❗️Беларусу, якога затрымалі ў Грузіі, пасля вызваленьня з СІЗА не выдалі на рукі дакумэнты

На 3 сьнежня Яўгену Маравіцкаму прызначаны візіт у міграцыйную службу.

1 сьнежня ў Варшаве адбылася сустрэча з камандзірам Палка Каліноўскага і беларускай дыяспарай

Разам з камандзірам палка, Павалам “Дзядзькам” Шурмеем на сустрэчы прысутнічаў кіраўнік прэс-службы палка Эрнэст.

Дзядзька і Эрнэст распавялі беларусам пра рэформы, што праводзяцца ў палку (кадравыя зьмены ў штабе палка, аўдыт фонда ды інш.), сістэму рэкрутынга (трэба напісаць у "чат-бот" @Rekrut_PKK_bot . Пасьля праверкі дакумантаў і ўзгадненьня лагістычных пытаньняў дабраахвотнікі прыбываюць ва Украіну на неабходныя тэставаньні для прахаджэньня Курсу маладога байца).

З большага фармат сустрэчы ўяўляў сабою адказы на пытаньні беларусаў. Прысутныя цікавіліся падрабязнасьцямі рэформаў, мэтай і вынікамі супрацы з “дэмсіламі”. “Гарачай” тэмай, чакана, сталася дапамога ветэранам палка і “кейс” Верамейчыка.

Прадстаўнікі палка падкрэсьлілі, што галоўнай мэтай ПКК ёсьць вызваленьне Беларусі праз вызваленьне Украіны. Таксама прадстаўніцтва палка заклікала атрымліваць інфармацыю аб ПКК толькі з афіцыйных крыніц (https://kalinouski.org, https://www.tgoop.com/KalinouskiPolk).

У цэнтры Тбілісі працягваецца вулічнае супрацьстаяньне

Чацьвёрты дзень у сталіцы Грузіі працягваюцца выступы супраць прарасейскай улады. Яны набылі форму "перастрэлак" паміж пратэстоўцамі і паліцяй. Ужываюцца піратэхніка з боку пратэстоўцаў і гранаты з газам з боку паліцыі.

❗️Расейскі дэпутат дапусьціў магчымасьць уводу войска ў Грузію

Падчас эфіру ў праграме "Вечар з Уладзімерам Салаўёвым" дэпутат Дзярждумы РФ, старшыня камітэта па справах СНД Леанід Калашнікаў заявіў: "Калі Захад узмоцніць хваляваньні ў Грузіі, Расія гатова дапамагчы грузінам войскамі супраць варвараў".

4 сьнежня ў Музеі Вольнай Беларусі адбудзецца дабрачынны канцэрт ў падтрымку дзяцей загінулых ваяроў Палка Каліноўскага.

На сустрэчы будзе прысутнічаць камандзір ПКК Павал “Дзядзька” Шурмей ды іншыя ваяры. Будзе магчымасьць задаць пытаньні ваярам, паслухаць песьні Піта Паўлава, ахвяраваць сродкі дзецям загінулых ваяроў ПКК.

Пачатак а 19.00. Адрэса: Варшава, Foksal,11.

Распачалася шостая ноч пратэстаў у Тбілісі

Паліцыя традыцыйна ўжывае газ і вадамёты, а дэманстранты эксперыментуюць з новымі відамі "зброі". На відэа феерверк, які ператварылі ў "гранатамёт".

Паміж Швецыяй і Фінляндыяй здарыўся чарговы разрыў тэлекамунікацыйнага кабеля. Верагодная прычына — дыверсія, піша Helsingin Sanomat.

Паведамляецца, што разрыў кабеля, папярэдне, адбыўся на сушы, зараз распачата расследаваньне, асноўная версія якога — дыверсія. На гэты момант паміж краінамі парушаны тэлевізійныя і інтэрнет-паведамленьні.

Раней у Балтыйскім моры быў пашкоджаны кабель сувязі паміж Фінляндыяй і Германіяй, а таксама яшчэ адзін — паміж Швецыяй і Літвой.

Знаёмцеся — ініцыятыва BelRead! Мы займаемся перакладам замежнай літаратуры на беларускую мову.

🤔 Навошта гэта патрэбна?
Таму што шмат хто з нас хоча чытаць на роднай мове, а доступ да беларускамоўнай літаратуры не заўсёды просты. Мы перакладаем вашыя любімыя кнігі і рэгулярна дзелімся часткамі з іх на нашым Patreon, каб вы маглі ацаніць і атрымаць асалоду ад чытання.

💬 Як гэта працуе?
Вы самі абіраеце, якія кнігі мы будзем перакладаць: раз на 3-4 месяцы праводзіцца апытанка, дзе вы проста прапануеце любімыя кнігі і потым галасуеце за самыя папулярныя - вашае меркаванне можа стаць вырашальным. Гэта вельмі крута, калі чытачы могуць уплываць на выбар.

📚 Што ўжо зрабілі?
Перакладзены асобныя творы Лаўкрафта, Чэмберса, іншых аўтараў, вядзецца праца па перакладзе "Эн з зялёных Мезанінаў" Люсі Мод Мантгомеры. Гэтыя творы перайшлі ў стан "Public Domain" ("Грамадскі здабытак"). Прыклады перакладаў мы публікуем у нашым акаўнце на Патрыён. Таксама працуем над агучкай перакладаў. Іх публікуем у Ютубе і, неўзабаве, у Ціктоку.
На бягучы момант сталая каманда складаецца з 6 чалавек + заўсёды адкрытыя новым прапановам.

❤️ Як падтрымаць наш праект?
Калі вам падабаецца тое, што мы робім, вы можаце падтрымаць нас фінансава на Patreon. Гэта дапаможа нам аплачваць працу перакладчыкаў і выданне новых кніг. Падпішыцеся на нашы каналы ў Youtube і TikTok. Facebook і Instagram таксама чакаюць вас. Вы можаце забусціць супольнасць у Тэлеграм - любая ваша падтрымка важная!

Сачыце за намі ў сацсетках — мы дзелімся цікавымі навінамі, даследуем і папулярызуем беларускую мову, расказваем пра беларускіх пісьменнікаў і перакладчыкаў, публікуем абнаўленні аб праекце. 📖

Давайце разам развіваць нашу культуру і мову. Далучайцеся да нас і падтрымайце важную справу! 💖

Масавыя і брутальныя аблавы на актывістаў і апазіцыйныя партыі ў Грузіі

Паліцыя ўвайшла ў офісы апазіцыйных кааліцый "Адзіны нацыянальны рух" і "За перамены" — паведамляецца пра ператрусы і затрыманьні лідэраў партый.
На гэты момант вядома аб арышце чацвярых чалавек, у тым ліку медыяменеджара і лідэра кааліцыі "За перамены" Нікі Гварамія (другое месца пасля кіруючай партыі на кастрычніцкіх выбарах).

Партыя "Гірчы" паведамляе пра затрыманьне Гелы Хасая. Дэпутат апазіцыйнай партыі "Лела" Саба Буадзэ паведаміў, што затрымалі членаў апазіцыйнай кааліцыі "Моцная Грузія" Вепха Касрадзэ і Васо Кадзелашвілі.

Пры гэтым, былы прэзідэнт Грузіі Міхаіл Саакашвілі знаходзіцца ў турме з 2021 году.

У Грузіі пераструсы адбываюцца ў офісах практычна ўсіх апазіцыйных партый. Затрыманы кіраўнік студэнцага руху. Затрымліваюцца блогеры і адміністратары папулярных каналаў.

Затрыманым інкрымінуецца "Арганізацыя групавога гвалту, удзел у ім або заклікі да гвалтоўных дзеянняў". Па гэтым артыкуле пагражае да 6 год зняволеньня.