tgoop.com/wdadhussenia/6
Last Update:
ياثجيل وبالحرب مادنكيت
غير بيرغ يبو فاضل مانصيت
كله ترجف چن سعف منك شجاع
انته بلطيف وتخوف لو اجيت
ضوه ماتنكض ابد ياكمر ياكمر
صاير اضعاف العدد ياكمر ياكمر
ماسلم حته الشرد ياكمر ياكمر
الزلم خرسه تصير طب خلاسه
غير ابو الكلفات كظ وداسه
دخل جيدوم الحرب عباسه
################
الراي رايك بلفعل بس هوه راي
الدنيا توكف لجل اسمك كلها هاي
جفك وي السيف متوارد اكيد
انته طشرت العساكر چنه ماي
حيره منك حارت ياكمر ياكمر
ليك كله اندارت ياكمر ياكمر
الغوث بسمك صاحت ياكمر ياكمر
دخيل كله تصيح شيخ الساده
بلخزر والسيف يفني القاده
غير هو العباس بيهم ناده
#################
خالس الطف بخزرتك ماكو صوت
كله خرسه تصير يمك من تفوت
اسمك العباس لاجن بالحروب
هذه مو عباس صاحوا اسمه موت
شالع كلوب الزلم ياكمر ياكمر
الجيش منك منهزم ياكمر ياكمر
مثل حايط منثلم ياكمر ياكمر
الهوه يوكف وابوفاضل ماوكف
الروس ماتبقى بجسدهم لو خطف
حيله من حسين وابدأ ماضعف
#################
حار من كل صوب تلسع بالشمس
غير ابن حيدر وانته اعظم درس
موش واحد صاحوا بنص النزال
بكل كتر عباس خالسهم خلس
دنكت كله وتصيح ياكمر ياكمر
بلحرب انته استريح ياكمر ياكمر
احنه جدامك نطيح ياكمر ياكمر
القاده جوه الكاع تلبد بالحرب
غير عباس النزل بيه الصعب
كله تركع للكمر لمن يطب
################
عل مراجل ماخذ اول وانته حيد
انته صدر المعركه وبيه العجيد
كله صفره نكلبت بيوم الجيت
هتزت الحومه دخيلك يلعنيد
كلب كالبه تره ياكمر ياكمر
انته سبع الكنطره ياكمر ياكمر
الزلم رجعت ليوره ياكمر ياكمر
انته فارسه الحرايب من تحوم
لجيمه كله طيح منك من تكوم
انته طيرت الركب فوك النجوم
#################
وداد البخاتري
BY قصائد حسينية (وداد البخاتري)
Share with your friend now:
tgoop.com/wdadhussenia/6