١:٣٦ صٌ. تباً لك
لا زلتُ العن نفسي على ما قدمتهُ لك على مقدار المحبه التي ضاعت بوقتاً قصير على الشعور الزائف على كلامات الباردة على إهمالك المتتالي على كذبك الجميل كيف أوهمت قلبي بحبك كيف ملئت قلبي بك و انا كارهاً للحب و انت تأتي و تكرهني مرةً اخره للحب بعد ما ظننت ب انكَ جنةً منزله من السماء تباً لصدفه التي عرفتني عليك و على الايام التي قضيتها بوهماً معاك قلبي تأذى بسببك قد أنهلك من البكاء هل تظن القلب لا يبكي كلا القلب يبكي لاكن بصمتاً قاتل لا يشعر به الا مالك القلب نفسه ألماً لا يوصف شعوراً مرعب هل تعرف ماذا أهديت لك دعني اذكرك اهديتك قلباً جميلاً لطيفاً لا يريد سوى راحت قلبك يريد فقط ان يكون في بالك ولو ساعةً واحده في اليوم لكن لم اكن في بالك حتى دقيقةً واحده شكراً على الايام التي علمتني انا لا اقول انك خطأً في حياتي بل درساً جيداً نعم تألمت لكن تعلمت و هذا افضل من اَي شي لأني لن اهدي قلب لاحداً من بعدك💔🎻.

١١:٢٠ صٌ.
.
أكرهك وأحــبك ولا أبيـك وأبيـك
لخبطت فكري ماعرفت الحقيقـه
ماتوقعت أعشقك في يوم وأغليك
لين ماحــبك أشعل بقلبي حريقـه
تاهت بحوري وأنا أدور موانيك
والروح بغيابك وبعـدك غريقـه
والقلب يتبع بالمشاعر خطاويـك
ودروب غيـرك تشكـي الظيقـه
راضي بتعبك وأتحمـل بلاويـك
وماطيق غيرك ولا حتى دقيقـه
انسى اني أكون بيـوم ناسيـك
محداً بعد المحــبه ينسى عشيقه
يفز قلبي لاجابو الناس طاريـك
حـبك قدر عمري ونورك طريقـه
أهديك كلي وانا وكلـي لمغاليـك
وأهديك كل الورد واحلى رحيقـه
من قال ماحـبك ولاأبيـك وأبيـك
هذي خرابيط شاعر بحكم السليقه
ولا الحقيقه تراني مبتلـي فيـك
مثل ظامي يحتري من يبل ريقـه
واخرها تذكرني ليا هلت لياليـك.
أنت حــبيب القلب وأنت صديقـه.

٥:١٣ مٌ.
.
واللي يخليك حاول تفهم أوضاعي
حرام نخسر بعضنا بسبّة الغيره
ما فيه داعي تصحي غفوة أوجاعي
يكفي وجع قلب غيّر كل هالسيره
من الهم عندي كثير أشكال و أنواعي
وما فوق تعكير جوّي تزيد تعكيره
ما جيت حتى تعلمني وش أطباعي
أو تشرح أبعاد حلمٍ طال تفسيره
جيتك من أقصاي لا غافي و لا واعي
أشيل حمل الزمان بشرّه وخيره
الحظ ماهوب خاتم يلبس صباعي
والله لو هو صحيح أسعى لتغييره
لا شك ماني بمسئولٍ ولا واعي
هذا هو الوقت ما قصّر بتقصيره
في طاري البعد ليه تحاول إقناعي
وإلا انت لا مات قلبك عشت في غيره
جيتك وكلي أمل لو تفهم أوضاعي
يرضيك نخسر بعضنا بسبّه الغيره.

٢:٥٦مٌ.
.
لاتلومني لاجيت كلي من اقصاي
مافيه غيرك لاتضايقت جيته
جيتك ولاغيرك ذكرته بمسراي
جيتك وكل انسان غيرك نسيته
جيتك وانا ماني بأنا تايه الراي
جيتك وانا مدري وش اللي بغيته
جيتك وقلبي دقته تسبق خطاي
جيتك اقول مفارقك ماقويته
ان مر يومٍ بالعمر منت وياي
اشتاق لك شوق المسافر لبيته
مثل الهوا تحتاجه الناس والماي
يحتاج لك قلبٍ هواك وهويته
دامك معي ماقصرت يوم دنياي
دامي خذيتك وش بقا ماخذيته
وانكان تنشدني بعد ليه انا جاي
ابشر بردٍ يقنعك لاقريته
جيت اعترف بالفرق يا اخر مناي
بينك وبين اللي عشانك جفيته
اني ليامن جيت لك همك رضاي
واني ليامن جيت له مالقيته
لاتلومني لاجيت كلي من اقصاي
مافيه غيرك لاتضايقت جيته.

١١:٢٥مٌ.
.
لا تنصدم ماعدت شي بحياتي
كلك على بعضك كرهتك وعفتك
مابيك لو انه وجودك غناتي
حذفت انا اسمك من سجلي وحذفتك
صارت حياتي معك تشبه مماتي
مافيك حاجه طيبه لا وصفتك
عمر الخطا ماكان نوع بصفاتي
حتى مشيت العام دربك وشفتك
انا غلطت بحق نفسي وذاتي
غلطه بدت من يوم جبتك وضفتك
داخل خفوق حط حبك مناتي
كبرك في عيني وجيت وعرفتك
وصرت القريب اللي .. شتاته شتاتي
جرفتني كلي .. وكلك جرفتك
لكن خساره منت كفو لسواتي
اللي حصل بين رداك وكشفتك
تدري بصراحه ايش غلطة حياتي
اني نزلت لمستواك وعرفتك.