tgoop.com/walamakan/6909
Last Update:
پوختەى حوکم و ئاداب و پاداشت و حیکمەتەکانى ڕۆژووی شەشەڵان
١. حوکمى شەشەڵان
ڕۆژوو گرتنى شەش ڕۆژ لە مانگی شەووال (شەشەڵان) سوننەتە و واجب نیە .
٢. پاداشتى
پێغه‌مبه‌ری خوا ﷺ فه‌رموویه‌تی: هه‌ركه‌سێك مانگی ڕه‌مه‌زان به‌ڕۆژوو بێت و پاشان شه‌ش ڕۆژ له‌مانگی شه‌ووال بگرێت وه‌كو ئه‌وه وایه ساڵه‌كه هه‌مووی به‌ڕۆژوو بووبێت.
٣. حیکمەت و سووده‌كانی
أ. شەشەڵان لەگەڵ مانگی ڕەمەزان بەتەواوی پاداشتی ساڵێکی بەڕۆژووبونی هەیە .
ب. کەموکوڕی و ناتەواوی لەڕۆژووی فەرز تەواو و کامل دەکات .
ج. بەڵگەیە لەسەر ئەوەی کە ڕۆژووی مانگی ڕەمەزان قەبوڵ بووە.
٤. چۆنێتی ڕۆژوو گرتنی شەشەڵان و کاتى دەست پێ کردنی
ڕۆژووی شەشەلان لە ڕۆژێک دواى جەژنى ڕەمەزان دەست پێ دەکات و دروسته به‌سه‌ر یه‌كه‌وه یان به‌جیا جیا بگرێت به‌پێی ئه‌وه‌ی بۆی ئاسانه و بۆى دەگونجێ و مەرج نیە هەمووی بەسەر یەکەوە بگرێت ، بەڵام باشتر وایە پەلەی لێ بکرێت نەکا ڕێگرییەک بێتە پێش .
٥. نییەت لە ڕۆژوی شەشەڵان
ڕۆژووی شەشەڵان بەستراوەتەوە بەڕۆژووی ڕەمەزانەوە ، بۆیە گەر کەسێک نیەت نەهێنێت لەشەودا و تەنها لە کاتى نیوەڕۆدا نیەت بهێنێ ئەوا ڕۆژووەکەى دروستە بەڵام پاداشتى تەواوی بۆ نانوسرێت .
٦. قەرزی ڕەمەزان لە پێشترە لە ڕۆژووی شەشەڵان
ئەو کەسەى قەرزی ڕەمەزانى لەسەرە باشتر و چاکتر وایە سەرەتا قەرزەکە بگرێتەوە ، بەڵام گەر بۆى نەکرا ئەوا دەتوانێ سەرەتا شەشەڵانەکە بگرێت پاشان لە کاتی تردا قەرزەکانى بگرێتەوە .
٧. قەزری ڕەمەزان و شەشەڵان بە یەک نییەت
دروست نییه قه‌رزی ڕۆژووی ڕه‌مه‌زان و شه‌شه‌ڵان به‌یه‌ك نییه‌ت بهێنرێت.
٨. شەشەڵان و ڕۆژە سوننەتەکان بە یەک نییەت
دروسته به‌یه‌ك نییه‌ت ڕۆژووی دوو شه‌ممه و پێنج شه‌ممه یاخود ڕۆژه‌سپییه‌كان بگیرێت له‌گه‌ڵ ڕۆژووی شه‌شه‌ڵان، ئومێد ده‌كرێت پاداشتی هه‌ردووكی ده‌ست بكه‌وێت.
-----------------------
ئەم لینکە بکەرەوە(٢٥) خاڵی گرنگ و بەسوود سەبارەت بە ئاداب و ئەحکام و حيكمەت و پاداشت و سوودی ڕۆژووی گرتنى مانگی شەووال کە ناسراوە بە (شەشەڵان) باس کراوە
👇👇👇
https://walamakan.com/Kteb-148
BY وه‌ڵامه‌كان
Share with your friend now:
tgoop.com/walamakan/6909