح بأغنية، وختمت نقاشك معاي بكلمة " ديما أذكر فيا بيك، كل مكان، كل عيون الدنيا نشوفهم فيك، كل روح خطمت من قدامي، كل صوت سمعته، وكل نبرة لمّحت خطوطها بعد سنين من الفراق :
زرعت تحت جفون راحتك بنية تشبهلي، بنية على مسميات إسمي، تنهدّت لما لقيتها صغيرة، رجعتني لأيام سنين قبل عشتهم في قلبك، بعد مانطقت إسمها، كان ليا، مني وفيا عايش .
التوقعات كانت مش لمكانها، تزعزت ..
- شعور ثابت، برغم اللامحدود
ونقطة .

صباح الخير لكل شخص فاق ..
لكل شخص قاعد يقاوم، لكل شخص مهموم وفرحان ..
اليوم لنفسه، من حقك تعيشه، قاوم، والفرص قدامك، ماتوخرش .

فكر في اللي جاي
مستقبلك حاتحدده هويتك كشخص يعرف يعيش الحياة بِلباقة طاغية على كل شعور،
الفرص تستنى، ماتيأسش .