كَعدت رقية بالخيم تدعيلك
تسهيل أمر عن الرده أتصليلك
يالرحت مكسور الضهر والعافيه"
أفطور الشفايف بالشفايف عافيه"
@@@@@@@@@@@@@@@
طلعت وراك أجروحي تبجي
وعيوني بس صفنات تحجي
لا تبطي يمه الخاطري يوليدي
ألمن أدير أبعيني لوردت أشجي
يايمه يشرح حالي دمعي
أشما تبتعد ينغزني ضلعي
راحت وياك العافيه ولذتهه
ماتت النبضه وما يطمأن وضعي
يالماخذ الدنيه ومشيت أبروحك
مخنوك ريّه وتنتجي أعله جروحك
يابو المحنه والحجايه الدافيه
أفطور الشفايف بالشفايف غافيه
@@@@@@@@@@@@@@@@
بيه أعله كد الدنيه حسره
دربك كَضيته عثره عثره
أمفاركني يمه ودمعتك ما هايده
الفاركَ عزيز اجروحه أجروحه تطفح خضره
كتلك تعل والجلمه عثرت
متّلوهه ومستحيه مرت
جا خل أبوس إيدك وشم ريحتهه
حسبات عندي اويه الموادع كثرت
حته الهوه أتنفسته ما رواني
مُر وغفه أعله ضلوعي حيل أذاني
عكبك تره ولا نسمه ضلت صافيه
أفطور الشفايف بالشفايف غافيه
@@@@@@@@@@@@@@@
أعيوني أعله كدك يمه تربي
أشما تبتعد يوجعني كَلبي
طبيت للحومه أعله طولك واكف
وتحاوشوك وطاح كَِلبي وتعبي
أشما ضاع طولك يمه عني
عالغبره يوكع كَلبي مني
إيصيحن بنات حسين من الخيمه
شخبار جاسم عنك يسألني
يوحيّد أمك أمك أبلا والي
مو هينه كلش من يروح الغالي
ودمعات عيني أعليك لامو كافيه
أفطور الشفايف بالشفايف غافيه
@@@@@@@@@@@@@@@
شفتك طحت والناس يمك
أيصيحون بيك أنعذب أمك
صابك على راسك العبدي أبسيفه
وختلطت الحنه أويه حمرة دمك
راسك ييمه أشطاح منه
ما أدري دم ما أدري حنه
طشّرو فرحة عرسك اويه ادمومك
وتبدلت هلهولتي بالونه
بعدك شباب وكشختك بعيونك
شمسوي يمه هالكد يكرهونك
سحكوك يمه الطبره جاما كافيه
أفطور الشفايف بالشفايف غافيه
@@@@@@@@@@@@@@@
عمك أجاك ودمعه يجري
إيكلك يعمي أكسرت ضهري
ما صبغت الحنه أبّياض اجفوفك
لو بيدي أرد الموت حته أبعمري
عثره اعله درب الخيل صاير
كلساع واحد بيك عاثر
أبفيات الضلوع الرماح أمكسره
وبصدرك أمبين أثر جم حافر
والدم صبغ خدينك الورديه
دمعة حنينك عالترب مجفيه
وعيونك أبحفنة ترايب طافيه
أفطور الشفايف بالشفايف غافيه
@@@@@@@@@@@@@@@@@@@
عمك عله اضلوعك يسندك
جابك وحط خده أعله خدك
ميّت أبكسرة خاطر امن جروحك
وما باقيه أشوية رسم من عندك
أمخلص طعن طعنه اعله طعنه
الچنه ورد مو ورد چنه
حمل الخناجر طايح اعله متونك
جسمك ولا اي كتر سالم منه
ذبحو فرحتي ياربيع أيامي
وتبعثرت بين الليالي أحلامي
ما عادت أجروح النوايب خافيه
أفطور الشفايف بالشفايف غافيه
@@@@@@@@@@@@@@@@
حسين باهض الحلفي

اللهم عجل لوليك الفرج

يا صاحب الزمان مدد

كَعدت رقية بالخيم تدعيلك
تسهيل أمر عن الرده أتصليلك
يالرحت مكسور الضهر والعافيه"
أفطور الشفايف بالشفايف غافيه"
@@@@@@@@@@@@@@@
طلعت وراك أجروحي تبجي
وعيوني بس صفنات تحجي
لا تبطي يمه الخاطري يوليدي
ألمن أدير أبعيني لوردت أشجي
يايمه يشرح حالي دمعي
أشما تبتعد ينغزني ضلعي
راحت وياك العافيه ولذتهه
ماتت النبضه وما يطمأن وضعي
يالماخذ الدنيه ومشيت أبروحك
مخنوك ريّه وتنتجي أعله جروحك
يابو المحنه والحجايه الدافيه
أفطور الشفايف بالشفايف غافيه
@@@@@@@@@@@@@@@@
بيه أعله كد الدنيه حسره
دربك كَضيته عثره عثره
أمفاركني يمه ودمعتك ما هايده
الفاركَ عزيز اجروحه أجروحه تطفح خضره
كتلك تعل والجلمه عثرت
متّلوهه ومستحيه مرت
جا خل أبوس إيدك وشم ريحتهه
حسبات عندي اويه الموادع كثرت
حته الهوه أتنفسته ما رواني
مُر وغفه أعله ضلوعي حيل أذاني
عكبك تره ولا نسمه ضلت صافيه
أفطور الشفايف بالشفايف غافيه
@@@@@@@@@@@@@@@
أعيوني أعله كدك يمه تربي
أشما تبتعد يوجعني كَلبي
طبيت للحومه أعله طولك واكف
وتحاوشوك وطاح كَِلبي وتعبي
أشما ضاع طولك يمه عني
عالغبره يوكع كَلبي مني
إيصيحن بنات حسين من الخيمه
شخبار جاسم عنك يسألني
يوحيّد أمك أمك أبلا والي
مو هينه كلش من يروح الغالي
ودمعات عيني أعليك لامو كافيه
أفطور الشفايف بالشفايف غافيه
@@@@@@@@@@@@@@@
شفتك طحت والناس يمك
أيصيحون بيك أنعذب أمك
صابك على راسك العبدي أبسيفه
وختلطت الحنه أويه حمرة دمك
راسك ييمه أشطاح منه
ما أدري دم ما أدري حنه
طشّرو فرحة عرسك اويه ادمومك
وتبدلت هلهولتي بالونه
بعدك شباب وكشختك بعيونك
شمسوي يمه هالكد يكرهونك
سحكوك يمه الطبره جاما كافيه
أفطور الشفايف بالشفايف غافيه
@@@@@@@@@@@@@@@
عمك أجاك ودمعه يجري
إيكلك يعمي أكسرت ضهري
ما صبغت الحنه أبّياض اجفوفك
لو بيدي أرد الموت حته أبعمري
عثره اعله درب الخيل صاير
كلساع واحد بيك عاثر
أبفيات الضلوع الرماح أمكسره
وبصدرك أمبين أثر جم حافر
والدم صبغ خدينك الورديه
دمعة حنينك عالترب مجفيه
وعيونك أبحفنة ترايب طافيه
أفطور الشفايف بالشفايف غافيه
@@@@@@@@@@@@@@@@@@@
عمك عله اضلوعك يسندك
جابك وحط خده أعله خدك
ميّت أبكسرة خاطر امن جروحك
وما باقيه أشوية رسم من عندك
أمخلص طعن طعنه اعله طعنه
الچنه ورد مو ورد چنه
حمل الخناجر طايح اعله متونك
جسمك ولا اي كتر سالم منه
ذبحو فرحتي ياربيع أيامي
وتبعثرت بين الليالي أحلامي
ما عادت أجروح النوايب خافيه
أفطور الشفايف بالشفايف غافيه
@@@@@@@@@@@@@@@@
حسين باهض الحلفي

أباب الخيمه مدفون
والنار - وصلت باب الخيام
أشم عطاب الگماط
والخيل - سحگتگ بالجدام
دلول - عبدالله يغالي
دلول - ياسهر الليالي
=•=•=•=•=•=•=•=•=•=•=•=•=•=•=
سهرت أعليك حد ما طاحت أجفوني
أم عبدالله خوانك يسموني
ياعطر الورد يا فتشة أعيوني
آهات ودموع - يمرخي الضلوع-أبچيك ونعي
طشرت الاحلام-بدروب الأيام-ويسيل دمعي
أگضي الليل أناغيك-أحاچيك-حبيبي وگرة العين
تذوبني أبمعانيك-يمدلول-أزغيرَّ بزرة حسين
دلول - ياگمره وتلالي
دلول - ياسهر الليالي
=•=•=•=•=•=•=•=•=•=•=•=•=•=•=
خذاك حسين من إيدي وبچت إيدي
أستحيت أحچيهه دير بالك عله اوليدي
بچيت أشبيك يمه كزبر أوريدي
ونيت وبچيت-بهداي حنيت-ياروح أمك
بيدين الحسين-وسمعت الونين-لحضانه ضمك
خذاك وللعده راح-أسمعت صاح-أميه أوليدي تعبان
أبسهم طشر معانيك-وويلاه- الدمَّك چان عطشان
دلول- أبسهم ذبحو دلالي
دلول - ياسهر الليالي
=•=•=•=•=•=•=•=•=•=•=•=•=•=•=
رگبتك مايله وعيونك أمفتره
ودمعتك يابسه أعله خدودك أمكسره
نص السهم بعده أمچلب أبنحره
چن طير مذبوح-ودماك مسفوح- ياليل تعبي
رديت مچتول-بگماط محلول-وعيون تربي
ميته الچلمه بشفاك-والموت-باگ أشگد عبارات
العبره أمچلبه بالريج-مخنوگ-أبني أتحسر ومات
دلول- أتفارگ روحي تالي
دلول - ياسهر الليالي
=•=•=•=•=•=•=•=•=•=•=•=•=•=•=
حفرنالك لحد نص متره مو أكثر
أنهيل أتراب فوگك خاف تتعور
رمال الخشنه تلچم گطعة المنحر
دفنوك بدماك-والروح وياك-مابيه أودعك
يم باب الخيام-أحسلك أتنام-من تبچي أسمعك
أذا ونيت أحس بيك-أجي ليك- ومسح بيدي دمعك
أذا فزيت جوعان(عطشان)-أجي أبساع- وأرضعك
دلول- مهدك يمه خالي
دلول - ياسهر الليالي
=•=•=•=•=•=•=•=•=•=•=•=•=•=•=
ومن طاحت زلمنه والخيم شبت
الخيل أعلينه عنوه أتعنت وطبت
أعله گبرك صالت وفوگه أشكثر دبچت
ياريت الخيول-أتصول وتجول- أعله ضلوع أمك
مذبوح-مسحوگ-بالنار محروگ-شيحمله همك
تواسي أبموتك حسين - يمدلول-حته أبسحگة الخيل
هم عطشان ذبحوك- داسوك- الحوافر جسمك أتشيل
دلول - يالعذبتو حالي
دلول - ياسهر الليالي
=•=•=•=•=•=•=•=•=•=•=•=•=•=•=
حفرو گبرك وطلعوك من عنده
رغم أتراب لحدك تشبه الورده
گتلهم أريد أمسح رمل خده
إيصيحون جيبوه-والراس گطعو-ونطوها جسمه
برماح شالوك-وردود ذبحوك- وتصيح يمه
شلتك بس بلا راس -ياناس أريد أرضع حبيبي
ذبحتوه وهو عطشان-جوعان-عليه إيدر حليبي
دلول-أحچايه ما حچالي
دلول - ياسهر الليالي
=•=•=•=•=•=•=•=•=•=•=•=•=•=•=
https://www.tgoop.com/wuhob

ياصاحب الزمان مدد

عثرة هزل - آه
طيحة طفل - آه
شد الحبل - آه
كلهه آه أبآه
~~~~~~~~~~~~~~~~~~~~~
شالت أضعون الرساله أبلا چفيل
عگب أبو فاضل شمر يحدي الهزيل
چم طفل يوگع إذا الناگه تميل
قافلة أبرگبة مره وذمة عليل
حامي الضعن - آه
أبغدر الزمن - آه
أعيونه أنطفن - آه
كلهه آه أبآه
~~~~~~~~~~~~~~~~~~~~~
زينب ولوعة سبيهه والنياح
الهييه وعهود الكفاله وكلشي راح
لو أجت يم راس أخوها تستراح
الحادي عمداً ياسبيه بيهه صاح
أبسوط الضرب - آه
طول الدرب - آه
أبزينب يسب - آه
كلهه آه أبآه
~~~~~~~~~~~~~~~~~~~~~
چم عزيزه أتغيرت منهه الرسوم
من أثرْ حر الشمس من السموم
أبسد سكينه أرقيه تعبانه وتحوم
مرَّت أيام وليالي ماكو نوم
شمس الضهر - آه
تكسر كسر - آه
وسوط الشمر - آه
كلهه آه أبآه
~~~~~~~~~~~~~~~~~~~~~
ونكسر ضهر العقيله أعله النياگ
منهه چم نضرةْ شماته الحادي باگ
والحبل بعضام أديهه أهوايه ضاك
أبكل جدم ينگل تبث حسره أشتياگ
عفت الشهم-آه
عاري الجسم - آه
وبلا هدم - آه
كلهه آه أبآه
~~~~~~~~~~~~~~~~~~~~~
تمشي والسچه طويله أويه اللئام
أهناك ديوان وخرابه أهناك شام
وعازت أرقيه لبوها ياحرام
أتعودت تغفه أعله حضنه من تنام
مره تحن - آه
ومره تون - آه
ما تستچن - آه
كلهه آه أبآه
~~~~~~~~~~~~~~~~~~~~~
عادت اليمشي أبسفر هم يستراح
وآنه حيلي أمن الهزيله كله راح
لو ردت ساعه أستريح الحادي صاح
كومي يازينب عزمنه أعله الرَواح
هدني التعب - آه
شفت العجب - آه
متني أنضرب - آه
كلهه آه أبآه
~~~~~~~~~~~~~~~~~~~~~
https://www.tgoop.com/wuhob

حط الخيام بكربله عباسهه
وندگت الثايه وكبر نوماسهه
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkk
ضعن الله حط ابكربله فوگاه ترف الرايه
صاح الگمر غضو البصر عالگاع زينب هايه
ونصّبت أخيام الحرم ثايه تزاحم ثايه
وندگت أصدور أشكثر لجل الخدر شرايه
اليوم فرحت كربله أبخطارها
وجه الله نازل هالمسيه أبدارها
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
صاح الحسين أعله الگمر يابو الوفه والشيمه
يالتنضح أمروه وعزم يامن تحسده الغيمه
نزّل خواتك بالعجل هالگاع صحره وهيمه
أول متبّدي الزينبك تبني يكافل خيمه
بالرايه گبّع زينبك نزلهه
حته الهوه ليمسهه ياكافلهه
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
كل خيمه تمتاز أبعطر چن جنه فاحت بيهه
چم أبتسامه أتصورت حلوه أبوجه راعيهه
والعنده فكره وفايده يم الگمر يحچيهه
أيوصلهه عباس الگمر لحسين ويوديهه
وتعاونو عالبر سوه والتقوه
مشروع إلٓهي وبتده بالنخوه
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
كل المهام أتوزعت كلمن تكلف دوره
أيوزع علي الاكبر عطر إيرش الخيم ببخوره
قارء خيام آل النبي جاسم الدافي أبطوره
ودور الضوه الوجه الگمر أبكل خيمه يدخل نوره
نزلت سماوات العله أبيبانهم
تستعطي رحمه ورأفه من إحسانهم
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
أشگد ماي عدهم بالخيم زايد الماي أبكثره
وَزْعَو سبيل أعله اليمر يم الخيم من بره
أشرب يعطشان العذب هذا بثواب الزهره
فاضت أحبوب أهل الكرم وتبدت أعله الغبره
يامرخص الماي وكثر موجوده
چا غير عباس اليترسه أبجوده
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
ضحكات عبدالله أشكر ترست خيام العيله
أبواهس رقيه المنفتح لو رادت أتناغيله
الله يا ذاك الوكت والدنيه ريحة هيله
لا چان شمر ولا زجر لا عمر جيشه وخيله
أشگد أمنيات أبكربله ذبحوها
وچم خيمه بانيهه الگمر حرگوها
يبوفاضل نخوتك - يبوفاضل غيرتك
يبو فاضل - يبو فاضل
Kkkkkkkkkkkkkkkkkkkkkkkkkk
https://www.tgoop.com/wuhob

أخذو گلبي وراحو هلي"
يرجعلچ گلولي علي"
تركوني أبدمعاتي وحسراتي
مهضومه وأتسله أبآهاتي
.......................………………………
طوح ضعنهم كربله المنوه
ما ضلّي واحد للگلب سلوه
أبنضرات الموادع يصدولي
عالناگه صعدي ما يگلولي
تچولي بويه أصعدهه تچولي
بالدار أبقه لا لتحچولي
بموادعهم عيني أتهمل"
لو راحو شيلم الشمل"
ومتانيه إيصيحولي أويه أخواني
مهضومه وأتسله أبآهاتي
.......................………………………
عيني عليهم والگلب شاجر
طاري الموادع يكسر الخاطر
أحجي أويه أبويه وما يحاجيني
معقوله وي دمعي يخليني
العبره أبدليلي ودمعتي أبعيني
تتطشر أخلاف الأبو أسنيني
وگبال عيني اصطفو مشو"
ما جابو طاريي وحچو"
وي عبدالله أتبدت ضحكاتي
مهضومه وأتسله أبآهاتي
.......................………………………
گلولي ضلي كربله أبعيده
أنتي عليله وتكتل البيده
گتلهم أيام الهجر تگطع
أتعبّني حيل وللگلب تشلع
طول أنتضاري ونوحي ما ينفع
ولا ينفع أبچاي وجري المدمع
يالشوفتكم طيبه ودوه"
لو عفتوني إيموت الهوه"
تتعثر بشفافي أحچاياتي
مهضومه وأتسله أبآهاتي
.......................………………………
خلولي عبدالله الطفل يمي
بگماطه أشم وهدومه عطر أمي
نتگابل إيناغي وأناغيله
وعن الفراگ أهواي أحجيله
من يبچي أهز مهده ولوليله
يبچيلي مره ومره أبچيله
وخلافكم ما يسوه العمر"
معلوله وما بيه أنتضر"
رحمو بحالي الخاطر دمعاتي
مهضومه وأتسله أبآهاتي
.......................………………………
يحسين شايل والدمع يحدي
بالدار شنهو ضلتي وحدي
أطلع أوياكم راح أشد حيلي
ومن أتعب اسكينه تتچيلي
يا بابا تشفه آلامي أدعيلي
جا يمته بيدك امشي توميلي
يا بابا ويضحكلي الهوه
من أمشي أويه أخواني سوه
وترد روحي أبشوفه عماتي
مهضومه وأتسله أبآهاتي
.......................………………………
https://www.tgoop.com/wuhob

سيد الغيره - طايح أبحيره
إيد مگطوعه وسهم صاب النضر
وأهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،،،
أمواعد أسكينه أبماي وشلون يرجعلهه
ومابگت بس يسراه والناس تحسب إلهه
أيگطعونهه - أتفقو أيگطعونهه
أيفجعونهه - عيلته أيفجعونهه
يركض أبجوده يريد الخيمه يوصل إلهه
إشفاف سكنه عباس رايد إيبللهه
يمشي بجروحه - وعينه مشبوحه
إيشوف سكنه أتلوحله أبچف القهر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
ألتمو أعليه آلآف والهضم بعيونه
وليه وبليه چفوف وتعبو إيوصلونه
غداره - بالحرب معروفه
مضروبه - المثله بهل الكوفه
بينهم بس ما طاح تعبو إيهزونه
أبن داحي البيبان بالقتال شلونه
شايعه أعلومه - أمدوخ الحومه
من بعيد وكام يرمونه أبحجر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
أعليه بچت عين الگاع من تمايل فوگها
هسه صارو شجعان الشاك الهه أحلوگها
إيضربونه - بالعمود أبراسه
إيطشرونه - عالتراب أحساسه
الگطَّعو منه إيمين چان سوگ يسوگها
بالخديعه ياحيف خذو منه أحكوگها
أسكينه ورقيه - إيتانن أميه
أعيونهن مشبوحه يم جرف النهر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
واليتانون الجود الجود بدو مايه
الماي ويْ راعي الماي لاخبر لَحْچَايه
بالخيمه - الورده من يسگيهه
عطشانه - والنده أمجافيهه
رايه ماكو تنشاف وين راعي الرايه
الْگمر بس لا طاح فوگ المسنايه
الينتضر جوده - روحه ممروده
جاس بگلوب اليتيمات الخطر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
حسين صاح أمن أبعيد ياعزيز أخواني
بيه ها ياعباس أستوحدو عدواني
عدواني - خويه ميرحموني
أيگطعونه راسي ويسحگوني
مَوعدي خويه أوياك عالرمح تلگاني
للأبد ما أنساك ونته لا تنساني
تترك أعضيدك - أدري مو بيدك
گوه عنك هاينوماس الفخر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
گمت أشم ريحة موت گرّبت لخيامي
گوم ياخويه الخيل سحگت أعله أيتامي
أيتامي - ساعه ويسلبونهه
ورقيه - إيورمون أمتونهه
وأنه طايح مسلوب عالترايب دامي
أنذبح ياعباس هم وحيد وضامي
وزينب أوحيده - أيتيه بالبيده
أخلاف عينك خويه يسبيهه الدهر
واهسه أعله الجود عباس أنكسر
،،،،،،،،،،،،،،،،،،،،،،،،،،،،،،،،،،،،،،،،،،،،،
https://www.tgoop.com/wuhob

لا تبچن - لا تحچن - سكوت - تعبان من ذبح أخوتچن
والتطيح أمن الهزل - أنزل أربطها بحبل - وجرها وره النوگ
****************************************
حاچاني الشمر چلمات - طاحن للهضم دمعات- والعباس حاچيته"
طبو للخيم والسوط - أخذ من المتن چم شوط - گلب العدو بچيته"
صرخ بينه سبيچن حان - زينب طلّعي النسوان- حضريهن.
هذا السوط-هاي أحبال-الهزله أتاني والجمال- شوفيهن.
إيعذبني - يهضمني-يصيح-بالخيمه ويشتّمني
نذل يتنخه أبنذل - أنزل أربطها بحبل - وجرها وره النوگ
****************************************
لسَّه أبريّتي الدخان-مهضومه وخلك تعبان- أعله اللچمات مابيه"
لميت أبعباتي أبنات- مرعوبات مسلوبات- ألم وچدام مچويه"
وحدتنه أبخدر مخنوگ-تطلع تصعد أعله النوگ- مسبيه.
أمتلوَّهن صريخ الگوم- وحده أتطيح وحده أتگوم- محنيه.
يحچلي - ويشكلي - جروح- أشگد نستحي أيگللي
ضعنه ونشت الشمل - أنزل أربطها بحبل - وجرها وره النوگ
****************************************
الكسره البينه كسرة موت- تمشي القافله أبلا صوت - والچلمات ممنوعه"
نسينه الحسره والويلاه- بسكته انجر حروف الآه - والانفاس مگطوعه"
الشمر يفتر علي فران - بسوطه يخوف النسوان - ياوسفه.
يحچيهه ويسمع الناس - ويلح بشتم عباس - ابو الكلفه.
ايلوعنه - ويهضمنه- شتمات - أشگد بالسبي سمعنه
صاح ودموعي أتهمل- أنزل أربطها بحبل - وجرها وره النوگ
****************************************
مشينه وچان درب أطويل- أستراحتنه ضلام الليل -ودروب السبي أشبيهه"
أعله كل طفله زغيره آثار - سطره ولسعه مالت نار - لوعتةْ حبل بيهه"
أكثر طفله بيهه آهات-شبعت بالسبي طگات رقيه.
بابا أبكل دقيقه أتصيح-يسطرها وترد أتطيح - خطيه.
أذوها-وبچوها-عذاب-أشگد بالدرب راووها
الدرب تعبهه وتمل- أنزل أربطها بحبل - وجرها وره النوگ
****************************************
شفنه الما يمر بالبال-سايگنه عدو وچتال- لاذمه ولاغيره"
وخوتي أنحور فوگ أرماح-يفتر بيهم الذباح- من ديره لعد ديره"
السوگ السوگ آه يالسوگ-أعيون أمفتحه وحلوگ- شماته.
تمنيت الگمر عباس - يحضر يفك من الناس - خواته.
الكلفه - والوسفه- الشمر - تنضر علي عينه الصلفه
لا يمل او لا يچل - أنزل أربطها بحبل - وجرها وره النوگ
**************************************** https://www.tgoop.com/wuhob

وين - ينبض الدليل
وين - نويت الرحيل
ليش يانسمة هواي - أعله جرحي تميل
££££££££££££££££££££££££
يانبضةْ الحب دخيلك-أتفضل علي أبجميلك
- وبقه يمي
عالهجر مابيه أناطر- ياحبيبي ومن تسافر - يبدي همي
العافيه وراحة دليلي - ياگمر وتضوي ليلي - وأنته نجمي
واهس الباب أبصفنتي-ينكسر ياسر فرحتي-ودمعي يهمي
راح - أعاني الجروح
راح - أضل بّيه روح
بيش - أسكّت بجاي وبرد الغليل - وين
££££££££££££££££££££££££
عيني ما يترسهه غيرك-يامن أمغطيني خيرك-ياشمعتي
ياحبيبي ويا حنيني-فدوتك أربع سنيني-وي مهجتي
شلّي بالدنيه بدونك-عايشه الخاطر عيونك-يكضي وكتي
شيلتك صعبه وثجيله-يجري دم دمع الاسيله-ياحسرتي
نار - أحس الغياب
نار - جروح وعذاب
وين- يماخذ دواي غيابك طويل - وين
££££££££££££££££££££££££
أنكسر يمه أبغيابك- راح أتانيك أعله بابك- وفني عمري
تعمه عين الماتشوفك- راح أساهر وي طيوفك- وحني ضهري
يمه من عمري أعله عمرك- حالتي صعبه آويه هجرك- بيه تدري
كلهه هينه جروحي تشفه-وجرحك أمتعبني نزفه- وكاضي صبري
آه - يتعب السنين
آه - حبيبي حسين
مات- بعيوني ضواي فصبراً جميل - وين
£££££££££££££££££££££££££
أنكسر ندمه أعله ندمه-رايح أمن أعيوني زلمه- يسوه كلشي
أنتضرهم دمعه دمعه- وآنه أدري ماكو رجعه- للي يمشي
روحي راحت من وراهم- شالو وشالو معاهم- حتى نعشي
أعيوني أرشنهن وراهم- يازمن شاب أبجفاهم - حته رمشي
شال - حبيبي وبچيت
شال - ضواي وعميت
طاح-من أعيوني ماي يرد مستحيل - وين
££££££££££££££££££££££££££
كلشي بيه إينادي بسمك- گلبي نبضاته ترسمك-أحله رسمه
ياعزيز أمه الزچيه- يا وجه سيد البريه - ونته دمه
عطرك إيلاگيني ملگه - أبخاطر الريه أشبگه- وحيل أشمه
أختنگ والدنيه دمعه- والهوه بيدك توزعه-
نسمه نسمه
طاح - أحس گلبي طاح
طاح - هجركم جراح
وين- أسمعو نداي فلا ضلّي حيل - وين
£££££££££££££££££££££££££
https://www.tgoop.com/wuhob

وين ➖چانت الهه بن علي أبهاذا السبي
وين ➖طالعه أبهاي الحرم بت النبي
لا كفيل اولا حمه➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
الفارگت ولياها كلهه جروح➖للسبي فوگ الهزيله أتروح
شالت وعافت أخو مذبوح➖عالوجه فوگ الثره مطروح
شال➖ياضعنهه ابلا كفيل أو لا سند
شال➖الحادي للشام وعن أخوتهه أبتعد
ياهو ضل وتحشمه ➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
التمشي مچتوفه أعله ضهر النوگ➖حگهه لو تبچي أبگلب محروك
الحادي كل ساعه ويطبهه أبسوك➖أعليهه أسم أم المصيبه إيلوگ
ضاع➖ويه شتمات الغرب ذاك الخدر
ضاع➖مني ضاع أبكربله وراح الخدر
للمصــاب أمحزمه ➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
أتحشم وكافلهه بس الراس➖
أبيا وكت زينب تصدهه الناس
اليحدي ضعن العفه مو عباس➖تمشي واليحدي الضعن حراس
آه➖حسره من گلب العقيله أعله الگمر
آه➖يادليل أم الخدر منهه أنفطر
العالدلال أمعلمه ➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
تمشي لاكن للشماته أعيون➖
دمعه أمفارك تصب أم عون
واليتامه لحضه لو يبچون➖
ينزل السوط ويدمي أمتون
بيش➖يشگف السوط الإديه بيهه الحبل
بيش➖ لو ينضرب يتلگه طگاته الطفل
أمره لله إيسلمه ➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
يارقيه أشگد بديهه أثار ➖
هايه ضربه وذيچ لسعة نار
تبچي وتصيح أبكلب محتار➖
وين أبويه أبيا نويه صار
مات➖متني ياعمه من إسياط الزجر
مات➖ ضهري من گد ما رفس بيه الشمر
ضهري أحسا حطمه ➖عالهزل بت فاطمة
✧✧✧✧✧✧✧✧✧✧✧✧✧✧✧✧✧✧✧✧
https://www.tgoop.com/wuhob

شيل سوطك گلبي شلعته
شيل سوطك متني جرحته
>>>>>>>>>>>>>>><<<<<<<<<<<<<<<<<<<<
هجمو عله أخيام النسه وركضت رقيه
النار أبهدمهه أمچلبه وتركض خطيه
ياوسفه والسوط الشمر صارت ضحيه
صاحت يعمه أم الخدر لحگي عليه
المخيم جمره سحگته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
روعهه عذبهه وسلب منهه التراچي
بچت بوادي كربله أتصيح وتشاچي
يسطرها كلما يستمع منهه بواجي
صارت زرگ من السطر ذيچ المحاچي
حار چفه گوه حملته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
گمت أركض وجدمي إيعثر عثره أعله عثره
أتعنيت للحومه أبألم لحسين أدوره
ردت أشكي يمه مصيبتي وبحالي أخبره
يابابا بتك تنسطر كل ساعه سطره
مات حيلي وعمري هجرته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
أوصلت ولگيته أعله الثره يتجاره دمه
أهويت أعله صدره أقبله وبنحره أشمه
هذا الشمر ميت ضميره أبدون ذمه
طگني أعله عيني وسلباني أبليه رحمه
ريت عني بويه منعته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
المدللة الچانت عزيزه أبجاه أبوها
شمر وخوله وحرمله وليه ولوها
عطشانه وتدور العذب بس ما رووها
فوگ الضرب فوگ الشتايم سلبوها
هذ حالي ريتك نضرته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
ضيعني دهري أبكربله وأنه يتيمه
لا عندي والي أو لا حمه لاعندي خيمه
يابابا من شفت المهر شفت الهضيمه
ملوي السرج رد للنسه إيصيح الضليمه
وين بابا گتله تركته ➖شيل سوطك متني جرحته
>>>>>>>>>>>>>>><<<<<<<<<<<<<<<<<<<<
https://www.tgoop.com/wuhob

بسمك واگف ساگ العوش➖لا تهوه أمن الخيل
إيميل الكون ويفتر عكس➖يحسين أمن أتميل
وآويلاه➖وآويلاه➖ياسر القل هوه
وآويلاه➖وآويلاه➖النزلت في نينوى
━━━━━━━━━━━━━━━━━
يا معشوگ الله وخط أسمك➖مصحف فوگ العرش
ما يرضى إيسمعونك كلمه➖أولا گلبك ينخدش
قرآن➖فرقان➖ياسره ومصحفه
أذكار➖أسفار➖وحروفك عاطفه
المحوطينك سبعين الف➖چنهم مايدرون
عميان إيقابلهم ذكر➖لاكن مايقرون
وآويلاه➖وآويلاه➖صيحه وادي طوى
وآويلاه➖وآويلاه➖النزلت في نينوى
━━━━━━━━━━━━━━━━━
طالع يحسين أمن الخيمه➖شو مكشوف الضهر
ياشمس الله الغيمه أتكسفك➖چن إيعوزك گمر
مكسور➖معذور➖لنك فاگد ضوه
مهموم➖مهضوم➖الطاح إمنيده اللوه
حته العسكر صاحو برز➖بس مكسور حسين
الفاگد قسور مثل الگمر➖يمشي أبلا جفين
وآويلاه➖وآويلاه➖وطاح أمن إيده اللوى
وآويلاه➖وآويلاه➖النزلت في نينوى
━━━━━━━━━━━━━━━━━
قرآن وآياتك تنزف➖ويرتلهه الحجر
أبجسمك تتعثر چم نبله➖أبضهرك رمح أنكسر
أبلا روح➖مجروح➖وجروحك تبتسم
وتطيح➖وتصيح➖لا تدنون الخيم
فزعو يم زينب والحرم➖ويصيحون الشام
وآويلاه➖وآويلاه➖أبدمه الطف أرتوى
وآويلاه➖وآويلاه➖النزلت في نينوى
━━━━━━━━━━━━━━━━━
أمنين أتجيب الحيل وأنته➖أبگلبك نابت سهم
وبعيونك ذرو ياوسفه➖من أرماد الخيم
تعبان➖عطشان➖وعيونك غايره
متعوب➖مسلوب➖وضلوع أمكسره
تزحف ينثر دم الچبد➖ويخط فوگ الگاع
گوه أبسيفك لمن تشد➖ومهدل الذراع
وآويلاه➖وآويلاه➖گلبك نار أنجوى
وآويلاه➖وآويلاه➖النزلت في نينوى
━━━━━━━━━━━━━━━━━
ستر الله إيصيح أمن الخيمه➖يامرضوض الظهر
يالگاعد شمر أعله جروحك➖أبسيفه إيكص بالنحر
سلبوه➖حركوه➖خدر الله وعفته
گطعوه➖شالوه➖راسك من جثته
يالگطعو من عندك منحر➖ضربو عندي إبنات
والسلبو محبس من صبعك➖سلبو ترچيات
وآويلاه➖وآويلاه➖گطعو راس الضوى
وآويلاه➖وآويلاه➖النزلت في نينوى
━━━━━━━━━━━━━━━━━
ذبحوك وما كفو منك➖ذباحك ماكفه
وجه عشر خيول أتدوسك➖وتجول أعله الگفه
سحگوك➖رضوك➖يا مبتور الصبع
الخيل➖أمن تميل➖تاخذ وصلة ضلع
جبريل إيضلل للشمس➖يمسح بالتربان
ما تقبل ورقيه بقت➖تشتم الدخان
وآويلاه➖وآويلاه➖يالگلبك ما روى
وآويلاه➖وآويلاه➖النزلت في نينوى
━━━━━━━━━━━━━━━━━
https://www.tgoop.com/wuhob