tgoop.com/wemsamsa/5783
Last Update:
فاض دمك علأرض،،،ياعلي بسيف البغض
واعليا،،،واعليا،،،واعليا،،،واعليا،،
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابطبرتك ياحيدره سال الدمع
شردوصف حالتك ابيا وضع
ساجد ابمحرابك وصار الوقع
بالغدر صابوك چن يوم الضلع
دمك الطاهر نزف،،،والملك صوته هتف،،
واعليا،،،واعليا،،،واعليا،،واعليا،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الليله ياعين التنام وتستقر
ونار فگدك ياعلينه تستعر
چم جرح خلاف عينك يستمر
بين مسموم وذبح وسبي الشمر
ياعلي فگدك صعب،،،وزينب تصير بغرب،،
واعليا،،،واعليا،،،واعليا،،،واعليا،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
السفينه تغرگ ابلايه الشراع
وليتام اخلافك اتحس ابضياع
صعبه بعدك ياعلي ليش الوداع
منهو للفقره بغيابك وللجياع
شوفتك عيد وخبز،،،فركتك سيف ويحز،،
واعليا،،،واعليا،،،واعليا،،،واعليا،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اجت كلها الشوفتك لزمت سره
واليجي اعلباب شلون اتعذره
ابين ايتام وصحابه امناطره
نادت ابصوت الحزن ياحيدره
واكفه بلوعه وشجن،،،شايله بچفها اللبن،،
واعليا،،،واعليا،،،واعليا،،،واعليا،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابين حسرات ودمع ومتألمه
تدعي وتتوسل الرب السمه
للعلي تدعي العلي النازف دمه
بالسلامه يگوم حماي الحمه
گعدو اباب الاأمير،،،كل يتيم وكل فقير،،
واعليا،،،واعليا،،،واعليا،،،واعليا،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
BY قناة الشاعر قصي القاسمي
Share with your friend now:
tgoop.com/wemsamsa/5783