وضاحة عمر..

#شخصيتك_مسؤوليتك.

ناس كتير بترسل لي وبقولو يا وضاحة نحن شخصيتنا ضعيفة وما بنعرف نقول لأ وما عندنا ثقة في نفسنا وورينا نعمل شنو وهم مرات بكون فعلا شخصيتهم ضعيفة لكن معظمهم بكون الأجواء السلبية الحاصلة مؤثرة عليهم وعلى نفسيتهم لكن شخصيتهم قوية، فا السؤال مفترض يكون:

كيف أعرف إنه شخصيتي ضعيفة؟

حا أقول ليك إذا أنت ما بتقدر تتحمل ضغوطات الحياة وما بتقدر تتأقلم مع الظروف السيئة أو مشاكل الحياة، وما واثق في روحك وقدراتك وما بتقدر تتخذ قرار مستقل وعندك سهولة إنقياد وبتتأثر بآراء الناس سريع وبتلقى إنه حتى طريقة كلامك بتتغير وتتشابه مع الناس المعاك في مدة قصيرة، وما بتعرف تحل مشاكلك وبتعتمد على الناس وبتخاف إنك تحقق أهداف لأنك خايف من الفشل، يبقى هنا أنت شخصيتك ضعيفة.

طيب الحل شنو يا وضاحة؟

أول حاجة أنت محتاج لي إنك تتكلم مع مستشار نفسي أو مدرب عشان يقدم ليك الحلول المناسبة، ولازم إنك تبدأ تحدد أهداف حسب مقدرتك المادية والنفسية وحسب المجتمع الفيه وما تكلف نفسك فوق طاقتها، وتبدأ تحقق الأهداف دي بي شكل منتظم من الأهم ثم المهم وحسب حوجتك ليهم، وتبدأ إنك تطور مهارة التواصل الاجتماعي وتوسع دائرة المعارف الحولك ولازم يكونو ناس إيجابيين ومحفزين ومنتجين وتبعد كل البعد عن الناس السلبية.، وبرضو تهتم بي صحتك النفسية والجسدية.

والأهم القراءة!
تقرأ تقرأ تقرأ، أقرأ الكتب والمقالات وخش الدورات التدريبية البتساعد على تطوير الذات وبناء الشخصية، وتبدأ تحدد نقاط الضعف العندك وتطورها وتشوف نقاط القوة وتعززها، وحسن ثقتك بي نفسك بي إنك دايمًا تركز على الايجابيات الفيك وتتذكر انحازاتك العملتها مهما كانت بسيطة، وأهم حاجة أي شيء بتعمله لازم تكون بتستمتع بيه وأعمل الحاجات البتحبها وسيب الكسل وأبتعد تماما عن التوتر والناس المسببه ليه..

وعشان تعمل دا كله أبعد من تصنيفات الناس والناس البتقول ليك دا كلام فارغ وما بعرف شنو فطالما أنت ما جربت الحاجة بي نفسك ما تشتغل بي تصنيف زول لأنه معروفين كشعب بنحب التعميم..

والسلامو عليكمو..
وأهي إمضتي
#وضاحة_عمر

www.tgoop.com/waddaha19/5426

430 viewsوضاحة عمر, Jul 16, 2023 at 10:39

#شخصيتك_مسؤوليتك.

ناس كتير بترسل لي وبقولو يا وضاحة نحن شخصيتنا ضعيفة وما بنعرف نقول لأ وما عندنا ثقة في نفسنا وورينا نعمل شنو وهم مرات بكون فعلا شخصيتهم ضعيفة لكن معظمهم بكون الأجواء السلبية الحاصلة مؤثرة عليهم وعلى نفسيتهم لكن شخصيتهم قوية، فا السؤال مفترض يكون:

كيف أعرف إنه شخصيتي ضعيفة؟

حا أقول ليك إذا أنت ما بتقدر تتحمل ضغوطات الحياة وما بتقدر تتأقلم مع الظروف السيئة أو مشاكل الحياة، وما واثق في روحك وقدراتك وما بتقدر تتخذ قرار مستقل وعندك سهولة إنقياد وبتتأثر بآراء الناس سريع وبتلقى إنه حتى طريقة كلامك بتتغير وتتشابه مع الناس المعاك في مدة قصيرة، وما بتعرف تحل مشاكلك وبتعتمد على الناس وبتخاف إنك تحقق أهداف لأنك خايف من الفشل، يبقى هنا أنت شخصيتك ضعيفة.

طيب الحل شنو يا وضاحة؟

أول حاجة أنت محتاج لي إنك تتكلم مع مستشار نفسي أو مدرب عشان يقدم ليك الحلول المناسبة، ولازم إنك تبدأ تحدد أهداف حسب مقدرتك المادية والنفسية وحسب المجتمع الفيه وما تكلف نفسك فوق طاقتها، وتبدأ تحقق الأهداف دي بي شكل منتظم من الأهم ثم المهم وحسب حوجتك ليهم، وتبدأ إنك تطور مهارة التواصل الاجتماعي وتوسع دائرة المعارف الحولك ولازم يكونو ناس إيجابيين ومحفزين ومنتجين وتبعد كل البعد عن الناس السلبية.، وبرضو تهتم بي صحتك النفسية والجسدية.

والأهم القراءة!
تقرأ تقرأ تقرأ، أقرأ الكتب والمقالات وخش الدورات التدريبية البتساعد على تطوير الذات وبناء الشخصية، وتبدأ تحدد نقاط الضعف العندك وتطورها وتشوف نقاط القوة وتعززها، وحسن ثقتك بي نفسك بي إنك دايمًا تركز على الايجابيات الفيك وتتذكر انحازاتك العملتها مهما كانت بسيطة، وأهم حاجة أي شيء بتعمله لازم تكون بتستمتع بيه وأعمل الحاجات البتحبها وسيب الكسل وأبتعد تماما عن التوتر والناس المسببه ليه..

وعشان تعمل دا كله أبعد من تصنيفات الناس والناس البتقول ليك دا كلام فارغ وما بعرف شنو فطالما أنت ما جربت الحاجة بي نفسك ما تشتغل بي تصنيف زول لأنه معروفين كشعب بنحب التعميم..

والسلامو عليكمو..
وأهي إمضتي
#وضاحة_عمر

BY وضاحة عمر..