٣ دگات لستشهاد فاطمة الزهراء
حيدر علي الكرار . وبهل المسيه
بيا حاله من يشوف. وضع الزچيّه
&&&&&&&&&&&&&&&&&&&&
حيدر بده هاليـوم يـنـظر وضعها
الزهره الزچيّه يـشـوف يهمل دمعها
باوع كـسـرها وشـاف كسرت ضلعها
حاله صفه بيا حال. يوم المـنـيـه
&&&&&&&&&&&&&&&&&&&&
شال النعش بليل صـوب المگابر
حقه علي هـاليـوم لو ظل يكابر
حـــيــدر صبح هاليوم بالحاله حاير
اتگيد علي الكرار . وبهل الوصيه
&&&&&&&&&&&&&&&&&&&
فارگها والله اشلون وتخنگه عبره
فگد الزچيّه اهواي حـــيــدر يكسره
من البواچي انحـيـل وعيونه حمره
ظل حاير ومكسور حامي الحـميـه
&&&&&&&&&&&&&&&&&&&
فوگ الجتاف اليوم شايل نعشها
وسفه والف يا حيف غمض رمشها
خير النسه هاليوم هدموا عرشها
ابكل گلب منصوب الها عزيه
&&&&&&&&&&&&&&&&&&&
اصبح علي مكسور من هالمصيبه
حاله صعب يا ناس بعد الحبيبه
هاي المصيبه اليوم كلش رهيبه
يعزي علي هاليوم خير البريه
&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

داري وحشه ومظلمه.. عنها راحت فاطمه
جني مو حامي الحمه... آه يداري
••••••••••••••••••••••••••••••••••
مظلمه داري صفت عگب الزجيه
وريت وياها توافيني المنيه
لون صاحت ياعلي حامي الحميه
چان اقتلهم أنا بثنين اديه
زهرتي عني مشت... وداري بالظلمه صفت
شمعه البيت انطفت. آه يداري

الأمل ضاع….. يبويه خلافك انته
الأمل ضاع..... الرمح عگبك حضنته
بعد ابيدي اشيصح. تبقى بنتك للجرح
••••••••••••••••••••••••••••••••••••••••
سلام الله اعله روحك... يبو الروح النقيه
بديت احسب جروحك… لمن رحت امن اديه
يبويه وصرت انوحك.... آنه بل الغاضريه
يبويه اشلون الوحك.... الرمح عالي عليه

بل الأرماح…. شفت راسك يغالي
بل الأرماح. واحس اعليه عالي
عالي يا بويه الرمح... تبقى بنتك للجرح
•••••••••••••••••••••••••••••••••••••••••••
بدت بويه المصيبه…. عگب عينك أسيره
حسافه اصبح غريبه..... رغم جنت آنه أميره
صفت بنتك سليبه…. وترى حيرتها حيره
وترى الحاله رهيبه…. الوجه لا وين أديره

صفت حيف…. بعيده أبديره غُربه
صفت حيف….. وعليه هوايه صعبه
شفت بالشام الذبح…. تبقى بنتك للجرح
••••••••••••••••••••••••••••••••••••••••••••
ترى لشام الرزيه…. يبويه اعداك خذوني
صحت اني رقيه… لجن لا ما رعوني
منو ايردك اليه…. صحت عگبك سبوني
على الناگه سبيه…. وعلى متني اضربوني

على النوگ…. سبوني واني طفله
على النوگ…. يبويه وعلتي عله
صوتي عگبك ينصدح… تبقى بنتك للجرح
••••••••••••••••••••••••••••••••••••••••
دمع ظل اعله عيني.... وآنه انظر لعمتي
ردت انته تجيني.... عليك اتصب دمعتي
إلك يكثر حنيني.... وأثر بوسه بوجنتي
وبده ادري ونيني…. طويله اشكد رحلتي

بده الموت…. الي يرسم خرابه
بده الموت…. يذكرني ابمصابه
يبو گلب السمح….. تبقى بنتك للجرح
•••••••••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

دوت يا نار المخيم. وجتلاي
اضرمت من نار دار امي. وجتلاي
تليت اعله اخوتي نوحي .وجتلاي
واحس بگلبي ظلت هالسريه

عمت عين الوكت وياي،،،، منصاح
ومثل خدري بجميع النسه،،،،منصاح
جم مره ذبحني الشمر،،،،،،من صاح
يزينب إلا اگودنج سبيه

كلمات الشاعر السيد عبد الخالق المحنه

شيعّها فاطم حيدر بدمعه
من بيته ظلت طافيه شمعه
•••••••••••••••••••••••••••••••
شال النعش يبجي وجرت عينه
ابهاي المصيبه الله اليعينه
بيده دفنّها زهرة اسنـيـنـه
ويم الگبر حامي الحمه ينعه
•••••••••••••••••••••••••••••••
صعبه اعله حيدر فرگة الزهره
عگب الزچيه منكسر ظــهـره
ابخدها يشاهد أثر للسـطره
وام الحسن رادت تره اتودعه
••••••••••••••••••••••••••••••••••
ودعّها لاجن دمـعـته تـجـري
وينادي يل الزهره انكسر ظهري
للباري عگبج سلمت أمري
ولمن يون فاطم تره اتسمعه
••••••••••••••••••••••••••••••••••
لوما الوصيه وملتزم بيها
چان العصابه بسيفه يمحيها
وحته الأرض بيمينه يجفيها
وعلى الزجيه منحني ضلعه
•••••••••••••••••••••••••••••••••
داره علي يا وسفه محترگه
مو سهله عد حيدر ترى الفرگه
روح الوصي يا ناس مختنگه
وبعينه حيدر ضاگت الوسعه
•••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

باوعت للدار. ما شفت بس نار
يمه يالزهره…. ما شفت بس نار
•••••••••••••••••••••••••••••••••••
يمه يا زهره شفت محترگه بابج
جيت اني هالمسه انعه ابمصابج
اعله باب الدار ادري كل عتابج
يمه يا زهره وبقه شامخ حجابج

وشاهدت تذكار. فكري ضل محتار
وآثر للسطره …. ما شفت بس نار
•••••••••••••••••••••••••••••••••••
يمه آني حسين واشعر بالمصيبه
من اديه رحتي انتي يل الحبيبه
روحي من بعدج تظل حتماً غريبه
واليضمه الگبر شنو إلي يجيبه

رحتي من ايدي. وانذبح عيدي
دمعتي حمره. ما شفت بس نار
•••••••••••••••••••••••••••••••••••
فرگتچ تصعب عليه يل الحنينه
يمه من بعدج صفت ظلمه المدينه
گلبي ما يهدأ عكب موتج ونينه
طاح محسن يا هضيمه وغمض عينه

وانظر الزينب. عالگبر تنحب
وصعبه هالعصره. ما شفت بس نار
••••••••••••••••••••••••••••••••••••
اختنگت انفاسي واحس ماتن اديه
صحت اگعدي يل الحبيبه هل المسيه
يصعب افراگج ترى كلش عليه
والله لوتدرين يمه شصار بيه

تكتل الفرگه . ومابعد ملگه
مو هينه الكسره. ما شفت بس نار
•••••••••••••••••••••••••••••••••••••
من فگدتج دمعتي تجري اعله خدي
يعني من هسه اظل يا يمه وحدي
فقط انتي او والدي يا يمه عندي
ويطلب ابثارج غداً ابنچ المهدي

ومن يوفي الثار. المهدي يطفي النار
وثار للطبره... ما شفت بس نار
••••••••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي

ياعلي بالباب هم عندك علم
اعله فاطم تدفعه شبه الزلم
¤¤¤¤¤¤¤¤¤¤¤¤¤¤¤¤
بابك الليله حسافه إندحه
اعله ام حَسَن ياحيدره النايحه
اقره عل الزهره علي الفاتحه
لان ضلوع الزچــــيه تنهشم
¤¤¤¤¤¤¤¤¤¤¤¤¤¤¤¤
ياعلي عندك علم باللي حصل
شلون محسن يبو الحمله انچتل
مگيد ابحبل الوصيه يل الفحل
هذا واقع يا علي لو لا حلم
¤¤¤¤¤¤¤¤¤¤¤¤¤¤¤¤
هبطت املاك السمه لدارك وإجت
عل الزچــــيه يا علي الكل بچت
او زينب الحره إجت يمك حجت
بويه شنو الصار ما عندك علم
¤¤¤¤¤¤¤¤¤¤¤¤¤¤¤¤
الدار حرگوها بحطب اهل الغدر
زهرتك عل الباب وسفه تنعصر
سلمت انت علي لله الأمر
وتبقى دارك ياعلي دار اليتم
¤¤¤¤¤¤¤¤¤¤¤¤¤¤¤¤¤¤
الى خادم الحسين وخادم الزهراء
📝الشاعر مصطفى النائلي

اليوم زينب يا علي مهظومه
اعله امها فاطـمـه المظلومه
&&&&&&&&&&&&&&&&&
اعله امها فاطـمـه اتـهل الدمع
بيوم كسروا ياعلي منها الضلع
تصيح بويه شوف امي بيا وضع
امن امها صارت ياعلي محرومه
&&&&&&&&&&&&&&&&&&
ظلت اتعاين إلك حامي الحمه
زيـنـب اتشاهد عله الباب الدمه
يا علي اتريد امها فاطـمـه
والأجل يا حيدره حل يومه
&&&&&&&&&&&&&&&&
اتباوع الباب وتشاهد دمعتك
زيـنـب اتعاين إلك ولحسرتك
فگد امها فاطـمـه شگد كسرتك
تدري بالحره تظل مظلومه
&&&&&&&&&&&&&&&&&
حيل مظلومه العقيله ابيا ذنب
من تشوف امها تغطيها الترب
اعليها فگد الزهره ياحيدر صعب
زيـنـب الحره بقت ملجومه
&&&&&&&&&&&&&&&
شافت امها ياعلي من تنعصر
باوعت عالباب ذكرهه الكسر
يا صبر بالروح يبقه يا صبر
صارت العبرة عليه مكتومه
&&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

الزهره ياحيدر علي عصروها
زهرتك يا حـيــدره أذوها
&&&&&&&&&&&&&&&&&
زهــرتــك أذوها وعــنــدك خـبر
الليله ضلع ام الحسن وسفه انكسر
من بعدها صرت محني الظهر
وسفه دارك يا عـلـي دخلوها
&&&&&&&&&&&&&&&&&&&
باب دارك يا عـلـي الليله اندفع
بالزچـيـه اليوم مسمار انطبع
محسن امن الزهره ياحيدر وگع
ومن ابنها فاطـمـه حرموها
&&&&&&&&&&&&&&&&&&
بين ابوجهك تـره ذاك الحزن
فاطمه اتگلك علي غمض الجفن
لان باجر ياعلي سياط او متن
والمصيبه فاطمه ضربوها
&&&&&&&&&&&&&&&&&
للـگـبر هـاليوم راحـت فـاطمه
يعينك الله ياعلي حامي الحمه
نـزلـت اتعزيك أمـلاك السـمـه
لان روحك ياعلي دفعوها
&&&&&&&&&&&&&&&&&
يعينك الله ياعلي ابهذا المصاب
شلون بيدك ياعلي اتهيل التراب
لـسـه فوگ الـبـاب آثار الخضاب
زهرة اسنينك علي گطعوها
&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

ياعلي هاليوم راحت فاطمه
لسه فوگ الباب آثار الدمه
&&&&&&&&&&&&&&
آثر فوك الباب باقي وينذكر
شلون ضلع الزهره حيدر ينكسر
چن بده ياحيدره يوم الحشر
ابغياب الزهره دارك مظلمه
لسه فوگ الباب آثار الدمه
&&&&&&&&&&&&&&&&
يعينك الله ياعلي بكسر الضلع
راحت الزهره وطفه كل الشمع
حالتك صارت عجيبه ابيا وضع
يعينك الله اليوم يا حامي الحمه
&&&&&&&&&&&&&&&&
نبت بسمار بضلع ام الحـسـن
نجمعت عليها علي اهل الفتن
زهرتك منك خذاها هالزمـن
ونزلت اتعزيك أمـلاك السـمـه
&&&&&&&&&&&&&&&&
عافت ابگــلبك جرح لـمن مشت
ياعلي زهرة حياتك سـافـرت
هسه دارك يا عـلـي حتماً خلت
وانته تدري ما تردلك سالمه
&&&&&&&&&&&&&&&&
الدهر وي الزهره ياحيدر غدر
الليله ضلع ام الحسن وسفه انكسر
ابد ما انصف علي هذا الدهر
وعالزجيه اليوم اقره الخاتـمـه
&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي

صاحت الزهره. ابساعة العصره . يغايب
يمه يالمهدي. دمعتي ابخدي . يغايب
•••••••••••••••••••••••••••••••••••
كون اتشاهد يمهدي حرگة الباب
احترگ بيتي عليه او حان المصاب
هجموا اعله البيت يمه زمرة أجناب
وبالهجوم اليوم يبني ضلعي منصاب

أنصابت أضلاعي. ودمعتي أمتاعي. يغايب
والحزن يبدي. دمعتي ابخدي. يغايب
•••••••••••••••••••••••••••••••••••••
ساعة العصره يغايب ضلعي كسروه
وبالسياط او بالسلاسل يبني وَرموه
وعمك المحسن يمهدي اگبالي قتلوه
والأثر بالباب حتماً يبني تركوه

ضلعي اتكسر.. ونلجم اكثر. يغايب
شوگي الك يحدي. دمعتي ابخدي. يغايب
•••••••••••••••••••••••••••••••••••
انتظر جيتك يمهدي وتاخذ الثار
ثار ضلعي او جنيني وثار الدار
بقت فوك الباب لسه أثر للنار
يابو صالح ونبت بضلعي بسمار

ثاخذ بثاري. وتنطفي ناري. يغايب
وهالأمل عندي. دمعتي ابخدي. يغايب
••••••••••••••••••••••••••••••••••••
اندعي ترجع يمهدي ابكل مسيه
واعله گبري يبني اتقيم العزيه
يـبــنـي نار الباب جوتها اديه
منكسر ظهره علي حامي الحميه

جدك اتعينه. وتگر عينه. يغايب
وما اظل وحدي. دمعتي ابخدي. يغايب
•••••••••••••••••••••••••••••••••••••
أني أمك فاطمه الزهره الحبيبه
عشت مظلومه وحزينه وغريبه
يمته ثار الباب أبأيدك تجيبه
واسمع تگلي ترى الطلعه قريبه

ضلعي اتهشم. وانت بي تعلم . يغايب
والصبر وعدي. دمعتي ابخدي . يغايب
••••••••••••••••••••••••••••••••••••••••
شيعتي وياك يوليدي او تنصرك
والوعد قادم يمهدي وآنه انطرك
ادري عالدفعوني يبني نفذ صبرك
وتاخذ بثار الذبيح ويشفي صدرك
ساعة الغيبه. يبني ومصيبه. يغايب
من صحت عهدي. دمعتي ابخدي. يغايب
•••••••••••••••••••••••••••••••••••••••••••••••••
الى خادم الحسين وخادم الزهراء وابناء الزهراء
✍️الشاعر مصطفى النائلي

أويلاه. يا فاطمه
أويلاه. يا فاطمه
•••••••••••••••••••••••••••••••••••••••
اليوم حزنانه السمه. ابرحيلج فاطمه
بقت دارج مضلمه. ومنكسر حامي الحمه
أويلاه. يا فاطمه
أويلاه. يا فاطمه
••••••••••••••••••••••••••••••••••••••••
علي شمعاته طفن. لمن رحتي يم حسن
جنتي لطفاله وطن. والله ابوكت المحن
أويلاه . يا فاطمه
أويلاه. يا فاطمه
•••••••••••••••••••••••••••••••••••••••
حين وافاچ الأجل. صحتي يا خير العمل
بعد ما ظل كل أمل.... حين محسن انجتل

أويلاه... يا فاطمه
أويلاه... يا فاطمه
••••••••••••••••••••••••••••••••••••••••••
فارگچ حيدر صعب. وتبقه ذكرى بالگلب
ابيته حيدر من يطب... يشعر ابديرة غرب

أويلاه…. يا فاطمه
أويلاه…. يا فاطمه
••••••••••••••••••••••••••••••••••••••••••••
علي شال اجنازتچ... وبقه هوه ابعازتچ
لمن اتمر ذكرتچ.... شلون ينسه كسرتچ

أويلاه… يا فاطمه
أويلاه….. يا فاطمه
••••••••••••••••••••••••••••••••••••••••••
بقت زينب لليتم. وضلت ابعطرچ تشم
بعينها ذبحوا حلم.... ذوله أشباه الزلم

أويلاه…. يا فاطمه
أويلاه..... يا فاطمه
••••••••••••••••••••••••••••••••••••••••••••
الحسن ينظر للضلع. بعينه ويسيل الدمع
ابهل المصيبه ينفجع.. يصعب اعليه الوضع
أويلاه... يا فاطمه
أويلاه…. يا فاطمه
••••••••••••••••••••••••••••••••••••••••••••
حسين فارك هالحضن.... اگبال محرابج يون
ادري كل لحظه يحن.... شلون من ليله يچن
أويلاه…. يا فاطمه
أويلاه….. يا فاطمه
•••••••••••••••••••••••••••••••••••••••••••••••••••
الى خادم الحسين وخادم الزهراء وابناء الزهراء
✍️الشاعر مصطفى النائلي

قناتي الثانيه اللي يحب يشترك اتشرف بيكم خدام الحسين الرابط 👇
https://www.tgoop.com/eeaarrttyy

قناة الشاعر خادم الحسين وخادم الزهراء
الشاعر الموفق مرتضى مكطوف
اخواني ارجو منكم الأشتراك بقناة الشاعر مرتضى مكطوف رابط القناة 👇
https://www.tgoop.com/zxmbj

فاطمه بالباب من عصروها
ابضلعها عمداً ايضربوها
1️⃣1️⃣1️⃣1️⃣1️⃣1️⃣1️⃣1️⃣1️⃣1️⃣1️⃣
فاطمه بالباب لاذت يا خلگ
اشگد ثگيل الباب وعليها انطبگ
بيتها الزهره الزچيه امن احترگ
نادت الكرار ويسمعوها
2️⃣2️⃣2️⃣2️⃣2️⃣2️⃣2️⃣2️⃣2️⃣2️⃣2️⃣
ذكره ظـلت للأبد مـا تنمـحـي
شلون باب الزهره كلي يندحي
بالسماء السابعه ينعى الوحي
ذكره تبقى وأبد ما يمحوها
3️⃣3️⃣3️⃣3️⃣3️⃣3️⃣3️⃣3️⃣3️⃣3️⃣3️⃣
نادت الزهره يفضه بالهجوم
النذل عالباب يا فضه يحوم
هجمت اعله الدار يا وسفه الخصوم
وعالارض ام الحسن طيحوها
4️⃣4️⃣4️⃣4️⃣4️⃣4️⃣4️⃣4️⃣4️⃣4️⃣4️⃣
ظلَّت الزهره تنادي وبألم
فضه الحگيلي الضلع مني انهشم
وعمري وي المحسن الليله انختم
دارها الزهره وسف حرگوها
5️⃣5️⃣5️⃣5️⃣5️⃣5️⃣5️⃣5️⃣5️⃣5️⃣5️⃣
ماتت الزهره بألم كسر الضلع
وعله محسنها الوگع حگ تنفجع
وصَدَّت الحيدر علي بذاك الوضع
ميته بس تبـﭼـي عليه شافوها

••••••••••••••••••••••••••••••••••••••••••••••••••
الى خادم الحسين وخادم الزهراء وابناء الزهراء
✍️الشاعر مصطفى النائلي

اليوم ماتت فاطمه….  گوم يا حامي الحمه
وأثر باقي للدمه….  ها يحيدر
¤¤¤¤¤¤¤¤¤¤¤¤¤¤¤¤¤¤¤¤
ياعلي هالليله ماتت... فاطمه ام الحسن
وقتطف زهره حياتك...  ياعلي وسفه الزمن
من شلت نعش العزيزه... انته دمعاتك جرن
البيتك الزهره الزجيه... ياعلي جانت وطن

نعش فاطم مو سهل … الفرگه لا ما تنحمل
دمعتك ظلت تهل….  ها يحيدر
¤¤¤¤¤¤¤¤¤¤¤¤¤¤¤¤¤¤¤¤¤¤
منكسر ظهرك يحيدر....  لآن شيـعـت الـضوه
من عگب فاطم يغالي.  يصعب عليك الهوه
اجروحك اهوايه امن اعدهن. بعد ما الهن دوه
وجن تحس روحك غريبه ــ ردت موتتكم سوه

دمعك الليله جره.... من شفت هذا الجره
شلون حالك يا تره….  ها يحيدر
¤¤¤¤¤¤¤¤¤¤¤¤¤¤¤¤¤¤¤¤¤
راحت ام الحسن عنك.. وانتَ اصبحت بجرح
مره تنظر عله المحسن. مره عل الدم  اليسح
الله اليعينك يحيدر…. ابهل المصيبه  تنذبح
ادفنت زهرة حياتك... ورجعت تحمل جرح

ارجعت هم منكسر…  الله ينطيك الصبر
حقك ادفنت العمر…. ها يحيدر
¤¤¤¤¤¤¤¤¤¤¤¤¤¤¤¤¤¤¤¤¤
ياعلي الزهراء راحت... وتركت ابابك اثر
رادت اتگلك يحيدر... گبري هالليله انحفر
عل الحسين واعلى زينب.  ظلت اتدير النظر
وظهرك ابلايه الزجيه… تحسه هالليله انكسر

رحتي يالفكدج صعب.  ياعلي واعله الگلب
بقت دمعاتك تصب . ها يحيدر
¤¤¤¤¤¤¤¤¤¤¤¤¤¤¤¤¤¤¤¤¤
من شلت نعش الزچيّه. ياعلي دمعك يسيل
عافتك فاطم يحيدر.. للماسي بهم تميل
كسرت اظلوع الزجيه ياعلي لا مو قليل
صعبه لمن فارگتها ومابقه يالوالي حيل
جرح عافتلك جرح. ياعلي وباجر ذبح
وبكبر امسه الصبح. ها يحيدر
¤¤¤¤¤¤¤¤¤¤¤¤¤¤¤¤¤¤¤¤
لمن غسلت الزچيه. حسين طاح اعله الجسد
ما يفارگها يحيدر . هالمسه وكلبه انمرد
حسين يتمنه بكبرهه يمتد بنفس اللحد
بويه راحت منه امنه ـ علي ولينه ماترد

حسين ينظر للضلع. بعينه ويسيل الدمع
ابهالمصيبه ينفجع….. ها يحيدر
………………………………………… ………
الى خادم الحسين وخادم الزهراء
✍️الشاعر مصطفى النائلي

نعش الزچيّه حيدر يشيله
وعگب الحبيبه ينهدم حيله
••••••••••••••••••••••••••••••••••••
عگب الحبيبه ينكسر ظهره
او بداره تبقه آثار للزهره
ودع الزهره وبالگلب حسره
ودم المدامع حيدر ايسيله
••••••••••••••••••••••••••••••••••••••
الله يعينه اشلون ودعها
بلحظة فجيعه الوالي شيعها
هاي المصيبه منهو يجرعها
اعله ام حسن ما هود بليله
•••••••••••••••••••••••••••••••••••••
دم ابلحيته حيدر الغالي
فگد ام حسن مو سهل عالوالي
ينادي المصيبه شيبت حالي
وعن الضلع الزهره تحچيله
•••••••••••••••••••••••••••••••••••
حيدر علي ما ينوصف حاله
مصيوب عگب الزهره دلاله
فوگ المصيبه فجعة اعياله
وبالهضم يگضي المرتضى ليله
•••••••••••••••••••••••••••••••••••••
بعد الضلع حتماً تجي الطبره
وتظل يتيمه زينب الحره
وحسين بالطف ينگطع نحره
بالغاضريه ومحد ايشيله
••••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي