إيعذب الروح وداع الغالي-
إرجع أرجوك يشاغل بالي-
تدري الفراك يعذب حالي-
حسين حبيبي يمه**حسين حبيبي يمه
**************
يمهيج جروح الليل-ماعندي لفراكك حيل-أنزلي من ضهر الخيل--ودعني
يالشايل تريد تروح-ارحم دليلي المجروح-يالماخذ أوياك الروح--اتضيعني

حالي مذبوح يلوج ابروحه-هجرك السيف ونه المذبوحه-إشينفع المات بجاه ونوحه-
حسين حبيبي يمه
*************
يكسرني هجرك لوطال-إيراويني أيام اثكال-لتلوم ضهري لو مال--بغيابك
راح ابجي بجي المفطوم-وراح انسه يوليدي النوم-راح ازرع اعيوني ارسوم--يم بابك
ابدال الدموع أصب عيوني*ابعتبة الباب تموت اضنوني*أشنفع العيون اذا عفتوني
حسين حبيبي يمه
*****************
يالتارك بعيني إسهام-يرفض جفن عيني اينام-مذبوحه بعيوني أحلام--تدريهه
ودعني حسرات ونوح-وحضني يايمه اجروح-مذبوحه تشبك مذبوح--بيديهه
ابجي بسكوت وعاتب ليلي*حته النجوم هجر تحجيلي*هجر الاحباب يفلش حيلي*
حسين حبيبي يمه
***************
خلفك أطش دمع ابجاي-لوروحي وي طاسة ماي-حته العمر ماهو اهواي--طشرته*
يمشي الضعن بعد العين-وآنه اصرخ أوليدي حسين-عن كلبي جا رايح وين--وهجرته*
يعتك الحيل تموت الجلمه*صدك اشتاك الحنان اليمه*ابريتي ايموت جمال النسمه*
حسين حبيبي يمه
*****************
لفراكك أحتاج اعيون-إيروح النضر من ترحون-لو خيط كافي اتودون--يايمه
يوليدي يا أغله الناس-من ريتك أحتاج انفاس-انطيني وخذ العباس--بس شمه
أخذ الأولاد وخذ عافيتي*لمن اتغيب تعسر ريتي*ويضلم البيت يشمعة بيتي*
حسين حبيبي يمه
*******************
يم زينب ازرعني اخيام-ووساده لرقيه اتنام-لسكينه بركع ولثام--أتكطع
ارحم دليلي المخنوك-سويني هودج عالنوك-أو ياحضني كاروك إيلوك--للرضع*
كربله أبعيد فديتك طولي-تتعب اهواي رباب اتلولي-أويانه ترحين مته اتكلولي
********************
https://www.tgoop.com/joinchat-AAAAAEHJ4Wlk6W_fs_hgyQ

زينب نادت الحادي متريض يحادينــــــــــــــــــه عله ابن امي الغريب حسين عرج بالضعن بينه
نريد انودع المظلوم.....هذا اليوم اخر يوم.....متريض يحادينه
*******
شو جنك يعمه انسيت زينب تسأل السجاد
انروح اوحده يبكه حسين متوسد عله الاوهاد
شلون الغربه تحدينه يعمه الغربه ماتنراد
هيمه والطريج ابعيد وهلنه بالمدينه ابعاد
اخاف حسين مايقبل.....ارح اويه الغرب ونذل..... بس يرخصلي والينه
متريض يحادينه
*******
الحادي بالضعن طوح ومربيهه اعله ابو اليمه
لكته اعله الثره نايم صريع امخضب ابدمه
صاحت انته اخوي حسين الجان المصطفى ايشمه
اتكله ياعلي السجاد اريد حسين اظل يمه
بلكي امن اغسل اجروحه.....يحاجيني وترد روحه....يحاجيني اويفك عينه
متريض يحادينه
*******
يعمه حسين شفته حسين ابعيني العمه اولاشفته
يعمه اعله الوجه مكلوب طريح الخيل ساحكته
اعله جسمه اثياب ماتوجدليش الكوم سالبته
شلته ابحضني خليته ابدموعي التجري غسلته
لكلبي ابلهفه ضميته.....ابعباتي جسمه لفيته.....وصحتله اكعد يبو اسكينه
متريض يحادينه
*******
لن من النحر صوته يازينب يحاجيني
خلي اعله الرمل جسمي ابعباتج لاتلفيني
يزينب مايهم عالكاع اظل والذاري سافيني
بس ايهمني لو شفتج بلا والي اوتحشميني
المهم انتي يماي العين....الخدرج فدوه اخوج حسين....الباري كليبج ايعينه
متريض يحادينه
*******
و بعد عندي الج يختي وصيه ارجوج احفظيهه
اعيالي ابركبتج زينب اريدنج تباريهه
رقيه ازغيره يازينب يختي عينج عليــــــــهه
اذا بالسوط ظربوها من السوط حاميهه
ضرب السوط شيحمله.....واذا جان المتن طفله.....وعمرها اباول سنينه
متريض يحادينه
*************************************
https://www.tgoop.com/joinchat-AAAAAEHJ4Wlk6W_fs_hgyQ

قدسيه الدنيا بعبايه زينب
                  لون السواد العالعرش تغيب
أبشيلة عفافج القلم تحجب
                  من مستحاتج كافلج تعجب
#حسين_باهض_الحلفي

من طاح➖سبع الليل➖صاحت حيل➖هاي الخيل ➖ياخويه
يحسين➖گوم أوياي➖رد أعداي➖إيتامك هاي➖ياخويه
زجر نهر عليه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕

أمن الخيمه أطلعت➖للعسكر رحت➖من العطش تنگل أجدامك گوه
بجيتني أشكثر➖تمشي ومنكسر➖يرادلك عباس أخيك تجوه
يابو الحميه➖ودع رقيه➖مو عادتك تنساها بتك وتروح
بالخيمه هيه➖تبجي خطيه ➖وتگول أبوي حسين يمكن مذبوح
لو راح ➖روحي أتروح➖أصفه أجروح➖إيسلني النوح➖ياخويه
أنساه➖شلون أنساه➖وبقه أهنا➖أمشي أوياه➖ياخويه
و ماضن يرد إليه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
ودعهه ورحل➖وبروحه أنشغل➖كل أحنه من الخيمه خلفه أطلعنه
بعيونه الدمع➖وإيده أعله الضلع➖بس أهوه عدنه ولو مشه أيضيعنه
أبن أمي وحده➖محد يسنده➖بس اليتامه بالمخيم كلهم أزغار
أمنبعيد أنضره➖إيده أعله ضهره➖وبالإيد الأخره ياوسافه إيصد الحجار
ويضيع➖بين الخيل➖دمه إيسيل➖خاوي الحيل➖ياخويه
صابوه➖الدم بي لاح➖حيدر صاح➖أفتر أوطاح➖ياخويه
وگع عله الوطيه➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
التمو عالولي➖إدخيلك ياعلي➖وسمعهم إيصيحون گطعوا أوريده
سلبو أعمامته➖وسلبو تكته➖والمارضا گطعوهن جفوف إيده
يمه الزجيه➖لحگي عليه➖خل نلطم آنه أوياج ونكسر صدرنه
خل نمشي يمه➖ومن فيض دمه➖يالزهره من دمه الجره أنخضب شعرنه
مذبوح➖من نلگاه➖أنام أوياه➖أنصيح أحاه➖ياخويه
مابين➖خيل او خيل➖نلطم حيل➖الجسمه أنشيل➖ياخويه
ونگله يالشفيه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
أمشي وأنهطر ➖إيخوفني الشمر➖يمك گعد والسيف شاله أبجفه
أوميله أنتضر➖لا ترفس صدر➖مطبوعه فوگه أشفاف أمي الترفه
بيده الرخيصه➖شگگ قميصه➖وطلّع نحر يامه النبي باسه ويشم بيه
أعيوني أغمضتهه➖الطبره أسمعتهه➖حسيته بالطبره يذب كل قوته أعليه
ويصيح➖ها يم عون➖ذبحي إيهون➖بيچ أشلون➖ياخويه
عطشان➖حيل أهواي➖رايد ماي➖بردي أجلاي➖ياخويه
لا ما يصح بديه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
أرجع للخيم➖شحجي أويه الحرم➖لو سألن ورادن خبر من عندي
يبنات الاخو➖ماعدجن أبو➖گطرات من دم الحسين أبخدي
التمن عليه➖وجيبن رقيه➖ولو سألت أعله حسينهه گللهه موجود
ضمن ذهبجن➖وتراجي أختجن➖إينتلونهن منهه نتل ياعمه الجنود
أهناك➖الخيل الخيل➖تسحگ حيل➖أبصدره أتشيل➖ياخويه
أوصار➖جسمه أوصال➖الخيل أثگال➖ودمك سال➖ياخويه
وضل الجسد رميه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
إيصيحون السبي➖أتگبعن بالعبي➖وحده أعله وحده شبجن أبأديجن
لو جاجن شمر➖وتنخه أبزجر➖لتصيحن أشما يقسه سوطه أعليجن
أحمن رقيه➖ترفه وخطيه➖لا يوصل السوط الضهرها ويدمي المتون
التمن سويه➖أو دورن عليه➖راح أنحني وخليهم أبضهري يطگون
حيل➖حيل إيصيح➖متني إيطيح➖دمي إيسيح➖ياخويه
آه➖أجروحي أكثار➖حيلي أنهار➖سوط ونار➖ياخويه
وتالي صرت سبيه ➖ شمر ضرب رقيه ➖ ياخويه
➕➕➕➕➕➕➕➕➕➕➕➕➕
https://www.tgoop.com/joinchat-AAAAAEHJ4Wlk6W_fs_hgyQ

أطلعت أصيح➖گلولي بابا أعله الثره طايح ذبيح
أطلعت أصيح➖بلكي الله والگاه بي نفس يطلع جريح
ونرجع سوه➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هيمه➖وخلست أصوات السيوف الجانت أترن
هيمه➖وگلبي طلعني لبوي أشتاك ويحن
هيمه➖النسمه لو شافت عذابي أعليه تصفن
بجيت➖شكيت➖محد يدليني الحنين أبيا نويه
أصيح➖أطيح➖يابابا مكسورة گلب ضلت رقيه
أنته وين➖شيل جفك خل أشوفك من بعيد
أنته وين➖أگريب مني ياحبيبي لو بعيد
حيلي خوه ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وينك➖إشلعت عثرات الدرب حته الأضافر
وينك➖أجروحي فزن والگلب بسمك يكابر
وينك➖بابا دليني أبمكانك وين صاير
عجيب➖غريب➖أمشي والسطرات فوگ أخدودي تحدي
زمان➖أمان➖ما بقالي ولا خيم يابابا عندي
عندي روح➖عفيه لسه وباقيه أبهذا العذاب
عندي روح➖ضايعه أبطف كربله مثل السراب
يانينوى ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أمشي➖الدنيه ضلمه وصوت واحد يمي أسمع
أمشي➖گتله دليني أبحبيبي الغالي ورجع
أمشي➖گلي البعمرج زغيره أشلون تطلع
أنخاك➖هاك➖هاك أخذ لعابتي البتك هديه
أوياك ➖أرجاك➖يله دليني أبغريب الغاضريه
عندي شاف ➖أتراجي وتجاسر علي عذبني حيل
عندي شاف➖جرهن وخله الدمه مني يسيل
گلبي أنجوى ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أبجي➖ونته مو يمي ودموعي الغاليه أتهل
أبجي➖وأشد من جر التراجي الشوگ يكتل
أبجي➖أجروح خدي تنلجم لو دمعي ينزل
دموع➖ضلوع➖أمكسره أبصدري وأجر النفس گوه
أبجيك➖أدريك➖ما تردني وآنه أجيت وعندي شكوى
حالي حال➖حته سلابي بجه من شاف حالي
حالي حال➖الوادي من أبجيت يابابا بجالي
جسمي التوه ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنته➖حسين ذاك العالثره ومعفر الخد
أنته➖النايم أوراسك هجير الطف توسد
أنته➖حسين أبوي العاشگك جدي محمد
أجيب➖طبيب➖إيداوي جرحك لو بعد ما منه طيبه
أگول➖أشيگول➖الهادي لو شاف أشجره أبجثه حبيبه
أدري بيك➖أتألمت حد ما عله الخيل أنتجيت
أدري بيك➖أتعاين أعله خيام عماتي وبجيت
جبت الدوه ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أحجيلي➖ياجرح من جسمك إيأذيك أكثر
أحجيلي➖أنجان بعدك عالحجي يابابا تگدر
أحجيلي➖أسم الله بابا أمن الرده عنك غده الشر
تلوع➖ضلوع➖جنهه بيك أمكسره وصدرك تهشم
سليب➖خضيب➖إينور وجهك رغم ما مخضوب بالدم
يالحبيب➖أحنه گلنه أبخير من أترد للخيام
يالحبيب➖أگعد أگعد عالترب يابابا لتنام
أنته الضوه ➖أنشم الهوه➖ويطلع جريح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://www.tgoop.com/joinchat-AAAAAEHJ4Wlk6W_fs_hgyQ

جابو هزل ➖جابو حبل⬅ مدري اشيريدون
يمكن يسر➖شمر وزجر⬅ زينب يصيحون
ومتوني ما تحمل ضرب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
يوم اللي جل ليل اهدعش⬅وراح النهار وضيمه
متحرگه اخيام الحرم⬅وعدهن بقت بس خيمه
ايتام ماليهه الرعب⬅وتحاوشتهه الجيمه
طفل انسحگ طفل انسطر⬅وبالبر تضيع ايتيمه
واحد نهض➖خاف وركض⬅أيگوم ويطيح الثاني
وزينب مشت➖اتدور بقت⬅ضاعت يتامه خواني
ودم المحاجر دم يصب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
ولمن طلع وجه الصبح⬅نوگ السبي جابوها
يم خيمه عيال النبي⬅هاي الهزل جدموها
جاوين زينب بت علي⬅صاح الشمر طلعوها
جروها جر من الخيم⬅ولو ما رضت ضربوها
خفت انضرب➖بين الغرب⬅ابدمعه اطلعت حراگه
گمت وطحت➖ لمن شفت⬅بعيوني هزله الناگه
بت حيدر واطلع غصب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
للگاع راسي أمهبطه⬅وما أگدر أرفع عيني
ومحضر الناگه الشمر⬅ياوسفه ويتانيني
لحسين أصيح وما سمع⬅عباس ميحاجيني
ياگاع صحت أمروتج⬅أنشگي وطميني
ما ضل حمه➖ونحشمه⬅والسوط أذه أيتامي
وروس أخوتي➖يم ناگتي⬅راس الگمر والضامي
جم نايبه إيشيل الگلب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
أبطرف العبايه أمجلبه⬅سكنه وتنادي عمتي
عمه كتلني المستحه⬅شوفيني عرگت گصتي
معقوله أمي فاطمه⬅والناس تنضر هيبتي
گتلهه ياعمه تعي⬅ولتفي تحت أعبايتي
نمشي أبهده➖خاف العده⬅تنضر الج يبنيتي
وتحذري➖لا تعثري⬅وياج أگع لو طحتي
بين العده نوگع صعب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
حادي الأبل ساگ الابل⬅لمن صعدنه اعليهه
يصرخ عله الناگه وتفر⬅وبسوطه يضرب بيهه
أطفال طاحت عالأرض⬅آه ياضلم سابيهه
والناگه كل طفل الوگع⬅تسحگ عليه رجليهه
حادي الأبل➖ساگ الهزل⬅آه أشحصل من ساگه
شد الحبل➖طفل بطفل⬅وضلت تميل الناگه
بيش أنتخي وكلهم غرب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
ومشينه والممشه أبعجل⬅آه ياطريج الحومه
ابن امي شفته اعله الثره⬅ومغيرات ارسومه
اگعد صحت زينب مشت⬅يبن امي شنهي النومه
صاح الشمر يخجل يجي⬅سلبنه حته اهدومه
أگطعنه النحر➖اسحگنه الضهر⬅ماضل ضلع بيه سالم
شيرده الج➖مايسمعج⬅ميت تره مو نايم
وانه ادري للديوان اطب شلون امشي وطويل الدرب
🌞💢🌞💢🌞💢🌞💢🌞💢🌞💢🌞
https://www.tgoop.com/joinchat-AAAAAEHJ4Wlk6W_fs_hgyQ

لا تشد ايدي الحبل ياذيهه مجويات اولا تضب اعليهه
لـيـش مـتـولـيـنـي يـاضـالـم دفـع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
لاتشدني ايدي ماتحمل نتل
آنه طفله ازغير جفي اعله الحبل
ماكو داعي ينجتف حته الطفل
وين اروحاْ ونتو حضرتو الهزل
انجان بس درب السبي والناگه➖ماكو داعي للحبل وشباگه
وين اروح امحاوطيني ابها الجمع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
جرني گوه وگام بجفوفي يشد
هوه يعگد وانه گلبي ينمرد
حيل شدني ونصلخ حتى الجلد
روحي شاغت بالحبل ياخذ يرد
عمري ثلث اسنين وانه بنيه➖خشنه الحبال وتكص بيديه
گتله جفي من الحبل لا ينگطع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
انه ضهري ازغير مايحمل زجر
والله تعبني ضرب سوط الشمر
ايشيل جفه وخدي مايحمل صطر
ومشي متحفيه الجدم فوگ الجمر
خدي مسطور وتسيل امتوني➖وعين حمره ورايحه امن عيوني
اشگد اصيحاً بابا بس مايستمع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
گمت اصيح ومارحم حالي النذل
جاب سكنه وشدني وياها بحبل
امكيدات اثنينه ايد اورجل
شلون صعدتنه يناس اعله الهزل
سكنه گعدت ونتجيت اعليهه➖الناگه كامت جرحنهه ايديهه
حته ناگتنه بجت دم ودمع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
امشي ماشوف الدرب ياحيرتي
سكنه اختي اتكودني من يمنتي
اتگوم اگوم اتطيح سكنه ابطيحتي
امجلبين اثنينه ابجف عمتي
اطلعنه بس لمن تهب نسمة هوه➖من خجلنه ننحني ونوگع سوه
وين ابوي شلون يرضى ابها الوضع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
احنه نمشي ويمشي ويانه الضرب
اسياط كثره وآه ياطول الدرب
والكتل عماتي نظرات الغرب
والجبيره راح للمجلس نطب
لا هوادج عدنه وتغطينه➖امربطين جفوفنه برجلينه
جفوف ما عدنه نسويهن گبع
وآنه مـكسور ابـوسـط صـدري ضلع
⏹🔷🔶⏹🔷🔶⏹🔷🔶⏹🔷🔶⏹🔷🔶⏹
https://www.tgoop.com/joinchat-AAAAAEHJ4Wlk6W_fs_hgyQ

علي صبرج رقيه يارقيه⬅ابوچ حسين هالساعه اعله جيه
🔷➿🔷➿🔷➿🔷➿🔷➿🔷➿🔷➿🔷
من خيمه لعد خيمه تدور طفلة المذبوح
تصيح بصوت مو عالي حسهه من النده مبحوح
تعبانه اوجدم حافي تصدع الصخر من تنوح
تخاف الخيل تسحگهه متحيره الوين اتروح
محتاره وتهل دمع الرزيه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
جان حسين كل لحضه يدنيها ويشمها
يسألهه اعله حالتهه ويسليهه اعله همها
هسه اليل مايرحم أذاها وهضمها
شخص رايد يسلبها وشخص ثاني شتمها
تصيح بصوت بويه الحگ عليه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
تگلهه عمتي يازينب تعالي ومشي ويايه
اريد الخيمة المضلوم اگصد ليهه عنايه
تگلهه النار بالخيمه شعندج بعد غايه
يعمه تگلهه امشينه ندور عالمصلايه
خاف حسين من سفره يجي ليه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
طفله والطفل محبوب واذا جان ابثلاث اسنين
ما تتحمل تشوفه دمعته امحفره الخدين
ولا تتحمل تعاين عله الخد طبعة الايدين
شلون او هيه لو جانت عزيزة گلب ابوها حسين
عزيزه وللطم صارت ضحيه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
زغيره والمصاب جبير رقيه شلون تتحمل
وادي اوگاعه مو عدله ولاهي ابهالارض تندل
تعبانه وجدم حافي اعله ابوها اهواي تسال
تكله الحگ يبويه حسين متني أعليه هدل
علي لحگ يبو نفس الابيه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
لنهه من بعد شافت خيل او زلم ملتمه
گعدت وبجدم حافي اذا عثرت يصب دمهه
وصلت لت تشوف الخيل تسحگ صدر ابو اليمه
تشاگف غدت بديهه ولاتگدر تصل يمه
تصيح بصوت وين اهل الحميه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
وكفت تنضر الحاله گوه تلفض الانفاس
تشوف الجان خيمه الهه تحت الخيل صدره أنداس
اتجهت للنهر صاحت الحگ عمي ياعباس
اخذ اجفوفي ياعمي وعن حسين رد الناس
ولو ادري يعمي زغار اديه⬅ابوچ حسين هلساعه اعله جيه
🔷➿🔷➿🔷➿🔷➿🔷➿🔷➿🔷➿🔷
https://www.tgoop.com/joinchat-AAAAAEHJ4Wlk6W_fs_hgyQ

عله النوگ➖يزينب وين تردين بيتاماج
عله النوگ➖وحيده أبلأهل لا كافل إوياج
عجيبه➖غريبه عله الناگه وتميلين يزينب
مصييه➖رهيبه ➖يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
عله ضهور الهزل➖مشت وبلا أهل➖وحيده وبالحبل مشدوده الايدين
شماته أبكل كتر➖ولايوجد ستر➖يميلن عالنياگ أخوات الحسين
تصد للمشرعه➖مثل المضيعه➖يعباس الكفاله وجلمتك وين
يكافل هيبتي➖أطلعت من خيمتي➖وخبرك باجر أنطب للدواوين
يعباس➖أسيره أويه الشمر ماهي عله البال
يعباس➖يضربوها وتطيح أگبالي الأطفال
سبوني➖خذوني➖أسيره وتهمل العين يزينب
مصييه➖رهيبه ➖يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
عفت جف وعلم➖عفت عين وسهم➖عفت عالمشرعه غيرة بطل مات
عفت يم النهر➖عتب حره وگمر➖عله جفوفه أتركت دمع السبيات
صرت من أنسأل➖عله أجتاف الحبل➖أدنگ لني ماعندي جوابات
طبع ثوب الحزن➖عله جروح المتن➖أسيره أويه الغرب والحادي شمات
مجاتيل➖عفت فوگ الثره أخواني مجاتيل
مجاتيل➖غصب عنهم رحت والمدمع إيسيل
غريبه➖سليبه➖بحبل مجتوفه الايدين يزينب
مصييه➖رهيبه➖ يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
وداع وماحصل➖سرى الحادي بعجل➖مشيت وناضري أعله الحومه مشبوح
ألي أبهذا الدرب➖ذبيح أعله الترب➖أشوفه أمن البعد عالغبره مطروح
صحت من لهفتي➖يسايج ناگتي➖ردت ساعة وداع أشتاگت الروح
ردت من يمه أمر➖أودعه وأعتذر➖وگله أختك أسيره أبلا ولي أتروح
عله حسين➖يحادي ارجوك مر بيه عله حسين
عله حسين➖أخذها النوگ وضعون النساوين
زماني➖رماني➖أبسهم فگد الميامين يزينب
مصييه➖رهيبه➖يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
صحت يمه وصحت➖ألك ضلت أخت➖خدرها أمن الله لهل الدنيا عنوان
أجت تطلب ستر➖عگب ذاك الخدر➖أضن ما ترضى زينب بين عدوان
جرح يرسم حزن➖أثر صوط ومتن➖على طوله المتن للسوط نيشان
بعد ضل ياأمل➖إذا اويه الحبل➖تخاوينه الدرب وصبحنه خوان
الشمر صاح➖إصعدي الناگه يله وخلصي بساع
الشمر صاح➖وكت ماضل يزينب عوفي الوداع
هديه➖سبيه➖عله الهزل تروحين يزينب
مصييه➖رهيبه➖ يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
أنتجيت أعله الجرح➖خذت راس برمح➖الحصل من أخوتي بس روس ورماح
صحت خويه العذر➖يتانيني الشمر➖يهضمك أدري خويه أبأسمي لو صاح
عله جفوفي أنتجه➖نطق نحره وحجه➖أسمعه يگول زينب زينب وطاح
احس حيلي أنهدم➖أعت گوه الجدم➖شلت من كربله أتسندني الجراح
عله الگاع➖عفت گلبي ومشيت بكترك ينوح
عله الگاع➖بگت روحي ورحت جثه بلا روح
وسافه➖حسافه➖الشمر يحدي النساوين يزينب
مصييه➖رهيبه➖ يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
يسباح الگلب➖رحت عنك غصب ➖لون بيدي أضل يحسين وياك
صرت أمشي أبأمر➖يشتمني الشمر➖إذا أبجي وجبت بلساني طرواك
هضم شفت أشكثر➖ذبح گلبي اليسر➖عگب ذيج الكفاله أبوليه أعداك
على طول الدرب➖سبي وشتم وضرب➖يطگوها وتضل تصرخ يتاماك
يتاماك➖يبو الغيره بكتر زينب يلوذون
يتاماك➖يكسرون الگلب لمن يحنون
حنيني➖أو ونيني➖الصخر لو يسمعه إيلين يزينب
مصييه➖رهيبه ➖يضل أعله الثره حسين يزينب
❌🔷🔶❌🔷🔶❌🔷🔶❌🔷🔶❌🔷🔶❌
https://www.tgoop.com/joinchat-AAAAAEHJ4Wlk6W_fs_hgyQ

يالتحدي بالناگه الهزيله الهزيله الهزيله
صوب النهر ودي العقيله العقيله العقيله
مرني على شاطي النهر ➖عندي عتاب أويه الگمر
صوب النهر ودي العقيله➖ العقيله ➖العقيله
❌🔵🔺🔻🔵🔺🔻🔵🔺🔻🔵🔺🔻🔵❌
صبحية الحادي مشو➖ناگه أويه ناگه أتسابكت
نوگ السبي الكلهن ألم➖صاعد عليهن يابخت
أم خدر المرتب أفا➖طگوها بالسوط وبجت
صاحت يسكنه تحملي➖وسكنه أعله عمتهه أنتجت
آه ياعضم هاي المصيبه➖المصيبه➖المصيبه
بت حيدر أيسيره وغريبه➖غريبه➖غريبه
وأذاها ياسوط اليسر➖عندي عتاب أويه الگمر➖
صوب النهر ودي العقيله➖ العقيله➖ العقيله
❌🔵🔺🔻🔵🔺🔻🔵🔺🔻🔵🔺🔻🔵❌
صاحت يحادي القافله➖بالقافله أشويه أنحرف
ذاك النهر والمشرعه➖بيهه ألي طايح عرف
منا وشماً ريحته➖وعيوني شوضلت ترف
خليني أروح أودمعتي ➖الماترضى بفراگه تجف
للي وفه بروحه وحياته➖حياته➖حياته
وللضحه بجفوفه الخواته➖الخواته➖الخواته
للي نطه جفوف ونضر➖عندي عتاب أويه الگمر➖
صوب النهر ودي العقيله ➖العقيله➖ العقيله
❌🔵🔺🔻🔵🔺🔻🔵🔺🔻🔵🔺🔻🔵❌
بعيونك أتحطني جنت➖شو هسه بعيونك سهم
يالبيدك الخيمه أنبنت➖حركوها عباس الخيم
يالتمسح أثاري گبل➖بين عله الگاع الجدم
أنهض عباتي محرگه➖گبع أخيتك بالعلم
ها يالجبتني أمن المدينه➖المدينه➖المدينه
هسه الشمر يحدي الضعينه➖الضعينه➖الضعينه
مهضومه وگليبي أنكسر➖ عندي عتاب أويه الگمر➖
صوب النهر ودي العقيله➖ العقيله➖ العقيله
❌🔵🔺🔻🔵🔺🔻🔵🔺🔻🔵🔺🔻🔵❌
معروفك وذاك الفضل➖ما ينّسي ولا يّنكر
يالحاجتك حاجة هوه➖للمختنگ ما تعتذر
آه وعمت عين الوكت➖البي تنسبي أم الخدر
عالمشرعه أتعوف الگمر➖وتمشي أبيسر ويه الشمر
بجالك عشت حره وأميره➖أميره➖أميره
بجفي الحبل هسه وأسيره➖وأسيره➖وأسيره
وسوط المتن تارك أثر➖ عندي عتاب أويه الگمر➖
صوب النهر ودي العقيله➖ العقيله➖ العقيله
❌🔵🔺🔻🔵🔺🔻🔵🔺🔻🔵🔺🔻🔵❌
راح أمشي يبن المرتضى➖وآنه أعتذرلك من علي
صنت الأمانه بكل وفه➖ما قصرت ياكافلي
طيب وفضل عمرك گضه➖بس أحجي گتلي أدللي
وتالي أختمتهه بكربله➖عين وجفوف أهديت ألي
وموادعك يصعب عليه➖عليه➖عليه
يالكلك أمروه وحميه➖حميه➖حميه
يالكاسر الزينب ضهر➖ عندي عتاب أويه الگمر➖
صوب النهر ودي العقيله➖ العقيله ➖العقيله
❌🔵🔺🔻🔵🔺🔻🔵🔺🔻🔵🔺🔻🔵❌
https://www.tgoop.com/joinchat-AAAAAEHJ4Wlk6W_fs_hgyQ

يالعاشگه اعيونك عشگ يصعب افارگ بسمتك
تنطيني ضهرك ياوكت وتضم عليه بدمعتك
آه دموعي ــ آه جروحي ــ آه كسر الخواطر موسهل آه
88888888888888888888888
يالساكن ابنص الگلب ــ هجرك يمحبوبي صعب
خليني اعيش برحمتك ــ تاركني شو نص الدرب
توه ابتداه الحب اوياك ـ يصعب على گلبي انساك ـ
يجرح حنيني فركاك ـ يالساكن ابنص الگلب
تدريني اعيش بريتك ﻻ تكطع اعليه الهوه
مجروحه بابا بخاطري الماخذ اوياك الدوه
آه صفنتي ــ آه حسرتي ــ آه يا دمعه عيوني التهل آه
88888888888888888888888
اتنفسك شهكة تعب ــ ﻻتكسر گليب الشمع
وين ابتسامات الصدگ ــ شو تبتسم ويه الدمع
هجرك الي ﻻ ميلوگ ـ ما ترحم ادموع الشوگ ـ
يا اغله وجمل معشوگ ـ اتنفسك شهگه تعب
يالبين نبضاتي عشت ما ينسه محبوبه اليحب
من تمشي مايبقى نفس ويموت اليضيع گلب
آه حبيبي ــ آه طبيبي ــ آه- بوداعك الموته تحل آه
88888888888888888888888
من يلمس اجروحي الهوه ــ ايفزن علي كلهن سوه
اشتاگ ابوس ابيمنتك ــ وبخنصرك الگه الدوه
هالخنصر اشگد اهواه ـ والمحبس اعشگته اوياه ـ
بيدك يصير شمحلاه ـ من يلمس جروحي الهوه
من ترحل يروح الصبح شيسوى النهار ابلا شمس
ويعسر بريتي الهوه ومايوصل الصدري النفس
آه عذابك ــ آه غيابك ــ آه- اشيتحمل البعده طفل آه
888888888888888888888888
گللهه ياطعم العنب ــ ها يم التراجي الذهب
هالخنصر يگطعه الشمر ــ وهاي التراجي تنسلب
ياوردتي ما انساج ـ ساعه ونرد آنه وياج ـ
يم جثتي راح الگاج ـ گللهه ياطعم العنب
وخدودخ اورود الصبح متلونات امن السطر
أعله اطراف اصابع مشيتج جنج سحكتي اعله الجمر
آه شبديه ــ آه رقيه ــ آه صعبه ويرد ذاك الشمل آه
88888888888888888888888
تلكيني بحضان القدر ــ متساوي صدري اعله الضهر
من جثتي مسحي الرمل ــ يا بابا يلجم بالنحر
سهم المثلث جريه ـ وجرحي بعباتج شديه ـ
ونحري بدموعج رشيه ـ تلكيني بحضان القدر
گلتله والوجه الحلو شنهو مصيره ابها الوضع
هم الگه باجر شيبتك لو حتى راسك ينكطع
آه فديتك ــ آه بحميتك ــ آه صدكني منك ما امل آه
88888888888888888888888
يم الخدود الناعمه ــ ها ياشبيهة فاطمه
ايقبل ايديج الحبل ــ ابخدخ اثر جف ازلمه
جفوف الشمر حيل اكبار ـ وخدودج اهواي ازغار ـ
لو طگج ايشبن نار ـ يم الخدود الناعمه
وحلامنه الما تنتهي يمرها النهار ابلا علم
هسه الوكت ميه جرح كلهن جمعهن فد حلم
آه مصيبه ــ آه عجيبه ــ آه -لدموعج التبقه اتهمل آه
888888888888888888888888
https://www.tgoop.com/joinchat-AAAAAEHJ4Wlk6W_fs_hgyQ

عله الناگه وتميلين ــ دخيلج يخت الحسين
مشيتي الله أكبر فوگ ناگه
الحبل ملگه عله جفوفج تلاگه
---------------------------------------------
مو معقوله زينب ــ بالسبي انتي وخواتج
مو معقوله زينب ــ تلعب الريح بعباتــج
عجيبه اخيالج ايبان
وستر وجهج بالردان
يزينب وين الاخوان
مو معقوله زينب ــ ماگرب لسه مماتج
مو معقوله زينب ــ طگو رقيه برضاتج
هــــاي عزيزة حسين
مجويات الايــــدين
يصطروها عله العين
يجرون الحبل حيل ــ دموم جفوفهه تسيل
من كثر الضرب ما عدهه طاگه ــ
الحبل ملگه عله جفوفج تلاگه
--------------------------------
دمعة عينج تگول ــ الاخت تحتاج اخوها
دمعة عينج تگول ــ الغـــرب بتكم سبوها
شالت بس الضعون
تتصيدهه العيون
صوط ايدور امتون
دمعة عينج تگول ــ الحرم وليه ولوها
دمعة عينج تگول ــ الحـــراير سلبوها
امشي واصفگ الراح
جم شامت علي صاح
كل ذاك الخدر راح
زينب جيتج امنين ــ عباس البطل وين
ادري ابكلبج اهواي اشتياگه ــ
الحبل ملگه عله جفوفج تلاگه
----------------------------
طفله بكترج اتلوذ ــ وتدور عن وليهــه
طفله بكترج اتلوذ ــ الشمر يسأل عليهه
بعيــونج تشوفيـن
شمر ذباح الحسين
رقيه يناشـدج وين
طفله بكترج اتلوذ ــ الحبل شمســوي بيهه
طفله بكترج اتلوذ ــ واثر جويه اعله اديهه
طفلــه بعمــر الورود
حبل بيديهه مشدود
اثر جف اعله الخدود
يبابا وينك تصيح ــ يطگها بحيله وتطيح
التراجيهه سلب وسوار باگه ــ
الحبل ملگه عله جفوفج تلاگه
-------------------------------
ما مرت عله البال ــ الگمر زينب يعوفج
ما مرت عله البال ــ الشمر عينه تشوفج
جاهيج الزمن دار
غريبه بوليه اشرار
ويرامونج بالحجار
ما مرت عله البال ــ الشگف بيد جفوفج
ما مرت عله البال ــ بيسر غربه التحوفج
امشي وتسأل الناس
ليش مهبـطه الراس
زينب وينـــه عباس
راح الكافلج راح ــ راسه بروس الرماح
عليج اتحتم الكافل افراگه ــ
الحبل ملگه عله جفوفج تلاگه
------------------------------
لسه بعينج جروح ــ وصور صعبه وفضيعه
لسه بعينج جروح ــ وأبو شابگ رضيعه
رضيـع بــسته شـــــهور
الگلب من عنده مفطور
رجــــع للـــخيمه منحور
لسه بعينج جروح ــ وجثث ضلت صريعه
لسه بعينج جروح ــ وگمر جفه گطيعه
سمع بسكينه تنخاه
راح وجـــوده ويـاه
طــاح ويـمه يمــناه
جربه بعينج اتسيل ــ بصدرج داست الخيل
وضعنج حادي صوب الشام سباگه ــ
الحبل ملگه عله جفوفج تلاگه
-----------------------------------------
دربج يگضي آهات ــ وسفر مابي گرايب
دربج يگضي آهات ــ وجرح شامت يعاتب
زينــب ﻻتــــــــــدنگين
امــشي ولا تخــافيـــن
يحرسج راس الحسين
دربج يگضي آهات ــ وگلب يحــــزانه ذايب
دربج يگضي آهات ــ وسكن وصط الخرايب
وبعد بهزيل النـــــوگ
بعبايه وجدم محروگ
يطبونج عله الســـوگ
ابيا كافل تلوذين ــ لسانج يلهج حسين
الحبل بيدج خشن يوجع اشباگه ــ
الحبل ملگه عله جفوفج تلاگه
-------------------------
https://www.tgoop.com/joinchat-AAAAAEHJ4Wlk6W_fs_hgyQ

يالنايم أبهدوة ليل➖يالسحگت أخدوده الخيل
وين الگه محبس خنصرك➖ليش السيوف أتوذرك
يالسحگت أخدوده الخيل
🌟💤🌟💤🌟💤🌟💤🌟💤🌟💤🌟💤🌟
أشفايف رقيه أتفطرن➖عطشانه بوسة منحرك
رادت تشم صدرك يمن➖بيض السيوف أتوذرك
سمعها جلمة بابا ها➖تحجيهه يله أتناطرك
ذانات ما عدهه بعد➖شرمها گاطع خنصرك
يمك رقيه أبلاروح➖گوم الهه بسك مطروح
عن التراجي أتخبرك➖ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
تدريني ليش أمحدبه➖وإيدي أعله طرف الخاصره
مكسور ضهري أمن الرفس➖رفس الاعادي كاسره
جف الشمر كلش خشن➖وبعيني نبت خنصره
خدي الترف طيح لحم➖بگد ما يطگه ويسطره
فص عيني صدگ ممرود➖أو ماضلت أبوجهي خدود
وما أبجي كله الخاطرك➖ ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
خنجر شفت يم جثتك➖متثلم وراسه أنكسر
ما أدري باترلك صبع➖ما أدري گاطع الك نحر
بس عجبه مكسور أشعجب➖معقوله فركوه بالضهر
يابس عليه دم رگبتك➖ومگطع أوصالك وذر
من خنجر المنحر آه➖من دمك أمحمر أشفاه
ومنبتينه أبمخصرك➖ ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
كل ضني تشبگني أمن أجي➖وتضمني لضلوعك قوي
وتشمني بخدودي الزرگ➖بلكت عسن وترتوي
ماحسبت الگه الصدر➖متهشم وملوي لوي
ولاثار الخيول العوج➖بالصدر جان الهن دوي
جنت أسمع أصهيل الخيل➖من داست أبصدرك حيل
وبكل مكان أتشمرك➖ ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
يالشايل أبخدك جنت➖بوست شفافي اليابسه
جف إيدي هسه أعله النحر➖يابابا ما تتحسسه
جنت أمن أگض أبخنصرك➖تدري أشكثر متونسه
خنصر يمينك عالترب➖هسه وتسلب محبسه
صوغه علي المحبس وين➖در النجف لبني حسين
والسلبك ماقدرك➖ ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
معقوله كل هذا البجي➖وكل هالحجي والهوسه
ماتستمع بابا أشگلت➖جلمة عتب محبوسه
صاحو علي ما يسمعج➖أذنه أبرمل متروسه
گطع طبل ذانه السحك➖بالحافر اللي إيدوسه
وگطعنه من عنده الراس➖وقهرنه گلب العباس
بنتك رقيه أتناطرك➖ ليش السيوف أتوذرك
🌟💤🌟💤🌟💤🌟💤🌟💤🌟💤🌟💤🌟
https://www.tgoop.com/joinchat-AAAAAEHJ4Wlk6W_fs_hgyQ

نوگ العجاف السبعه جابوهن
وگبال خيمة خدري خلوهن
اليتامه والارامل ➖ عله ضهور الهزايل
……………………………………………………………
رباب رمله سكينه يليله
أم كلثوم رقيه كل وحده أبهزيله
العرجه التضل المريضه والنحيله
هالناگه هاي خلنهه للعقيله
وحده تصعد وحده عالناگه➖ وأنه أنتضر كفالي مشتاگه
صعدني يابوفاضل ➖ عله ضهور الهزايل
………………………………………………………… ..
الحبال البديه متينه وقويه
أهي الطووها أعله رگبه رقيه
عباس يخويه يراعي الحميه
الحبل يگصني وملخهن إديه
وينك يراعي النخوه والغيره➖أختك يخويه أعله السبي جبيره
لا هودج أو محامل ➖ عله ضهور الهزايل
………………………………………………………… ..
گمت عله النوگ خواتي أحطهن
ولاردت يشوفون خدرهن
بقيت وحيده وأديه أفركتهن
يريت حبالي أمن أديه أفتحهن
أمس أعله ضهرك أصعد المحمل
➖ واليوم بالسوط أصعد الهزل
وجتافي خويه مايل ➖عله ضهور الهزايل
……………………………………………………… ..
أشوف خوله يسوگ الضعينه
النياگ يخويه تميل أبسبينه
سترنه صار بجفوف أدينه
شگول إذا حركوهن عبينه
ضربو سكينه وبالألم صاحت ➖ورقيه من ضهر الهزل طاحت
يشماتت العواذل ➖ عله ضهور الهزايل
……………………………………………………… .
عليك ردت حادينه يمرني
صحت كفيلي أضن ينتضرني
الشمر سمعني يخويه وخزرني
يراويني راسك گطيع وقهرني
گلي الگمر مگطوعه جفينه ➖
ونابت سهم يازينب أبعينه
وبرمحي راسه شايل ➖ عله ضهور الهزايل
……………………………………………………… .
يصيح هذاك حبيبج أسمعه
گلت أخذني لخيي أودعه
أرش دموعي العزيزه أعله ضلعه
أنطيني محبسه أرده الأصبعه
مرني يحادي الناگه بالغالي➖والله أنگطع من عندي دلالي
ضعنك أگله راحل ➖عله ضهور الهزايل
…………………………………………………… ..
https://www.tgoop.com/joinchat-AAAAAEHJ4Wlk6W_fs_hgyQ

يــــــاصـــــــــاحـــــــــب الــــــــزمــــــــــــان
محتاج ➖طيفك ونتضر➖بجروحي تمر➖يارب العشگ
مشتاگ➖تانيت أشگثر➖تعبني الهجر➖وبشوگي أحترگ
ذبلني الحنان➖ يـــــــامـــــهــــدي الـــزمــــــان
00000000000000000000000000
يكسر بوجناتي دمعي وگلبي يصحه وي جراحاتي
صبري گّوض بنتضارك وآنه أناطر يا معاناتي
ألبس أجروحي الجمالك بلكي تكسر خاطرك دمعاتي
فارگت نوم العوافي جروحي تبجي أتكابر أويه آهاتي
وعيون➖مشبوحه وترف➖يا أجمل عرف➖أبأهداب النضر
مجنون➖بحروفك صرت➖ولأجلك عشت➖ياأجمل بشر
ياعطر الجنان ➖ يـــــــامـــــهــــدي الـــزمــــــان
00000000000000000000000000
تدري عنك سولفولي وعن جمالك وصفولي أهوايه
حبك أمن أمي رضعته گطره گطره وي نعي الملايه
أكبر ويوميه تكبر قصه قصه يالحبيب أويايه
من زمان أتمنه أشوفك ومنك أسمع ياحياتي أحجايه
مليت➖تانيتك عمر➖أشمالك ماتمر➖أرحم دمعتي
وبجيت➖دم أويه الدمع➖وحنيلك ضلع➖تعرف حالتي
محتاجك أمان➖ يـــــــامـــــهــــدي الـــزمــــــان
00000000000000000000000000
ماكو واهس يشفي جرحي شوغه شوغه وماتطيب آلآمي
صادقت سهر الليالي ونومي عفته وفارگيت أحلامي
أي أحبك إي أعشگك صفنه صفنه ياسرور أيامي
إسأل أدموعي الأصبهه أبكل محرم عالغريب الضامي
لحسين➖أبجيله وأون➖وأدعيلك وآحن➖عجل طلعتك
بالعين➖أرسملك صور➖جفين ونحر➖أولوعة عمتك
بجروحي أستعان ➖ يـــــــامـــــهــــدي الـــزمــــــان
00000000000000000000000000
أمسح الدنيا وعشگها ورجع أرسم عشگي أبجمل صوره
أرسم أحساس وترافه وليله گمره والأمام أونوره
ويمهن ارسم ورده حمره بيدي ذبلت ذّبلت معذوره
وآنه ويه الورده ميت باقي شوگي ودمعتي المكسوره
مكسور➖خاطر للفرج➖حسيت أبحرج➖لو شامت سأل
معذور➖يذبحني العشگ➖وجروحي تطك➖ويموت الأمل
وين أبيا مكان ➖ يـــــــامـــــهــــدي الـــزمــــــان
00000000000000000000000000
يادرب باجر يجيبك فدوه لله عنه بس دليني
أرد أسولفلك دقيقه أسمحلي مره بلكت أتحاجيني
أرد أگلك عذبتني أشگد نطرتك لمن أتلاگيني
أعيوني راحت من مغيبك وبقميصك أرد أكحل عيني
وبتراب➖رجلين الفرس➖آخذ جم نفس➖وشتمهن عطر
ياباب➖لله وجنته➖وعطفه ورحمته➖ومفتاح الأجر
المنجه أمن الهوان ➖ يـــــــامـــــهــــدي الـــزمــــــان
00000000000000000000000000
أتيتمت فرحة حياتي وآنه أشاكف سوط اليبغضونك
گالو أتناطر حكايه بل خرافه وما تصيب أضنونك
وماتت الضحكه أعله شفتي أرزقني مره نضره من أعيونك
خل أصيح المهدي هذا هذا عشگي وخلهم أيشوفونك
حنيت➖لفراگك زمن➖يا اكبر وطن➖صيرني ألك
ونيت➖جزعت الصبر➖خلصت العمر➖بس أتوسلك
ياسور وضمان ➖ يـــــــامـــــهــــدي الـــزمــــــان
00000000000000000000000000
https://www.tgoop.com/joinchat-AAAAAEHJ4Wlk6W_fs_hgyQ

╮┅✮━☆━━━━☆━✮┅╭ ‏

اليوم تـبـكيهِ سامراءُ أحزانا.
إذا ألـبـسـتهُ في الموتِ أكفانا
سـيـبكي القبرُ أحجاراً و تربانا.
إمـاماً قد قضى ظلماً و عدوانا

❈عّہظۣہم ُإٱﻟﻟـِْﷻـِْﮭﮧ أِجہۣؤرنآ ؤأِجہۣؤركہم❈ *



🔳 نعزي مولانا الإمام الحجة بن الحسن المهدي عجل الله تعالى فرجه الشريف والأمة الإسلامية ونعزيكم بذكرى إستشهاد الإمام الحسن العسكري عليه السلام.

جاعلنا الله واياكم من المنتظرين لظهور عزيز الزهراء الامام الحجة عجل الله تعالى وفرجه الشريف


▪️مولاي يا صاحب الزمان إن كنت الآن في العراق عند الضريح في سامراء فإنّا قلدناك الدعاء والزيارة عنّا وعن آبائنا.▪️

#الناشر_احمد_الزوار

ناگه عرجه ومن تميل الناگه أخاف
أمربطه بحبل السبي الحد الجتاف
إيطيح گلبي من تميل الناگه بيه
ياهوان الدنيه زينبكم سبيه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
ياما ياما النوگ مالت بيهه چم موته متت
ياهلي يهل المحنه أميسره عنكم رحت
ياأهل زينب وسافه أويه الاعادي أتغربت
شعدل أبروحي أبعباتي شلون لوبله طحت
أحسب بخطوات دربي ياهلي بعيده الدروب
ما تفاركني حسرتي من الصبح حد الغروب
والله گص الحبل حته جفوف إديه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
وين جانتلي أسيره أعله الهزيله أويه العده
أبيا عبايه ما دريتو أمشگگه ومشدده
ياگلب زينب تفلش الله الله إيساعده
خشنه الحبال البديهه وبيهه حيل محدده
روحي يم الراس صارت يبجي جن أعليه جاي
ومره أشوفه إيسد عيونه من يجي السوط بگفاي
إيميل عن رمحه ويجي يكرب إليه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
بت علي والناس تدري وسامعه أبذاك الخدر
أشگد يقسمون بخيالي عدل من جان البدر
هسه بين النوگ ألوذ أبيا وكت وطلب ستر
زجر يحدي الناگه مره ومره يحديهه الشمر
أمن الصبح تنشد إدينه ونمشي كل ذاك النهار
شمس وتراب الصحاري گشر أوجوه الزغار
وشفت طفله تلوذ بكتاري خطيه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
يحدي بينه الحادي ركضه أشكد تعبت وما شكيت
أبجي بس أبجي أويه روحي أبهيده كلش لو بجيت
إنته تدري الخدر غالي شلون لو طحت وهويت
هاي زينب فوگ ناگه حسين شوجنك نسيت
أدري بيك تشوف حالي لاجن شبيدك يصح
هود وضل بمجانك خاف ياذيك الرمح
الناس تتفرج يبعد أختك عليه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
يارقيه ياسكينه أتجمعن صار الضلام
هاي هيمه وأحنه نسوه لا ستر عدنه وخيام
خيمه نبني من عبينه حته داخلهه ننام
أمن الفجر نگعد سويه أنخاف من عين الحرام
والله وسفه أبنات حيدر تنضر عليهن غرب
عمر زينب خلص منهه وماخلص ذاك الدرب
تكسر الخاطر وحگ راسك رقيه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
الشام وين الشام صارت يادربها شگد طويل
صدعت گلبي رقيه أشگد تطيح أمن الهزيل
أتخاف سكنه وبالي يمهه الناگه لو ضلت تميل
تختنك بالعبره روحي لو شفت حال العليل
نسوه وعليل ويتامه كلهم برگبه مره
فوگ الحبال البديه أبها العيال محيره
أبنات فاطم فرجه لعيون آل أميه
يـاهـوان الـدنـيـه زيـنـبـكـم سـبـيـه
وآزينباه ➖وآزينباه➖وآزينباه➖وآزينباه
⏺⏹⏺⏹⏺⏹⏺⏹⏺⏹⏺⏹⏺⏹⏺
https://www.tgoop.com/joinchat-AAAAAEHJ4Wlk6W_fs_hgyQ

يالشايل أبراس الرمح ➖ راس الحبيب المنذبح
لوعت گلب البنات أشمالك➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
ياهي المثلهن بالدهر➖عدهن أخو أبمقامه
يتفاخرن بي عالخلگ➖من جانت السلامه
الله أكبر عالوكت➖طشرها الابتسامه
فگدن أبوهن ياوسف➖وتصّيرن يتامه
والعدهه عم مثل الگمر➖ماتحسب أحساب الدهر
عباس مامربيه ضيم أبجالك ➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
عتبي عله الدنيه التي➖مطرت هضم علينه
والخلت أرجاس البشر➖تتنومس أبسبينه
نطلع عله أنياگ الهزل➖نتستر أبأدينه
ماسلمت أخيام الخدر➖وتحرگت عبينه
عگب أخوتي صار الأمر➖طول الدرب بيد الشمر
ياوسفه يحدي أبناگتي جتالك➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
جدامي يمشون أخوتي➖فوگ الرماح المشرعه
الجانو يسبگون الهوه➖بس روس هسه أمگطعه
واليكسر أبوكت الحرب➖ضهر الفرس ويصدعه
فوگ الرمح راسه صفه➖والجثه فوگ المشرعه
أشما أعاين الكافل أون➖وهم أهوه يبجي أعله المتن
ياخويه حالي هم يشابه حالك ➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
يقهرني شيال الرمح➖يركض ركض يم الحرم
يتعمد أيروح ويرد➖ويصيح ماعدهن خيم
أحركناهن أبطف كربله➖وذبحنه شجعان الزلم
والجانن أبهيبه وخدر➖إلّه أشبعهن ألم
أيمر الرمح يم ناگتي➖كل گصده ينضر دمعتي
ويه الشماته أعله النياگ أعيالك ➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
گلبي عله حسين أنخمش➖يتگطع ومجوي جوي
من عاينت فوگ الرمح➖راسه يميل ويلتوي
كتله أعله هونك لايگع➖المن العذب ما مرتوي
زينب يگلي أتطمني➖أبراس الرمح نابت قوي
عطشان يبن أمي احس➖وحرگت معانيه الشمس
أنشلت يمينك ريت ويه أشمالك ➖حسين هذا الله لا يبرالك
❌🔹❌🔹❌🔹❌🔹❌🔹❌🔹❌🔹❌
https://www.tgoop.com/joinchat-AAAAAEHJ4Wlk6W_fs_hgyQ

يسبونهه➖النبوه والأمامه➖الناموس والكرامه➖يسبونهه
يطلع عله الناگه خدر الله وجلاله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
قدسيه الدنيا بعبايه زينب
لون السواد العالعرش تغيب
أبشيلة عفافج القلم تحجب
من مستحاتج كافلج تعجب
يازينب➖ياسورة القداسه➖يالبوة الشراسه➖يازينب
أطيب نسب من أشرف السلاله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
يالتخدم أملاك السمه أعله بابج
هزيتي جم شارب نبي أبعتابج
مات الشرف لمن برز حجابج
ضجت جهنم من آلم عذابج
معقوله➖سترالسمه سبوها➖وين الكفيل اخوها➖معقوله
مايرضى كافلهه الگمر محاله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
حواء من رادت ستر شفتيهه
خيط من طرف العبي أنطيتيهه
يعني سترتي الدنيا والمابيهه
وهسه أبعبايه گوه لميتيهه
آمن الخيمه➖المحترگه عالسبايه➖جملتي العبايه➖آمن الخيمه
كل الخدر منج أخذ كماله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
زينب أهيه اليغضب الباري الزعلهه
أمن الله لو تطلب خيم وتريد ضلهه
تنزع أجناحاتهه الأملاك كلهه
وتبني من الريش خيمة ستر إلهه
يازينب➖ياعفة الهواشم➖أميرة الفواطم➖يازينب
يسبونج أعله الناگه مو عداله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
يامن نذر عباس ألج حياته
ياماي وجهه أمدللة خواته
ومن شافتج يازينب الشماته
طاحت تره أعمامه علي وعباته
والزهره➖رد أنكسر ضلعهه➖رد ضالم وصفعها➖والزهره
وعباس رفت يمنته وشماله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
خدرج رساله ومصحفج عبايه
وحيج رقيه ودينج السبايه
زمزم عطش ياكعبه الرزايه
عفتي الكواكب عالترب ضمايه
يازمزم➖عطشانه يابس ثغرج➖والماي يجري الخدرج➖يازمزم
حسين العطش گدما عطش بجاله
وتمشي أبعبايه أمحرگه الرساله ➖ يسبونهه
❌🔸❌🔸❌🔸❌🔸❌🔸❌🔸❌🔸❌
https://www.tgoop.com/joinchat-AAAAAEHJ4Wlk6W_fs_hgyQ

هل تعلم ان اول من قال الحمدلله هو النبي ادم ع