tgoop.com/wisedany_kordewary/1997
Last Update:
#شاگە.
شاگە، لە جێگەی بەکارهێنانی وشەگەلێکی هاوشێوەی (دەم باش / کات باش/ ژیان باش/ سات باش)
شاگا واتا لەجێگەی خۆشدا بی، خاڵێک جێی سەرنجە و کوتوومانە بەجێی سەلام/ نییە هەرکەس ڕای وایە سەلام/ بکات بیروڕای بەحورمەتە بەڵام خوازەی خێر و خۆشی و شادی و لەشادیدا بی، دەتوانێت وەک شەو باش، ڕۆژ باش، ئێوارە باش بەکار بێ و کێشەیشی نییە،
پاشان سەیری ئەو بابەتەش بکەین و چاوێکی پێدا بخشێنین
(سەلام، سڵاو، سڵام، سلاڤ،سڵم...)
"وشەی مێرحەبا کە لە تورکیی ئیستانبوولییەوە هاتووتە" نێو زاراوەی کورمانجی ژووروو.
باسی وشەگەلێکی وەک /سڵاومان/ پێشووتر کردبوو.
شاگا لە هەمبانەبۆرینەدا هاتووە.
شا= شاد
گا= گە= شوێن= جێگا
شاگا = جێت خۆش بێ، شاد بی
کە شاد بی هەموو داخوازەکانی خۆشی و ساغی و تەندروستی دەبڕێتە بەرخۆی و بنێشەیێکی ڕەسەن و کوردیشی هەیە.
ئێستاش شاگە/ شاگا وتمان دەتواندرێت لە جێگەی وشەی کات باش/ ئێوارە باش...هاتد بێت.
بەڵام/شەگە/ و /شابە/ بە واتای درود دێت.
ڕەگەزی وشەی /شاگە/ گەر سەیری بکەین لە کوردیدا خاوەن ڕەگەزێکی پاراوە وەک وشەکانێکی
سەرنجی ئەو وشانە بدەن:
شاش/شاشک/شاشیک: پێچ، مێزەر، ئەوەی لە سەر دەپێچرێ
شاپرزە: شپرزە، سەرلێشێواو، شا + پرزە، سەرپرزە، شا بە مانای سەروپرزە بە مانای ئاڵۆز
شاتک: رەگی مل، پێوەندی سەر، تەک سەر، لە گەڵ سەر
شاچاخ: گوڵینگە و لەرزانەی گەورە کە لە سەری دەدەن.
شاخ: زەقی ڕەقی سەری حەیوان
شاخڤەدان: سەرپەڕاندن، هەڵپەرتاوتن،
شاد: سەرخۆش، بە کەیف
شادمان/شادومان: ڕەنگە شاد دەمان (کاتە خۆشەکان) یان شادیمان/شادیمەن (دیمانەی شایانە یان دیمەنی شایانە) بووبێ
شانە: ئامرازی داهێنانی مووی سەر
شاگرد: بەردەستی وەستا،
شا: سەر، گرد؛ بە دەور
شاگەشکە: سەرگەشتە
لە قۆناخێکی دواتردا ڕەنگە پیتی "ر" وەک پاشگر بە "شا" نووسابێ و بووبێ بە "شار" بە هەمان مانای سەر:
شار: سەرپۆشی ژنانە
شاڵ: مێزەر و پشتێنی سەید
شار: دەسرۆکەی دەوری کڵاوی لباد
شاباش: شاواش، شاوەش، سەروەش، سەرخۆش، سەرخۆشانە
شاهیک: بریقەدار، سەرنجڕاکێش
شاوەلە/شاوەلێ: شا: سەر، وەلە: گوند، گوندی سەرێ، گوندێکە لە ناوچەی نەغەدە
شار: ماڵ و ناوەندی سەرەکیی مێرولە و زەردەواڵە
شار: پێچەوانەی لادێ،
شار: ناوەندی یاری لە کایەی منداڵاندا
شەتری: ڕیزە گوڵینگەی سەروپۆر، گێلگێلە
شەخس: شاکەس، مرۆ، پیاو، کەس - قەبری پیاوچاکان
شەخسان: ڕەنگ پێنەمان لە بەر
شەخف: بان سواخدان
شەدە: پارچەیەکی ڕەش یان سوور بۆ مێزەر، سەرپێچی ژنانە
شەڕانخێوی: غارغارێن بە ئەسپ لە مەیداندا، سواران خێو
شەرپل/شەرپلان/شەرپلێن: سەرگەردان
شەرپەزە: شپرزە
شەرشوب: لاسەرە، خشڵێکی ژنانە
شەریک: سەر یەک؟ یەک سەر؟
شەس: هەست، هۆش
شەس: قامکە گەورە
شەس بێدار: بەئاگا، بەخەبەر
شەش: هەموو؟ یەکسەر؟ وەک شەشدانگ، شەشخان، شەشدەر
شەعر: دەسرۆکەی سەرپێچی ژنان و پیاوان
شەو: وەک سەر ڕەش؟
لە بەرامبەردا: ڕوو: وەک ڕۆژ
شەقۆن: بەسەر لێدانی مەڕ و بەران
شەکان/شەکین/شەکاندن: لەرینەوە لە بەر با
شەکە: کڵاوی لە پێستە مەڕ
شەکیلە: پارچە هەمانەی خۆشکراو بۆ بەسەر دەفرداکردن،
شەکێن: گۆبازی
شەگە: شاگا، شاگە، خۆش بە
شەگە: میچ کە میر هاتبێ، جگ لە سەر لاپانەکەی
شەلایی: دەسرەی کاغەزی
شەلک: چارۆکەی سەر شان و سەرپۆش
شەماڵ: لای سەروو
شەممە: سەرەتای حەوتوو
شەند: دەنووک
شەوک: زەنبەرێکە، دەرزیلە کە دە سەر و پێچی دەچەقێنن
شەوشین: پەرێشانبوون
شەوکەت: شا/وەک/ەت، شان و شکۆ، پایەبەرزی...
کەواتە وشەگەلی وەک /شا/ و /شە/ سەلماندێری دیرۆکی و کۆنی ئەو وشەیە و بایخدانی بەکارهێنانی هەیە لە دەم و کات و ساتی خۆی.
سەرچاوەکان
فەرهەنگی: #هەنبانەبۆرینە
فەرهەنگی: #ناهید
فەرهەنگی: #کاوە
مامۆستا: #سۆران_حەمەڕەش
https://www.tgoop.com/joinchat-NVjHBDqDQoA4ZjJk
BY وشەی دانسقەی کوردی
Share with your friend now:
tgoop.com/wisedany_kordewary/1997