خدام الچ يالزهره سچلينه
وبخدمتچ للموت خـليـنـه
¤¤¤¤¤¤¤¤¤¤¤¤¤¤¤¤
يالزهره خدامچ ترى اهوايه
وبمجلسج يا فاطمه الغايه
للمهدي باجر نرفع الرايه
خدامچ ابكل وكت تدرينه
¤¤¤¤¤¤¤¤¤¤¤¤¤¤¤¤¤¤
بابچ يزهره باب للرحمه
وبخدمتچ يم الحسن نعمه
ندعي الله كون يديم هالخدمه
وعلى الوعد مولاتي تلگينه
¤¤¤¤¤¤¤¤¤¤¤¤¤¤¤¤¤¤
ساعة مصابج احنه نحييها
وهاي الخدامه نفتخر بيها
ودمعتنه يا زهراء احفظيها
والمحب لجلج أهملت عينه
¤¤¤¤¤¤¤¤¤¤¤¤¤¤¤¤¤¤
ابكل عزه نذكر ترى امصابچ
ما ننسه ثارج فاطمه وبابچ
يالزهره ذوله احنه احبابچ
وعينج يفاطم باجر اعلينه
¤¤¤¤¤¤¤¤¤¤¤¤¤¤¤¤¤
يالزهره نحضر بالعزه الليله
نواسي الرسول وحامي ادخيله
كل خادم المدمع ترى ايسيله
وبالحشر وياكم تحشرينه
•••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

ثار الضلع قائم يظل أمره
والمهدي باجر حتماً يجبره
••••••••••••••••••••••••••••••••
يجبر كسرها المهدي من يظهر
وترد عـزيزة فـاطمة الكوثر
اعله الطغاة ابسيفه من يثأر
او بسيفه باجر يقتل الزمره
والمهدي باجر حتماً يجبره
••••••••••••••••••••••••••••••••••
ثار الضلع والسطره والدفعه
وثار الجنين ولوعة الصفعه
باجر يردهن خلفة البضعه
ابهل الأمر الزهره تنتظره
والمهدي باجر حتماً يجبره
•••••••••••••••••••••••••••••••••••
بساعة ظهوره هالضلع يشفه
وكلمن تسبب بي يگص چفه
بسيفه ويسلمه رگبته وحتفه
ويظهر گبرها فاطمة الزهره
والمهدي باجر حتماً يجبره
•••••••••••••••••••••••••••••••••••
اعلى الگبر باجر يدلينه
ونتعنه مشايه ويه مهدينه
واعلى الگبر نرفع ترى ادينه
وتزيل من الزهره كل حسره
والمهدي باجر حتماً يجبره
•••••••••••••••••••••••••••••••••••••
ومـن يـظهر الغايب يبشرها
وأول ظهوره الزهره يحضرها
يبني گبرها ويشفي خاطرها
ساعة ظهوره بيها جم عبره
والمهدي باجر حتماً يجبره
••••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

يسلمان/ ماتت الليله ام حسن
يسلمان/ وآنه ابقى ابلا وطن
يسلمان يسلمان فصلت بيدي الچفن
••••••••••••••••••••••••••••••••••••••••
ادري يا سلمان هالحاله عجيبه
اشلون ادفن فاطمه الزهره الحبيبه
صعبه من اشرح يسلمان المصيبه
ماتت ام احسين مظلومه وغريبه

يسلمان/ مو سهل احفر لحد
يسلمان/ ماتت ابعمر الورد
يسلمان يسلمان الليله شمعاتي طفن
•••••••••••••••••••••••••••••••••••••••••••
كسرو اجناحي وسف هاي المسيه
ومن اديه راحت الزهره الزچيه
لون صاحت ياعلي حامي الحميه
اشبيدي وانه مكلف وعندي وصيه

أويلاه/ فاطمه تركت آثر
أويلاه/ كلبي اعليها نفطر
أويلاه أويلاه عُمري وياها اندفن
•••••••••••••••••••••••••••••••••••••••••••••
راح اشرحلك تفاصيل الجنايه
شلون عل الزهره تحل هاي الرزايه
بـاب داري يندفع هاي البدايه
وهالمصيبه خلفت نوحي النهايه

بلضلوع/ نبت بسمار ابضلع
بلضلوع/ واني اسجب بالدمع
بضلوع بضلوع دموعي هالليله حچن
••••••••••••••••••••••••••••••••••••••••••••••
ترحل ام احسين مو سهله يسلمان
ماتت الزهره نرفع اليوم الأذان
ابهل المصيبه اليوم يا سلمان حيران
موتي وي الزهره يا سلمان قد حان

عالمتون / شايل اجنازة محب
عالمتون/ وذاب من عندي الگلب
عالمتون عالمتون آثر وآثر عل چفن
•••••••••••••••••••••••••••••••••••••••••••
اجنازت الزهره شلته فوك چتفي
همي وحزاني بعدهه اعليه يلفي
بيمن اوصفه الزچيّه احتار وصفي
باقي بالامي وعليهه صفگت چفي


الفراگ/ ما گدرت اتحمله
الفراگ/ كسر ضهر العايله
هالفراگ الفراگ اعيوني وياها اغمضن
•••••••••••••••••••••••••••••••••••••••••••••••••••
الى خادم الحسين وخادم الزهراء وابناء الزهراء
📝 الشاعر مصطفى النائلي

خدام الزهره للموت. وبهل الخدمه نتباها
••••••••••••••••••••••••••••••••••••••••••••••••
نتباها احنه اعله الخلگ بالخدمه
خادم الزهره ويا حلاته اسمه
لجل الزجيه الموت لا ميهمه
و بالحشر وبصوت انصيح. ننحشر كون اوياها
••••••••••••••••••••••••••••••••••••••••••••••••••
هالخدمه بدموعه المحب يكتبها
هاي ام الحسن والنذوب بحبها
الجنه بأسمها باجر احنه انطبها
وبدم الوريد اليوم. هالخدمه ترجمناها
•••••••••••••••••••••••••••••••••••••••••••••••••
••••••••••••••••••••••••••••••••••••••••••••••••••
نعزي الحسن وحسين وام الخدر
ميهمنه لو هالصدر الها تكسر
من الحزن واللطم لجل الكوثر
لجل ام المحسن ادموم. والمهج افديناها
•••••••••••••••••••••••••••••••••••••••••••••••••••
خدام إلها وللأبد خدمتنه
بحب الزچيّه هالغدت جمعتنه
محفوظه يم الحسن دمعتنه
وإبهل عزه مشفوع. كل خادم الناداها
•••••••••••••••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي

يابو صالح / ماتت الزهره النجيبه
يابو صالح / عليك مو سهله المصيبه
يابو صالح / الراح يا مهدي اشيجيبه
يابو صالح
•••••••••••••••••••••••••••••••••••••••••
الليلة ماتت أمك الزهرة الزچيه
إعليك مو سهله ترى هاي المسيه
الله اليعينه علي حامي الحميه
هالمصيبه سيدي كلش شچيه

هالمسيه/ حيدر يشيل الزچيه
هالمسيه/ منكسر حامي الحميه
هالمسيه/ عاشت وماتت غريبه
يابو صالح
••••••••••••••••••••••••••••••••••••••••••••
شلون عصروها يمهدي هل الحبيبه
فاطمه يل المهدي مكسوره النجيبه
ثار أمك يمته يل المهدي تجيبه
وطلعتك يبن الحسن كلش قريبه

من تجيها/ تفرح الزهره يغايب
من تجيها/ تزول منها هالمصايب
من تجيها/ ما تظل هاي المصيبه
يابو صالح
•••••••••••••••••••••••••••••••••••••••••
أمك اغيابك يمهدي شگد كسرها
ولون انت أهناك جا محد سطرها
ماتت الزهره عجيبه ابعز عمرها
ما نصف وياها يل المهدي دهرها

ابهل فجيعه/ صاحت الزهره يحيدر
ابهل فجيعه/ الضلع من عدها تكسر
ابهل فجيعه/ لظهورك ظلت رقيبه
•••••••••••••••••••••••••••••••••••••••
الزهره بالعصره تنادي ها يمهدي
دمعتي يوليدي نزلت اعله خدي
ابهل المسيه ابهل المسيه حيره عندي
حيرتي يالمهدي من ظليت وحدي


كل مسيه/ اندعي يعجل ظهورك
كل مسيه / بالعزه انطر حظورك
كل مسيه / حالتي صعبه ورهيبه
•••••••••••••••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

شيعها فاطم حيدر بدمعه
اداء: الرادود ابو نور الاسدي
كلمات: الشاعر مصطفى النائلي
الليالي الفاطميه

من تشيع فاطمه. بهيده يا حامي الحمه
تبجي ويانه السمه. اعله ام الحسن
•••••••••••••••••••••••••••••••••••••••••••••
يبويه اليوم أني أرد أوصيّك
أبد لا تلجم ضلعها أمي بيديّك
آني احسين بويه اللي احاجيّك
وإبهاي الفجيعه اليوم أواسيّك
يبويه ابجرحها راح أدليّك
أنكسر منها ضلع ونادت أعليّك
انكسر منها ضلع. ابهالمصيبه تنفجع
لو شفت هذا الوضع. اعله ام الحسن
••••••••••••••••••••••••••••••••••••••••••••••
أبد مو سهله والله انفارگ أمّي
أحس ابهالمصيبه انكسر عظمّي
أسمها بويه يسري ويه دمّي
يمن فدوه لأسمها يروح أسمّي
ردتها بويه تبقى الليله يمّي
ترى بغيبتها أشعر زاد همّي
همومي زادت ياعلي. يوم ماتت يالولي
صوتي عالگبر يعتلي. اعله ام الحسن
•••••••••••••••••••••••••••••••••••••••••••••••
يحيدر بويه راحت فاطمه اليوم
من بعدها كل فرح ما ظن ايدوم
يبويه أعليها اني أهواي مهظوم
وأحس ضلعي وراها صار ملجوم
يبويه من حضنها صرت محروم
على البسمار اشوفن كل الأدموم
دمها عل حايط ترى. بويه ها ياحيدره
الضلوع امكسره. اعله ام الحسن
••••••••••••••••••••••••••••••••••••••••••••••
يأذيني عگبها أهواي أهواي الفراك
هضيمه شلون مني البسمه تنباك
يبويه او الها أني صرت أشتاك
غياب الزهره أدري بويه أذاك
الدار حرگوها جريمه بويه اعداك
وآنه أول شخص بل الزهره عزاك
راحت أمي للگبر. عليها آني منكسر
الله ينطيني الصبر. اعله ام الحسن
••••••••••••••••••••••••••••••••••••••••••••••••
يحيدر هل المسيه أعظم مصيبه
شلون نص الليل تدفنها الحبيبه
روحي من بعد الزچيه تظل غريبه
شلون ماتت يا علي الزهره النجيبه
يعصرها النذل عل حايط عجيبه
اليفگد اعزازه صعب يهدأ نحيبه
صعبه ايام الهجر. صحت لله الأمر
دفنت وياها العمر. اعله ام الحسن
••••••••••••••••••••••••••••••••••••••••••••••••••••
الى خادم الحسين وخادم الزهراء وأبناء الزهراء
📝الشاعر مصطفى النائلي

سيف الهم على زينب... حد إلها
ودموع الي جرن ما ضن.. حد إلها
بنتك ياعلي باجر.... حادي الها
الشمر من تنوخذ بتك سبيه
___
✍️كلماتي: الشاعر مصطفى النائلي

زينب هالمسة تنعه... اباها
تعلم هالوكت كله... إباها
گعدت هية وتحاجي.. اباها
يبوية الليلة اريد امي الزجيه
____
✍️كلماتي: الشاعر مصطفى النائلي

جوهرة رب العلا. فاطمه يا فاطمه
••••••••••••••••••••••••••••••••••••••
جوهرة امن الباري يم حسين انتي
من گبل آدم على الأرض انخلقتي
بأسمج مسجلها يا زهره خدمتي
ولمن اذكر بابچ اتصب دمعتي
ويبچي وياي المله.. فاطمه يا فاطمه
••••••••••••••••••••••••••••••••••••••
أندعي يا زهره اغيثيني المسيّه
ابهل العزه ناديت يالزهره الزچيّه
على الصدر آثار من لطم اديّه
آه يم احسين نظراتچ عليّه
اقسم ابعقد الوله.. فاطمه يا فاطمه
••••••••••••••••••••••••••••••••••••••
روحي ناذرها لخدمتچ ولعزائچ
يم حسن فدوه الچ هيه وفدائچ
فاطمي كل عمري واتباهه ابولائج
الأرض أرضچ والسمه هيه سمائچ
بيدچ ايدور الفله… فاطمه يا فاطمه
•••••••••••••••••••••••••••••••••••••••
أقسم أعليچ بعلي راعي اليتامه
وببو اليمه يالزجيه وبخيامه
او بالعقيله زينب او كل الأمامه
كون ما انحرم من هاي الخدامه
محلفج طف كربله... فاطمه يا فاطمه
•••••••••••••••••••••••••••••••••••••••
خادمچ واتباها آني يم الحسين
خادم ابقه لحضرتچ طول السنين
اشما تمر امصيبتج اعميها هالعين
لجل نار الباب آنه ابگلبي نارين
نار بابج مضرمه. فاطمه يا فاطمه
•••••••••••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

بسم الله الرحمن الرحيم
(كل من عليها فان ويبقى وجه ربك ذو الجلال والاكرام)
صدق الله العلي العظيم
انتقلت الى رحمة الله عمتي المرحومه ام سلام
اخواني خدمة الامام الحسين عليه السلام
اطلب منكم ان تصلوا لها صلاة الوحشه فهذه اول ليلة لها في القبر واهدائها الى روح
المرحومه حميده مطر
😢😢😢😢

رابط قناتي الثانيه اللي يحب يشترك اتشرف بيكم خدام الحسين
https://www.tgoop.com/eeaarrttyy

بالشده ام العباس . يل خادم انت انخاها
••••••••••••••••••••••••••••••••••••••••••••
لام البنين الفاتحه اهديها
وبحاجتك يالمحب كوم أدعيها
كل حاجه يمها الطاهره تگضيها
وابهل الخدامه للموت. بالوفه عاهدناها
••••••••••••••••••••••••••••••••••••••••••••••
بساعة الشده يل محب عاهدها
تسهل امورك انت لا واعقدها
ونيتك بالحاجه بوفاء اعقدها
ماتظل صدگ محتار. يل بل العزه تنخاها
•••••••••••••••••••••••••••••••••••••••••••••
هاي الهدت للدين اقمار أربع
ولجل ابواليمه اجسادهم تتگطع
العين تشفيها العليها تدمع
بس نيتك صفيها... مرادك تنوله وياها
••••••••••••••••••••••••••••••••••••••••••••••••
حاشاها تنسه للخدام حاشاها
وهيه الوفه عنوانها ومعناها
ربحان كلمن بالدمع يرجاها

جاه الها عد المعبود..وهالجاه ربنه انطاها
••••••••••••••••••••••••••••••••••••••••••••••••
عهد الخدم بالوفه يبقه دائم
ننصب عزاها لحد ظهور القائم
ام الگمر عباس ياهل الوادم
الوفه بعهوده وللموت. بالتضحيه وافاها
•••••••••••••••••••••••••••••••••••••••••••
الى خادم ام البنين وخادم العباس
✍️الشاعر مصطفى النائلي

بشر هاليوم. خبّرني. بشر هاليوم
على وليدي. وعلى ابنّي. بشر هاليوم
بشر جا وين. اوليدي الحسين
•••••••••••••••••••••••••••••••••••••••••
يبشر اليوم خبّرني على الغالي
دجاوبني يبشر وأرحم ابحالي
على ابن الزچيه انمرد دلالي
يرد لو ما يرد جاوب على سألي

يرد للبيت. لو لاله . يرد للبيت
اله اشتاقيت. يالناعي. اله اشتاقيت
عشت حزنين . اوليدي الحسين
•••••••••••••••••••••••••••••••••••••••••
يگلي احسين امگطع ابلا نحره
ويگلي الحوافر داست ابصدره
ثلثتيّام الغالي على الغبره
اعظامه عل الثره يالحره متطشره

جسد عاري . على الرمله. جسد عاري
الدمع جاري. على الغالي. الدمع جاري

متت مرتين. اوليدي الحسين
•••••••••••••••••••••••••••••••••••••••••
خبّرني على الكافل آنه انشدته
يگلي وفه الغالي ترى لاخته
وآنه عن ابو اليمه ترى سألته
يگلي امن الگفه صارت ذبحته

من الگفه. يذبحونه . من الگفه
الف وسفه. صحت آني. الف وسفه

بدمع العين.. اوليدي الحسين
••••••••••••••••••••••••••••••••••••••••••••
متت لمن مشه عني ابو اسكينه
صحت بلكي يرد الغالي هم لينه
گلبي اعله البُعد ما يحمل اونينه
على ساعة اتأمل يچي لينه

ردت يحضر. قبل موتي. ردت يحضر
وانه اتنطر. اله دومي. وانه اتنطر

خذاني البين. اوليدي الحسين
•••••••••••••••••••••••••••••••••••••••••••
بشر گلي الگمر مگطوعه اجفوفه
او اجت زينب على الشاطي اتروفه
ردت عباس لو لحظه اشوفه
على جرحه على جرحه اطوفه

ابو النوماس. ما قصر. ابو النوماس
مثل عباس. لا ماكو. مثل عباس
نذر چفين. اوليدي الحسين
••••••••••••••••••••••••••••••••••••••••••••••••••
الى خادم ام البنين وخادم العباس عليهم السلام
✍️الشاعر مصطفى النائلي