ما حنيتو _ أولا مريتو
ذوبني الهجر شمعه أبضلام الموت
أحن الكم حنين النوك _ غريبه وعذباني الشوك
أنه زينب _ أنه زينب _ أنه زينب
..................................
أخت عباس أنه بس الوكت غادر
كريب الموت إلي أبعد وكت باجر
بعيد حسين أخوي أبكربله أمسافر
أخر شوفه شفته شابكه الحافر

من أجروحه _ أتبدت روحه
وتطشر ضوه بين الترب والخيل
عفته أبلا هدم مسحوك
غريبه وعذباني الشوك
أنه زينب _ أنه زينب _ أنه زينب
.................................
أحن المن أحن والذكره تاذيني
صورهم بالذبح مافاركت عيني
شهكة جم طفل للطف توديني
لسه أبأذني أسمعهه وتبجيني

لسه أطفالي _ تتراوالي
أجرهم بيدي من بين السحك والنار
بين الضايع ومسحوك
غريبه وعذباني الشوك
أنه زينب _ أنه زينب _ أنه زينب
.....................................
أنه العشت الألم لوعه أبأثر لوعه
أنه الشفت الكمر جفينه مكطوعه
صوره أبعيني من حسين مطبوعه
الخيول العشره غارت كسرة ضلوعه

هظمت حالي _ مات أكبالي
أوبدت رحلة سبي فوك الهزل للشام
أطلع سوك أطب أبسوك
غريبه وعذباني الشوك
أنه زينب _ أنه زينب _ أنه زينب
................................
رجعني الوكت للشام متعوبه
أبعبايه أمن الهضم محروكه متروبه
كأني للسبي أيام مطلوبه
مكتوبه المنيه أبغربه مكتوبه

تربي أعيوني _ لا تنسوني
أنه بحاجة متن يسندلي التابوت
بعيده والنفس مبيوك
غريبه وعذباني الشوك
أنه زينب _ أنه زينب _ أنه زينب
..............................
الأخت وكت المنيه أبحاجة أخوتهه
عزيزه وما تطيح أبغربه دمعتهه
وحشه أبلا أهل تنزت جنازتهه
وحيده الليله بتكم وي منيتهه

أبكسرة خاطر _ روحي أتهاجر
أحن وكربله أبعيده عن أرض الشام
أبونين الفاكد المخنوك
غريبه وعذباني الشوك
أنه زينب _ أنه زينب أنه زينب
...............................
وداعآ يا حياتي أخواني ماجوني
بألف ياوسفه راحت تغمض أعيوني
وداعآ للسياط الشلت أمتوني
أموت وغربه للمدفن يشيعوني

ما شيعوني _ أولا حضروني
أخواني والأجل خيم علي ياحيف
عكب ذاك السبي والنوك
غريبه وعذباني الشوك
أنه زينب _ أنه زينب _ أنه زينب
...............................

حسين باهض الحلفي

طلع ضعن الغريبه
مصيبه اتجر مصيبه
فوك الرماح العاليه أنحور
فوك النياك الهزل أخدور
مصيبه أتجر مصيبه
..........................
وين _ سار ومشه الضعن _ لاديره لا وطن _ أبنيات ابو علي عالنوك ينحنن"
وين _ عافن خيم جمر _ ياكسرة الخدر _ عباس عالرمح حادي الضعن زجر"

طلعن والحجر يبجي أعله حالتهن
أعيون الجيش ياللأسف شافتهن
عثرن مستحه النضرات كتلتهن

الحبل ضب أعله أديهن
الشمر يزمخ عليهن
أتمنن النوك إيصيرن أكبور
فوك النياك الهزل أخدور
مصيبه اتجر مصيبه
..........................
كوم _ شيفضهه كربله _ مصايب وبله _ الأميره أعله الهزل سابيهه حرمله"
كوم _ ما لايك السبي _ للجدهن النبي _ وجمر الخيم حرك طوارف العبي"

زينب تنحني أعله الناكه تشبكهه
يشتمهه الشمر ياهو اليصدكهه
تطيح أمن الهزل فوك الترب حكهه

إذا عباس صاحت
السياط أعليهه طاحت
وكبالهه العباس منحور
فوك النياك الهزل أخدور
مصيبه اتجر مصيبه
........................
صوت _ من الرمح بجه _ تحسر وشجه _ قرأن لو ألم مدري شنو حجه"
صوت _ ترتيله بالدمع _ يشرح ألم ضلع _ جان أكثر الحجي عن محبس وصبع"

راس أعله الرمح وعيونه مفتوحه
يأذيه الرمح ويعالج أبروحه
رقيه ما تلوح وتمسح أجروحه

حبيبي العالي رمحه
أريد أمسحله جرحه
يبجي الطفل شيسوي مجبور
فوك النياك الهزل أخدور
مصيبه اتجر مصيبه
.........................
أه _ سبعين منذبح _ كل واحد أبرمح _ حرم ماكو زلم جرح شابك جرح"
أه _ اشيباوع النضر _ صور كلهن قهر _ حسين الدمه خذاه وشلع كصته الحجر"

الشمس ياوسفه تجوي وسومرت لونه
التراب اليسفي فوكه روح أعيونه
كل هاي المصيبه وكسرو أسنونه

جان إيدور الماي
وهسه إيدور أفياي
دامي الجبين وسنه مكسور
فوك النياك الهزل أخدور
مصيبه اتجر مصيبه
.........................
راس _ عله الرمح أستقر _ يضربونه أبحجر _ يرن أبجبهته عضم راسه أنكسر"
راس _ دمه يصب النضر _ لو لجمو النحر _ العباس يشتكي ويتألم الكمر"

واحد يحجي ويه الثاني بعيونه
أحسين إيصد لخيه من يضربونه
يهتز رمح أبو فاضل يشوفونه

أعله رمحه الراس يفتر
جلد الناكه كزبر
أشما ينلجم للكافل إيدور
فوك النياك الهزل أخدور
مصيبه اتجر مصيبه
.........................
طاح _ سوط وجرح متن _ أوجف يسطر أبجفن _ أشكد الطفل ترف وجف الشمر خشن"
طاح _ طفل من الهزل _ وبقه أمعلك طفل _ ورقيه أتجرحت صلخ جفهه الحبل"

تصيح أبصوت بابا فكهن إيديه
الحبل مضبوب حيل وأنه مجويه
الجمر والشوك ماكل جدم رجليه

الشمر سوطه يديره
عله إمتوني الزغيره
كسرولي ضلعي وخدي مسطور
فوك النياك الهزل أخدور
مصيبه اتجر مصيبه
..........................

حسين باهض الحلفي

يا مالك المشاعر _ يا ساكن الضماير
الك _ كلي الك وانه الممنون
الك _ فدوه التراب الميمون
............................
وحك عشك رقيه ألك _ وحك طعم ذاك العشك
وحك ترافة خنصرك _ وهيل الضلوع المنسحك
حبيتك ونبضي طفل _ هس توه متعلم يدك
يحسيني ما أتنفسك _ أشهك أحاسيسك شهك

مزعلك حد الأه _ وتحبني حد اللجمات
حبيتك أبرودة ماي _ وتحبني جمرة خيمات

أعله تقصيري وردتني _ بعيد وقربتني
كلب _ أهدي الك وهدي أعيون
الك _ فدوه التراب الميمون
..............................
أحسين أبراءة خنصرك _ أقسملك ودم النحر
تشغلني حد ما أختنك _ ويغوش أبعيني النضر
هالكد أحبك والاسف _ مرات اسببلك قهر
بذنوبي كاسرلك كلب _ تشبه ألم كسر الضهر

مجنونك انه ومرات _ ألجم جرح جبدتك
يابو رقيه أترجاك _ تشملني في رحمتك

أحسبني من عبيدك _ ومسح عليه بيدك
عمر _ منذور ليك ومديون
الك _ فدوه التراب الميمون
...............................
تدري العشك طبعه تعب _ والذه بي طعم الجرح
وأنه المتانيك أبوكت _ بي سافرت فوك الرمح
دورتك أبصفنة ألم _ أشكد أسألت وشكد ألح
حاجتني نبضات الكلب _ كالت حبيبك منذبح

دنكت راسي وحنيت _ ونكسر واهس ملكاي
من أسمعت يم الماي _ ذبحوك عينك عالماي

ماي العذب طلبته _ ذبحوك ما شربته
وسف _ عطشان ياماي الكون
الك _ فدوه التراب الميمون
..........................
قربني يامن فركتك _ ذبحت رقيه أبنيتك
ولفني أبجروحك حته أحس _ ذرة ألم من لوعتك
يارب الورود الحمر _ خالقهن أبدم جبهتك
تعبني كلبي أشكد يحن _ أعطف عليه أمروتك

أبصبر العليله أترجاك _ وشوغتهه ودموع الليل
عيشني بس أبجي عليك _ وللخدمه أرزقني الحيل

يالسلبو ردائك _ حته أحضر أبعزائك
أنه _ أبحبك أهيم ومفتون
الك _ فدوه التراب الميمون
...........................
حسين ابقوانين العشك _ بس أنته تستاهل أحب
أنه الله سواني ألك _ ولجلك خلق عندي كلب
المحروم من فرض اللطم _ أنسان يتسمه جذب
والمابجه أعله أمخيمك _ يادمعه تغسله ذنب

ياليخدمك جبرائيل _ ياسيدي شلون أرضيك
بيديه لو أخلي الروح _ وهديهه الك متكفيك

ياجابر الخواطر _ يمعزب الحوافر
ضلع _ تنطي العليك إيدوسون
الك _ فدوه التراب الميمون
..............................
أسمك نغشته أعله الكلب _ ينبض حسين شما يدك
أيامي مابيهه طعم _ لو عن عزائك أفترك
يمعزب السيف أبنحر _ وصدرك وقف بس للسحك
ياسيد الحب والوفه _ فاز اليحبك من صدك

ساكن أكلوب العشاك _ من عندك الهيل إيغار
عطرك جنان الفردوس _ وذكرك جمال الاسمار

الله أشكثر يريدك _ ضحيت إله ابوريدك
وكلت _ ياربي الك كلشي يهون
الك _ فدوه التراب الميمون
..............................

حسين باهض الحلفي

راسك جبته وياي _ ملفوف أبعباتي"
أعله طول الدرب أحاجيه _ ياروحي وحياتي"
حاجيني ميحاجيني
بس عينه فكهه أبعيني حاجيني
............................
مشه إوياي ابرمح عالي _ وي كل خطوه يبرالي
يعاينلي وأعاينله _ مشينه غاليه وغالي"

بس نضرات مانحجي _ يبجي وأنه هم أبجي
يشجيلي الرمح ياذيه _ ومن السوط آنه اشجي"

كتله حار السوط يابو أسكينه
من سمعني شفته غمض عينه

إذا أذكر عذابي _ أكول أشلون عدله"
ذبح حسسن أخيي _ رمح بفادي خله"

ريت الأجل يلفيني
بس عينه فكهه أبعيني
............................
أوكضينه أيام مو حلوه _ سبي وسوط ومشي كوه
الهزله أعليهه خدر الله _ ورمحهم شايل الخوه"

ورجعنه أمن الأسر أسره _ بلا والي وعبي حمره
رجعنه أمن الأسر موته _ نفس ووجوه مصفره"

بس هياكل والعبي أمغطياتنه
نكعت ضهر الهزل دمعاتنه

غرايب والغريبه _ هيبتهه قليله"
والمهضومه تبقا _ حيلتهه جليله"

حته الهوه إيبجيني
بس عينه فكهه أبعيني
...............................
أجيت وجايبه أجروحي _ وجر جدمي وأعت روحي
الله إعيني وأمشي _ شلت بيديه مذبوحي"

مصيبه وشايله أمصيبه _ وجروح المالهن طيبه
لسه أمعفره أخدوده _ والدم يابس أبشيبه"

أغسلته بدموعي ومسحت أخدوده
ما لمسته جبهته ممروده

شميته وحضنته _ وردت أبثغره أبوسه"
كسر كلبي نضرته _ متكسره أضروسه"

وصار أكثر إيبجيني
بس عينه فكهه أبعيني
............................
اليسر مني أخذ حكه _ وأجيت أبريه مختنكه
تدري وما أذكرنك _ أبخد أرقيه جم طكه"

جانت تطلب الشبكه _ تصيح أبحسره وبشهكه
يطكهه أبسوطه كل حيله _ سوه أمتونهه زركه"

عدهه صارت من ضربهم حدبه
ويبست أعله الراس مثل الخشبه

أمن الخرايب جيتك _ فاكدتلي أبنيه"
ماتت ومسلوبه _ الذان والترجيه"

أعله أرقيه لتانيني
بس عينه فكهه أبعيني
...........................
أحجي وأبجي مجبوره _ اليدري يكلي معذوره
أمتوني مو فقط زركه _ من السوط مكسوره"

أفتح كبرك أحضني _ الشام أهواي عذبني
أوياك أبهالحد يحسين _ أنه أوراسك أدفني"

وين أروح الدنيه ضاجت بيه
ميته أجيتك مو فقط مسبيه

تسأل لو أسألك _ ياهو اليسأل أول"
أبحالك شنهو صاير _ لو حالي التبهذل"

أمأذيتك وتاذيني
بس عينه فكهه أبعيني
...........................
بدياتي أحفرت كبره _ حفره ونايمه أبحفره
لوما نحر عبدالله _ جا ما ميزت نحره"

راسه أبجسمه نزلته _ الماجنت أنته صرت أنته
المثلك شايل أمروه _ يطك عركه ويفز لخته

حسين صح الخيل داست فوكك
بس نواعي أختك تحرك أعروكك

جلد عبدالله كزبر _ ودم من نحره نبع"
بس أنته عذرتك _ لأن جسمك تكطع"

بس ماكلت عذريني
بس عينه فكهه أبعيني
..........................

حسين باهض الحلفي

يملح أجروحي اليلجمني أبلذه
الك كل كلبي وكل العشك أخذه
رادود وقرالك نواعي الفاكده
وألطملك أضلوعي أعله فطرة والده
...........................
أشتاكلك حد التعب والعشك ينبض بيه
والحسره تتعثر تجي تشبه مره مسبيه
اليشوف حالي امن التعب أيحن ويكول خطيه
شوك العليله أبضامري منه خذيت أشويه

كسير الخاطر وجروحي أتعاني
يماخذ روحي يالمالك ثأني

من دون عطفك عمري مابي فايده
وألطملك أضلوعي أعله فطرة والده
..............................
أتدور أمنياتي أبحضرتك نورس يدور أميه
أشتم عطورك بالهوه وتملي الكلب حنيه
نتفارك وأرجع أحن وأشتاك ألك يوميه
أسأل مواقيت الزمن وين الحبيب وضيه

رطب ياجرحك صاحي العمر كله
يندي أمروه وبس حبك أيشغله

ويوميه دمعات المفارك زايده
وألطملك أضلوعي أعله فطرة والده
...................................
عايشتك أبريتي نفس أتنفسك كل لحضه
تتوزع أبنبض الكلب نبضه تسند نبضه
يحسين يافرض العشك بدموعي الك أتوضه
أنساك جربت وشفت فرض العشك ما يرضه

يلي أنطيت من أجل العشك كلبك
أحبك كلب ذايب ميت أبحبك

أجروح أشتياكك بالكلب ما هايده
وألطملك أضلوعي أعله فطرة والده
................................
شاغلني حد كطع النفس تتكاسر أويه ضنوني
من أصفن ابجيلك عشك يجري أويه دمع عيوني
من زينب اخذيتك عزم أتحديت اليمنعوني
الماعرفو شيعني العشك شكد كامو أيلوموني

أمل السالفه المابيهه طاري أسمك
المدامع فاهيه الماتبدع أبرسمك

باب الكلب بس اعله عشكك ساده
وألطملك أضلوعي أعله فطرة والده
...............................
يابو الشفاه الذابله الفطرهه ذاري الصحره
يالعلمتني أمحبتك بالكلب مو بالنضره
أتخيلك محني الضهر يم الكمر عالغبره
منهه اعرفت لا مو سهل جرح الأحساس وكسره

رسمتك ورده اعله الشاطي عطشانه
حنين وروحك تعبانه ذبلانه

شو مايردلك كل حبيب أتواعده
وألطملك أضلوعي أعله فطرة والده
................................

حسين باهض الحلفي

يادمعه بخدود حسين _ خلاج أمانه بعيني"
يا بابا من أتصيحين _ أتكسريني وتبجيني"
عطشانه للنده _ ياوردة الصبح
بعيوني أشاهدج _ عباره عن جرح
يارقيه يارقيه يارقيه
............................
بجروحج ينام الملح _ ومتونج يصبن دمه
طبع السياط أبركبتج _ وجفوف أديج الناعمه
ودعتي أمج بالمهد _ ومن الأبو متيتمه
أي والله يبنيتي تره _ أتشبهين أمج فاطمه

تبجين وحسين إيموت _ ما جانت اعله بالج"
إيباريج يبنيتي السوط _ وغير رسم جمالج"

اتفزين لو غفه _ بجروحج الملح
بعيوني أشاهدج _ عباره عن جرح
..................................
من هجمت أخيول العده _ والنار لينه أتكربت
اطلعتي وركضتي امن الخيم _ يبنيتي رديلي صحت
أركض وراج أبلا وعي _ وكبال العيون أعثرت
وكثر بعد شفت الشمر _ إبذاناتج يجر ويعت

إيجر بيج ونتي أتشوقين _ حد ماسلب عافيتج"
وصله إمن إذانج بيديه _ سلبهه وي ترجيتج"

وبدمج أنصبغ _ كل وجهج السمح
بعيوني أشاهدج _ عباره عن جرح
...............................
أتدنيت يمج من غصب _ بيج أنه أجر وهوه يجر
حد ما إديج أتملخن _ ومن عدهن الدم ضل يخر
من شافني ضليت الح _ إيرفسج تعمد عالصدر
أتكليلي عمه أستعجلي _ فلتي أديه أمن الشمر

ياعمه خشنات إيديه _ أمن السطر خدي أتكطع"
أتركني كتله أترجاك _ يا عمه بس ما يقنع"

أتركني من كلت _ أعله خدودي ضل يلح
بعيوني أشاهدج _ عباره عن جرح
.............................
عافج بدي لمن شفه _ كلبه وطلعتي أبلا ذهن
رجليج حاركهه الجمر _ ومشرمه أطراف الإذن
بالشوك تمشين أشعجب _ خدرانه رجلينج أضن
يالوعة السوط أشكثر _ ياخذ لحم من المتن

أتركضين وين اتريدين _ عمه المعاره أبعيده"
والدج منه أشتلكين _ كطعو يعمه أوريده"

ذاك زجر رفع _ راسه عله الرمح
بعيوني أشاهدج عباره عن جرح
..............................
وتبعتج وكلي جرح _ أعثر وكوم أمن القهر
مرميه شفتج عالجسد _ أتعديله طكات الضهر
صحتيلي عمه أتكربي _ شو والدي بليه نحر
يسمعني لو ما يستمع _ ما مره من عندي أعتذر

يا عمه أبوي بلا راس _ مشتاكه أبوس اخدوده"
جيبيه يعمه أترجاج _ لو اموت فوك ازنوده"

كليلي والدي _ لا ماهو منذبح
بعيوني أشاهدج عباره عن جرح
............................
دوريلي راسه أبيا كتر _ ميخالف إنشده إله
وتوسله أبكد السمه _ يكعدلي من أتوسله
بس هذا كلبه أويه السهم _ من عنده وصله أمهدله
بدموعي ودموعج سوه _ خلينه كلبه أنبلله

شو من سمع طاري الماي _ كلبه نبض حسيته"
مدري نبض جي مشتاك _ لمن سمع حاجيته"

مو عادة اليحب _ عن الوصل يشح
بعيوني أشاهدج عباره عن جرح
...................................

حسين باهض الحلفي

مو ضعينه أنسير بدروب المصاب
أدموع نتمشه على خدود التراب

عالنياك أرواح ماكو بس هياكل
أتجوع الحبال وبدينه أجروح تاكل
...............................
أنطينه للباري قرابين أشكثر
أنحور وجفوف وصواوين وخدر
أنطينه عين أمورمه ابجف الشمر
أمتون ما كضينه لسياط الزجر

أسكتنه بس بينه بجي أبكد البحار
الليل أستر تفضح أدموع النهار

أكبال شامت مايصح دمعك يسايل
أتجوع الحبال وبدينه أجروح تاكل
.................................
أتركت بالخيمه ألف ذكره الهلي
عطر أمي أوصاية الوالد علي
عفت جلمه اشكد احبهه الكافلي
حين كلي زينب أختي اتدللي

سبحة أمي ومعطف حسين الشهيد
ارماد صارن والهوه طشهن بعيد

مثل هضمي ياهضم بالطف يماثل
أتجوع الحبال وبدينه أجروح تاكل
.............................
أخذينه بس جوياتنه وضيم السبي
احترك كلشي العدنه من ورث النبي
ما سلمنه امن الحرك بس عالعبي
ابقينه بس نسوان وعيون أجنبي

نستحي امن اخيالنه انكوم ونطيح
الشامت يهد حيلي لو بسمي يصيح

اشكد سألني وكلي وينه أبو فاضل
أتجوع الحبال وبدينه أجروح تاكل
...............................
ننذبح كل عثره جدام الغرب
السوط ما بطل يلح طول الدرب
التبجي أكثر هيه أكثر تنضرب
أتموت سكته الباليسر تمشي غصب

حدبت حد ماطبك بالهم كفاي
بس عبايه أمشيت ورسوم وفياي

عفيه كلبي اشكد حزن وهموم شايل
أتجوع الحبال وبدينه أجروح تاكل
..............................
أمشي بثمانين طفله وي طفل
جرح ذان أرقية كاتلني كتل
أتصيح عمه اهواي أذاني الحبل
أتميل كل ساعه وتطيح امن الهزل

تكسر الخاطر زغيره اعله الحبال
أمجتفه إيديهه عكب ذاك الدلال

وينهه أوين السبي فوك الهزايل
أتجوع الحبال وبدينه أجروح تاكل
..............................
ناكه عرجه وخاويه اتكطع النفس
تعبتني ونكسر ضهري أحس
أبلا غطه من عدهه لعيون الشمس
اليوم وين أووين زينب بالأمس

أمس جانت قافله يباريهه حيد
هسه أمشي امكيده المجلس يزيد

بت علي ياوسفه هسه أبليه كافل
أتجوع الحبال وبدينه أجروح تاكل
.............................
خادم رقية ع
حسين باهض الحلفي

لا تسكت أمروتك _ أتعذبني بسكوتك
جسام _ نايم وأمك مذبوحه"
جسام _ نشف أدموعي المفضوحه"
..............................
ليش _ نايم عالترب
ليش _ عايفني أبغرب
ليش _ أجروحك دم تصب
ليش

أه اشبعد ضل بالعمر يوليدي وتهاجر
عايفني ريه ابلا هوه النسماتك اتناطر

حسره أبدليلي أموجره وما عاتبك
أبذاك الربه وذاك التعب ما طالبك

أتمشيني مهضومه
يا معرس الحومه

جسام _ امعدل يا طيبة روحه
جسام _ نشف أدموعي المفضوحه
..............................
ضاع _ من أيدي الولد
ضاع _ ما يرجع بعد
ضاع _ ياطيب المهد
ضاع

يالعيشتني أمدلله ياتجوة أضلوعي
راسي ابوجودك ما نصه اولا شافو دموعي

يبسلك اشفاف العطش ماي الورد
يا أية الكرسي ابجمالك والحمد

سمعني جم جلمه
حت لو فقط يمه

جسام _ خلي عيونك مفتوحه
جسام _ نشف ادموعي المفضوحه
...............................
كوم _ نشف دمعتي
كوم _ لاحت شيبتي
كوم _ شيل اجنازتي
كوم

اتعده العمر كله وبقه عندي فقط شمسك
من أخر ايامي ردت أتبسم أبعرسك

الحنه أبوصط صم أيدي ضلت يابسه
جاسم عزيزي وللاسف ما أعرسه

أي والخلق صوتك
لا مو وكت موتك

جسام _ ليش أدموعك مسفوحه
جسام _ نشف ادموعي المفضوحه
..............................
مات _ بعيوني النضر
مات _ عريس الدهر
مات _ يا أجمل بشر
مات

عوجيتي طاحت والدهر خلاني محنيه
رمح الهجر تالي صبح عكازه بيديه

صينية الياس أنجفت بين الحرم
ذبحو عطرها اويه الحرك مال الخيم

وتبدت الحنه
وتعالت الونه

جسام _ ميت والياس إينوحه
جسام _ نشف ادموعي المفضوحه
.............................
أه _ يا تجوة أمس
أه _ بجروحك أحس
أه _ أتأذيك الشمس
أه

خدك يحسسني الشمس ما أنصفت روحك
وبجروحك اينام الرمل ويفزز أجروحك

تتطشر أحساس إبعرض طف كربله
من ريحتك جنهه الطفوف مهيله

يا ريحة الزهره
يفوح وأشم عطره

جسام _ أعليك ابجي ما مسموحه
جسام _ نشف ادموعي المفضوحه
.............................
راح _ نتفارك عمر
راح _ أطلع لليسر
راح _ أشتاك اشكثر
راح

فاركتك ابكيف الشمر مو كيفي يوليدي
بالسوط طلعني ورجع خله الحبل بيدي

من ذكرياتك ما بقى غير الهوه
ثوب العرس والحنه حركوهن سوه

يا بلسم جروحي
أويا بسملة روحي

جسام _ من أعزمت عالروحه
جسام _ نشف ادموعي المفضوحه
............................
خادم رقية ع
حسين باهض الحلفي

عله الرمح _ جرح كمر _ عله الهزل _ يسر قهر _ مشن سوه"
الحبال الخشنه تجرح _ العيون الصلفه تذبح _ يسر قهر
......................................
أبنات النبي _ أبلا خيمه وبطرك العبي _ يدورن ستر بس ماحصل تنضرهن اعيون اجنبي"
ياللأسف _ لحضات بس كلشي اختلف _ وتبدل العز والشرف وصار الحجي بس بالسبي"

كسرن خاطر اكلوب السماوات
عاش الشامت وطاري الخدر مات
أيات الله مشوهن سبيات
_ سبيات _ سبيات _ سبيات _ حرامات

بجه الوحي _ ضحك شمر _ أنتهه الذبح _ بده اليسر _ العزم خوه"

الهضم دمعاته تطفح _ العيون الصلفه تذبح _ يسر قهر
........................................

اللوح انكسر _ طاح العلم يم النهر _ ونكشفت أسرار النبي وتضحت الحرب وصخر"
يهوه النجم _ يم عتبة أبواب الخيم _ التمت شياطين الارض تتلقف التهوه أبسهم"

حدر خدر الله كامت تعثر الكاع
الخجل خله المدامع تنزل ابساع

بين اوجوه تضحك جم حلم ضاع
_ ضاع _ ضاع _ ضاع _ أوجاع

سوطا ارتفع _ نزل متن _ جفهم جسر _ سطر جفن _ حيل التوه"

جروح اهوايه يفتح _ العيون الصلفه تذبح _ يسر قهر
........................................
جابو رمح _ بي علكو شمس الصبح _ وتدنت الناكه حبي وصعدت مره ابهيئة جرح"
وبان القهر _ بعيون ابو شوارب شكر _ طك عركه من شاف العشك زعلان من حجي الشمر"

امنيله اضلوع يتحسر بالعيون
تطك اشفايفه ابطكات المتون

وديعة الله زينب تنسبي اشلون
_ اشلون _ اشلون _ اشلون _ اتهون

ابعثرة جدم _ بده السبي _ سيف الشمر _ ذبح نبي _ ومات الهوه"
السبي نيرانه تلفح _ العيون الصلفه تذبح _ يسر قهر
.....................................
صفنة بجي _ تتكاسر ابخنكة حجي _ طلعن بنات ام الحسن أيه عله أيه تنتجي"
وصاح الجرح _ وتحسر وغص بالرمح _ دم وبالبروده شرك ايحس ابمتنهه التشتجي"

زعل حد ماعذاب اليسر بجاه
سد اعيونه لوعه وتبجي عيناه

يبس ريجه ونشف أه بكتر أه
_ أه _ أه _ أه _ ويلأه

صفنة زعل _ بلف جرح _ جان العتب _ عله الرمح _ حد ما نوه"
الرمح ألامه وضح _ العيون الصلفه تذبح _ يسر قهر
....................................
شمرة حجر _ جان الوفه عن الخدر _ بس الأمر بيد الحبل وحادي الأبل اسمه زجر"
وشتنضر _ الناكتهه عرجه وتنهطر _ وكافلهه خاواله رمح وما يكدر يرد الشمر"

وكضينه الطريج أبهزل النوك
مخنوكه وتماشي كمر مخنوك

تطب سوك أبسبي الما تعرف السوك
_ سوك _ سوك _ سوك _ ميلوك

واحد صرخ _ شوفو العبي _ الكاعد وكف _ ضل يصطبي _ بينه ارتوه"
سبوها ألم نشرح _ العيون الصلفه تذبح _ يسر قهر
.................................
دمي وكف _ من طبو النوك ابسلف _ مابيهم اليذكر علي ولا بيهم اليهوه النجف"
أه يالسبي _ يفترن أبنات النبي _ وحجايه تتكسر غدت متحركه أطراف العبي"

واحد صرخ ذنه الخارجيات
اواحد كال ننطيهن عبايات

بنات امخدره وعيون شمات
_ شمات _ شمات _ شمات _ وأهات

كضه العمر _ عله الهزل _ عله الكمر _ شكد انسئال _ راعي اللوه"
يسر والسوك يفضح _ العيون الصلفه تذبح يسر قهر
.......................................


حسين باهض الحلفي

هذا ما لدي من فضل الله وفضل سادتي محمد وآل محمد ص
وفضل مولاتي رقية عليها السلام واستميحكم العذر خدام الحسين ع عن اي تقصير لا تنسوني ووالدي من خالص دعائكم

صكار الكوفه
يازود اجفوفه
عبرها الطوفه
وتزحف خلاها
@@@@@@@@@@@@@@@@@@@
بيا حيل الزهره ابتده
امشمر للطك ساعده
حيل العسكر بيده
جرجرها الما يبرد حيله وحط للعسكر كلب
زلمة ميدان وما يتعب يغلب ما ينغلب
مسيطر عالحومه
معروفه اعلومه
ابطكته المسمومه
غثهه وبجاها
@@@@@#@@@@@@@@@@@@
لمن طوعه اتنخته
خصمك يا مسلم أته
هز السيف وحيته
يا عباس الثاني اتقدم شيل بجفك لوه
اكطع روس الما تتأدب وكطع حته الهوه
اخطفهم يا طود الهمه برمحك خطف الضوه

لمهه وبديهه
ونزل عاليهه
تندم خليهه
وتسبح بدماها
@@@@@@@@@@@@@@@@@@@
عالعسكر من انحدر
كلهم كلا لا وزر
ضوكهم لذة سقر
سكتت بس إيمينه تسولف وركاب مكطعه
صفنت ما تسمع اي كلمه جن يوم الواقعه
حاكمهه بسيفه
والموت بكيفه
طلع كل حيفه
ماي وبداها
@@@@@@@@@@@@@@@@@@@
طوعه بزوده اتونست
شالت رايه وهوست
هد والحومه اتخورست
كردوس بكردوس اتخربص هزبر طب بغنم
ولا رأس الضل فوك امتونه هنيال امه السلم
ما لاحو حيله
تشبخهم خيله
وطوعه تحييله
بجفه وحياها
@@@@@@@@@@@@@@@@@@@
من إينزل صارمه
تسمع صرج الجمجمه
يوصل لعنان السمه
والماماتت ركضت شردت وصلت حد النجف
أتشتت شمل الجيش اوصاله الأول صار الطرف
خلاها بحيره
تربات الغيره
والكوفه ازغيره
لمن طباها
@@@@@@@@@@@@@@@@@@
ميت ياهو النازله
نزل بيهم زلزله
ينكط زود ومرجله
خيبر رجعت حيدر طبها وباب الكوفه انكسر
عمر ابن العاص بأولهه ذب اهدومه وطفر
ما لاحو طوله
لا ميكدروله
كف ذوله وذوله
نار او وجاها
@@@@@@@@@@@@@@@@@@@حسين باهض الحلفي

https://youtu.be/_IjldAcxfHI
الان على اليوتيوب
فيديو كليب قصيدة عبد الحسين
الرادود تحسين العيساوي
١٤٤٢هـ

فوك الهزل والغربه تحدينه
ونوك السبي تبجي البواجينه
ضعن الله شال ابلا كمر
طلعن ضهر يسند ضهر
@@@@@@@@@@@@@@@@@@@
امصيبه وابد ما تنحجي فية ضعن سيد المله
الما كسرن اخيال بشمس ذبحت خدرهن كربله
معقوله زينب تنسبي وتكص بديهه السنسله
معقوله يحديهه الشمر ويسب أبوها حرمله
عكب الكمر دار الوكت بيهه
زجر وخوله ينهر اعليهه
من صوته خاطرها أنكسر
طلعن ضهر يسند ضهر
@@@@@@@@@@@@@@@@@@@
عالناكه ودموعي اتهمل والحيل مات اويه الخيم
سلطانه أجيت الكربله ويرفرف ابكتري العلم
معقوله زينب تنسبي مدري بحلم مدري بوهم
ما بين شمات وغرب ويلوذن بسدهه الحرم
واحد يكل للثاني نسبيهن
ونحرك كلب حيدر علي بيهن
عمدا يراموهن حجر
طلعن ضهر يسند ضهر
@@@@@@@@@@@@@@@@@@@
وطلعنه بمكاسر بجي كلشي انتهه وحان السبي
لا هودج ايرد الشمس ما عدنه ضل غير العبي
أخت الكمر وبشاربه تاليهه يحديني أجنبي
عالهزل وهو أعله الرمح الكلالي كومي بشاربي
اعلي الشماته تومي بيديهه
هاي اللي عباس أكتفل بيهه
وحطها وحفضها بالنضر
طلعن ضهر يسند ضهر
@@@@@@@@@@@@@@@@@@@
بخيالي ينشاف الهضم حرمه وتفر بيه الهزل
واكثر جرح زاد التعب الرقه مجتوفه بحبل
كل ديره متحضر جمع يشتمنه والمدمع يهل
مهضومه زينب ياهلي من الحجي الما ينحمل
طول الدرب لخواني مشتاكه
ياكافلي الذابحني بفراكه
المشتاكه يحنيهه السهر
طلعن ضهر يسند ضهر
@@@@@@@@@@@@@@@@@@@
أتحسر وجان الرمح متربع بأقدس نحر
محنيه والناكه أتعرج تعبانه مو مالة سفر
وسياطهم طول الدرب تصعد وتنزل عالضهر
يتوزع أدوار الضرب مدري شجرح مدري شكسر
والليل لو جل بيه ما بيه
أفكد أضل علويه علويه
أدريهن أبناتي أبخطر
طلعن ضهر يسند ضهر
@@@@@@@@@@@@@@@@@@
اتخيل الطف مو ذبح ولا جسم منكم بالثره
اتخيل وصوط العده والكاني حرمه اميسره
والشام بعتابه الشتم ويشتم ضعنكم بالسره
جلمه التحز نيط الكلب وينه الكفل ذيج المره
بحيره واصد الرمحك العالي
ومن الرمح يبرالي كفالي
ياخويه الخيال انكسر
طلعن ضهر يسند ضهر
@@@@@@@@@@@@@@@@@@
حسين جابر السكيني

ذابحني سكوتك كلبي عذبته
نتلاكه ابخرابه وننجمع يمته
حلوه العشره جانت يا حلو الذات
الشمر طشر شملنه والحلم مات
................................
طلعوني سبيه ابروح مجروحه
ابعبايه امحركه ودموع مفضوحه
المذبوح أبوها تمشي مذبوحه
اليماشي الرمح لا شك طعنته ابروحه

أنه أبنيه زغيره وحلمي بعيوني
السوط أشما انام إيفزز متوني
يفرقنه الرمح ندمه وحرامات
الشمر طشر شملنه والحلم مات
...............................
حركو خيمتي وسلبو الترجيه
إمتوني امهدله وإمورمه أيديه
ولا جني عزيزة كلبك أرقيه
يكودوني ابحبل للشام مسبيه

لو ناديت بابا اشكد يضربوني
سوط الزجر يتلاعب عله امتوني
أميرات الخلك سارن سبيات
الشمر طشر شملنه والحلم مات
...............................
أحن ومرافكتك ريه مخنوكه
عكبك بالحبل مشدوده مشبوكه
تراجي او وصل من ذاناتي مبيوكه
عيوني امورمه ورجليه محروكه

امن أصدلك ينكسر كل خاطر بكلبي
يا تعبي انتضرتك ونذبح تعبي
على صدرك على نحرك سلامات
الشمر طشر شملنه والحلم مات
..............................
الركض وسط الصحاري اهواي تعبني
السوط بليه ذمه امتون سلبني
أصيحك والشمر جفه يجاوبني
ترك خمسة أصابع طابعه بجفني

تعبانه وتبين حنيتي بضهري
زغيره وعله فراكك طشرو عمري
شبعوني ضرب شبعوني شتمات
الشمر طشر شملنه والحلم مات
................................
سوالف بيه ما تنكال وحجيهه
ابنيتك مو فقط سلبو تراجيهه
الحبل كد ما يعتهه صلخ إيديهه
دمعتي بوسط عيني وخايفه أبجيهه

لا كالو زغيره وخايفه خطية
يسطر خدي ياهو اللي يمر بيه
كضيت الدرب لوعات لجمات
الشمر طشر شملنه والحلم مات
..............................
أحس ابكلبي طاح امن الرفس والهم
ومن كثر المشي ابرجليه مات الدم
أغفه أبكثر تعبي وبالسياط أحلم
وحس طكاتهم تلسعني مثل السم

ولا اريد احسب العثرات جم عثره
أمجوايه الجفوف أمخزنه وخضره
بعيد الشام وطويله المسافات
الشمر طشر شملنه والحلم مات
.............................
مشترك
حسين باهض الحلفي
عباس عبد الامير الحلفي

طاح محسن عل كاع الصلبه
والبسمار نابت نص كلبه
دنكت المه لكيته بس دم
لا ياعلي أوليدك مينلم
..............
كالت انه كلها وأن
ام ابي ام الحسن
كلهم لا ترحموها-عليها الباب ادفعوها-خل تنعصر"
كتله ابي شوصه وحجه
كال النبي مات ومشه
عصرني وطاحت دموعي-ويسمع طكت ضلوعي-من تنكسر"
سند حيله عله الباب ودفع بابي
كطع نفسي وخفت لا يوكع حجابي

الباب ثكله بضلوعي اسندته
والدخان مجبوره اشهكته
حسيته طب بريتي سم
.................
لمن بجيت بيه سمع
حد ما علي بابي شلع
بجفوفي ادفع ويدفع-حترك جلد ايدي-وتكطع من الجمر"
وخرت ادي صدري انجوه
وبسماره اجه بضلعي التوه
الباب بصدري بسماره-طحت ودمي يتجاره-تبده العمر"
طحت ماشوف دربي وحيل ما عندي
ثلثمية رجل هجمو وانه الوحدي

صاح يطلع حيدر من الدار
لو نحرك كل البيت بنار
يحرك عليه داري مهتم
................
سير الخشب بصدري انطبع
ومحسن عله الغبره وكع
يفت صم الصخر حالي-محسن طايح كبالي-فوك الترب"
فضه صحت لحكي علي
أمجتف خذو حيدر علي
النار مجلبه بهدومي-وحيدر زيد همومي-اخذو غصب"
طاح المحسن وحيلي وكع كتره
وحيدر ربطو بعمامته الخضره

راح يمشي ودكوده اجروحه
مات حيله جنه بلا روحه
بنضرات عينه مبين الهم
..................
كوه كمت حيره ودمع
خلفه اطلعت بكسرة ضلع
اسند روحي بجروحي-خذو مني علي روحي-وضاع الأمل"
بيهم صحت صيحت قهر
ردو علي ماي النضر
لو اكشف عن احجابي-واكله اعله الحرك بابي-بيه شعمل"
افرع واشتكي الله بهضم حالي
لو للبيت هسه يرجع الغالي

سار جدمي للمسجد خلفه
باد حيلي عثرات ورجفه
وجان الله ادره بحالي واعلم
...................
قنفذ علي خله ورجع
حد ما بدي سوطه انطبع
سوطه يضرب متوني-وانه الحيدر عيوني-أبجيت وصحت"
اسمع عمر يحاجي العبد
اسطرها بعد حد ماترد
بت من حته يسطرني-وزورك بالسطر جفني-حد ماطحت"
هيجي الناس تالي ضيعت كدري
اطيح وسوطه يتلاعب على ضهري

ناس نكرت حك الله وقدره
ناس جارت ضربوها الزهره
جور وهضم كلبي تحطم
.................
كلمات حسين باهض الحلفي

أحن وبجيلج أجروح خضره
أنتجيت اعله الصبر مال ضهره
شفت دمعاتج وطعم الأجل ضكته
أكابر عالجرح بس موتتي أبسكته
.......................................
كعدنه وحلوه لمتنه _ الحجي جان اعله فطرتنه _ وهوانه
الحسن يحجيلي عالنيه _ الحسين إيندي روحيه _ أبحنانه
وزينب تحجي عالحشمه _ العبايه براس كل حرمه _ أمانه
النوراس ما تفاركنه _ اذا ناكل تشاركنه _ أبغدانه

نتقاسم هوه الهاب شمه
تجينه أبشكل قرأن النسمه
الهوه وياها كل شمه تقاسمته
أكابر عالجرح بس موتتي أبسكته
......................................
أتغير بالزمن كلشي _ وأجه ساعي الأجل يمي _ أبمصيبه
أندك الباب جم مره _ لجن مودكة الفقره _ غريبه
كمت للباب أريد اطلع _ كالت ياعلي إرجع _ الحبيبه
فديت أسمك يبن عمي _ الموت إيصيحلي ابأسمي _ واجيبه
طلعت والنبض صاح رجعي
إنكسر وي دكة الباب ضلعي
إبدكة الباب أحس كلبي أسكتت دكته
إكابر عالجرح بس موتتي أبسكته
...................................
أختلف كلشي أبفرد لحضه _ الزهره أتحشم أبفضه _ تتاني
يفضه الباب اخذ عمري _ بسماره جوه صدري _ وجواني
أجيت وعثرتي أتجرني _ الاكثر بعد كاسرني _ وحناني
بحبل كادوني من يمهه _ أتركتهه سابحه أبدمهه _ الأماني

أنهضم وبجفي الحبال تعرك
الحبيبه كبال عيناي تنطك
أمر موقف كطع هرش الكلب شفته
أكابر عالجرح بس موتتي أبسكته
............................................
تبعتني علي أتنادي _ تتسند عله أولادي _ وعله الأه
دمعها أبلون شيلتهه _ رماد أتصبهه دمعتهه _ وويلاه
رجع وتجرأ إيطكهه _ أبسوطه إيديهه شككهه _ وصحت لا
ما ضلت عله العصره _ ترس ذاني صده الصطره _ بيمناه

الوصيه كطعت إنياط كلبي
أكبالي يضرب الصوط تعبي
صار المايصير وما توقعته
أكابر عالجرح بس موتتي أبسكته
.....................................
وعشنه أجروح لوعتنه _ أخير ايام عشرتنه _ والسنين
ذبلت وردة أحلامي _ وفترت شمعة أيامي _ أم الحسين
أراقب وضعج أبسكته _ تكطعين البجي اليمته _ وتنامين
النحيب إيألم أضلوعج _ مسحي الخاطري أدموعج _ لتبجين

تهيدين أمن الونين يمته
مسيل أدموعج أيكول ميته
الأجل خيم عله اعيون الضوه أعرفته
أكابر عالجرح بس موتتي أبسكته
...................................
مر طعم الهو أبريتي _ وماتت بيه عافيتي _ ابحزنهه
مشت والسطره أشاهدهه _ بعدهه أمبينه أبخدهه _ وجفنهه
بسمار الصدر حافر _ كلب مدري ضلع كاسر _ لي منهه
عافتني جرح يكبر _ تمنيت اغفه وتدثر _ أبجفنهه

راحت والورد مات عطره
قرأن العشك ضاع ذكره
اليفارك نبض كلبه أتموت سالفته
أكابر عالجرح بس موتتي أبسكته
......................................
خادم رقية ع
حسين باهض الحلفي

ما حنيتو _ أولا مريتو
ذوبني الهجر شمعه أبضلام الموت
أحن الكم حنين النوك _ غريبه وعذباني الشوك
أنه زينب _ أنه زينب _ أنه زينب
..................................
أخت عباس أنه بس الوكت غادر
كريب الموت إلي أبعد وكت باجر
بعيد حسين أخوي أبكربله أمسافر
أخر شوفه شفته شابكه الحافر

من أجروحه _ أتبدت روحه
وتطشر ضوه بين الترب والخيل
عفته أبلا هدم مسحوك
غريبه وعذباني الشوك
أنه زينب _ أنه زينب _ أنه زينب
.................................
أحن المن أحن والذكره تاذيني
صورهم بالذبح مافاركت عيني
شهكة جم طفل للطف توديني
لسه أبأذني أسمعهه وتبجيني

لسه أطفالي _ تتراوالي
أجرهم بيدي من بين السحك والنار
بين الضايع ومسحوك
غريبه وعذباني الشوك
أنه زينب _ أنه زينب _ أنه زينب
.....................................
أنه العشت الألم لوعه أبأثر لوعه
أنه الشفت الكمر جفينه مكطوعه
صوره أبعيني من حسين مطبوعه
الخيول العشره غارت كسرة ضلوعه

هظمت حالي _ مات أكبالي
أوبدت رحلة سبي فوك الهزل للشام
أطلع سوك أطب أبسوك
غريبه وعذباني الشوك
أنه زينب _ أنه زينب _ أنه زينب
................................
رجعني الوكت للشام متعوبه
أبعبايه أمن الهضم محروكه متروبه
كأني للسبي أيام مطلوبه
مكتوبه المنيه أبغربه مكتوبه

تربي أعيوني _ لا تنسوني
أنه بحاجة متن يسندلي التابوت
بعيده والنفس مبيوك
غريبه وعذباني الشوك
أنه زينب _ أنه زينب _ أنه زينب
..............................
الأخت وكت المنيه أبحاجة أخوتهه
عزيزه وما تطيح أبغربه دمعتهه
وحشه أبلا أهل تنزت جنازتهه
وحيده الليله بتكم وي منيتهه

أبكسرة خاطر _ روحي أتهاجر
أحن وكربله أبعيده عن أرض الشام
أبونين الفاكد المخنوك
غريبه وعذباني الشوك
أنه زينب _ أنه زينب أنه زينب
...............................
وداعآ يا حياتي أخواني ماجوني
بألف ياوسفه راحت تغمض أعيوني
وداعآ للسياط الشلت أمتوني
أموت وغربه للمدفن يشيعوني

ما شيعوني _ أولا حضروني
أخواني والأجل خيم علي ياحيف
عكب ذاك السبي والنوك
غريبه وعذباني الشوك
أنه زينب _ أنه زينب _ أنه زينب
...............................

حسين باهض الحلفي

تعبانه ياستر العبي _ امن الفركه لو سوط السبي
مشغولة البال _ وجروحج أثكال
ياغريبه _ ياغريبه
...........................
هجران _ وحزان _ والليل أعله حاله يكسر الخاطر
أتحنين _ تبجين _ شيجيبه التهشم صدره بالحافر

ونيتي يزينب والجرح يكبر
تمشين أعله نيتج والجدم يعثر
بالمصايب"
تونين أعله كيفج روحج أمخلصه
الدمع تارك عله اخدود الخدر نصه
أشكد نوايب"

ذبلانه كد طاري العطش _ محتاجه عباس ونعش
بس ماكو أمال _ وجروحج أثكال
ياغريبه _ ياغريبه
.................................
جم عين _ تربين _ للميت خبرهم والدرب عثره
جم أه _ أو ويلاه _ ودمعة فاكده أتطيح أويه كل نضره

ميت واهسج مابين الف حسبه
ساعات الهجر ما تنحمل صعبه
ياغريبه"
كل اليوجعن بكليبج ألتمن
أعيونج راح من كثر الهجر يعمن
يالحبيبه"

يالفاكده أخوان وأهل _ برض الغرب موتي أبعجل
ثكل الحمل مال _ وجروحج أثكال
ياغريبه ياغريبه
.............................
أهات _ حسبات _ مات النبض بيج أولا خبر منهم
بدموع _ وضلوع _ حانيهه المعاتب والنشد عنهم

وين الكال آنه ودك الج صدره
معقوله نسه يا زينب العشره
والله صعبه"
هذا الموت أجاج وأنتي بالغربه
حسين أبعيد دربه مو سهل دربه
أيكلبه"

شيجيبه محزوز النحر _ عشتي أبقهر موتي أبقهر
يا هضمة الحال _ وجروحج أثكال
ياغريبه ياغريبه
............................
لحسين _ أتحنين _ أنحنيتي وبينت الحدبه أبعباتج
نضرات _ حسبات _ وعثرت جلمة الخويه أبلهاتج

تحجين أويه روحج إي يجي هسه
وتدنكين أبحسرتج جنج أمأيسه
ما يجونج"
الداسته الخيول ابعشر خياله
الدفنوه بحصيره أشيجمع أوصاله
يا ضنونج"

الشابع سحك شابع ذبح _ وماشاج راس أعله الرمح
وتكطع أوصال _ وجروحج أثكال
ياغريبه ياغريبه
...........................
أثار _ للنار _ أجدامج والجفوف اهواي محتركه
وهموم _ ودموم _ وركبتج من أثر حبل السبي زركه

أجروحج لسه خضره زينب ورطبه
بس كدم السياط أمخزنه وصلبه
يا هضيمه"
أمشيب رمش عينج شيبه يم شيبه
موتج حان ماكو العلتج طيبه
يا حريمه"

أرتاحي يعمه أمن الإلم _ أوصيتج أجفنج بالعلم
وذكره أمن الحبال _ وجروحج أثكال
ياغريبه ياغريبه
..........................
من كال _ ينشال _ نعشج زينب أعله أمتون شماتج
أتموتين _ تبجين _ قهر وتبلل التابوت دمعاتج

يشيلون الجنازه أجرت وادم
أعتذر عباس أخوج أعله النهر نايم
ما يجيلج"
أشما أهيل الترايب ونتج تعله
أفراك حسين أبوي ابكلبج أشخله
هده حيلج"

يالفاكده أخوان أشكثر _ والمثلج إيقبله العذر
مو جلمه تنكال _ وجروحج أثكال
ياغريبه ياغريبه
.......................

حسين باهض الحلفي